Read Southern Sotho Johanne 7 Bible Online

Johanne 7 - Southern Sotho bible

Johanne 7

¹Kamora tseo, Jesu a itsamaela Galelea, hobane o ne a sa rate ho tsamaya Judea, hobane Bajuda ba ne ba batla ho mmolaya.

²Jwale mokete wa Bajuda wa Metlotlwane o ne o atametse.

³Yaba banababo ba re ho yena: Tloha mona, o ye Judea, barutuwa ba hao le bona ba tle ba bone mesebetsi eo o e etsang.

⁴Hobane ha ho motho ya etsang letho sephiring, haele yena a batlang ho tsejwa pontsheng. Haeba u etsa lintho tsena, iponahatse ho lefatše.

⁵Hobane le banababo ba ne ba sa dumele ho yena.

⁶Jesu a re ho bona: Nako ya ka ha e eso fihle, empa nako ya lona e ntse e le teng.

⁷Lefatshe le ke ke la le hloya; empa nna, se ntlhoile, kahobane ke se pakela hore mesebetsi ya sona e mebe.

⁸Lona, nyolohelang moketeng ona; hobane nako ya ka ha e eso fihle.

⁹Eitse hobane a ba bolelle taba tseo, a itulela Galilea.

¹⁰Empa ha banababo ba se ba nyolohile, le yena a nyolohela moketeng, e seng pontsheng, empa e le ka sephiring.

¹¹Yaba Bajuda ba mmatla moketeng, ba re: O kae?

¹²Letshwele le ne le dumaduma ka yena, hobane ba bang ba ne ba re: “O molemo; empa o kgelosa batho.

¹³Leha ho le jwalo, ho ne ho se motho ya buang ka yena pepeneneng, ka baka la ho tshaba Bajuda.

¹⁴Ha mokete o se o le mahareng, Jesu a nyolohela tempeleng, a ruta.

¹⁵Bajuta ba makala, ba re: “Monna eo o tseba jwang Mangolo, empa a sa ithuta?

¹⁶Jesu a ba araba, a re: Thuto ya ka hase ya ka, empa ke ya ya nthomileng.

¹⁷Ekare ha motho a rata ho etsa thato ya hae, o tla tseba tsa thuto eo, hore na e tswa ho Modimo, kapa ke bua ka bonna.

¹⁸Ya ipuellang o ipatlela thoriso;

¹⁹Na Moshe ha a ka a le nea molao, athe ha ho le a mong ho lona ya bolokang molao? Ke ka baka la’ng le nyaka go mpolaya?

²⁰Matshwele a araba, a re: O na le modemona; ke mang ya batlang ho o bolaya?

²¹Jesu a araba, a re ho bona: Ke entse mosebetsi o le mong, mme le a makala kaofela.

²²Moshe o le neile lebollo ke hona; (e seng hobane e tswa ho Moshe, empa e tswa ho baholoholo), mme le bolotsa motho ka tsatsi la Sabatha.

²³Ekare ha motho a bolotswa ka Sabatha, ho tle ho se ke ha tlolwa molao wa Moshe; a le nkgalefela, kahobane ke fodisitse motho kahohle ka tsatsi la Sabatha na?

²⁴Le se ke la ahlola ka ponahalo, le mpe le ahlole ka kahlolo e lokileng.

²⁵Yaba ba bang ba Jerusalema ba re: Na hase yena eo ba batlang ho mmolaya na?

²⁶Empa bonang, o bua pepenene, mme ha ba re letho ho yena. A ruri babusi ba a itse fa e le ene Keresete?

²⁷Empa re tseba moo a tswang teng;

²⁸Yaba Jesu o phahamisa lentswe tempeleng, a ruta, a re: Le a ntseba, le bile le tseba le moo ke tswang teng;

²⁹Empa nna ke a mo tseba, hobane ke tswa ho yena, mme ke yena ya nthomileng.

³⁰Jwale ba batla ho mo tshwara, empa ho ne ho se motho ya mo isang matsoho, kahobane nako ya hae e ne e eso fihle.

³¹Ba bangata hara letshwele ba dumela ho yena, ba re: “Ha Kreste a etla, na o tla etsa mehlolo e fetang ee e entsweng na?

³²Bafarisi ba utlwa letshwele le mo dumaduma; mme Bafarisi le baprista ba baholo ba roma bahlanka ho mo tshwara.

³³Jesu a re ho bona: Ke sa na le lona sebakanyana, ke ntoo ya ho ya nthomileng.

³⁴Le tla mpatla, mme ha le ka ke la mpona; mme moo ke leng teng, lona le ke ke la tla.

³⁵Yaba Bajuda ba botsana, ba re: Eo o tla ya kae, moo re ke keng ra mo fumana? Na o tla ea ho ba qhalaneng har’a Balichaba, ’me a rute Balichaba?

³⁶Ke polelo efe eo a e boletseng, ha a re: Le tla mpatla, mme ha le ka ke la mpona;

³⁷Ka letsatsi la ho qetela, e leng le leholo la mokete, Jesu a ema, a howeletsa, a re: Ekare ha e mong a nyorilwe, a tle ho nna, a nwe.

³⁸Ya dumelang ho nna, dinoka tsa metsi a kollang di tla phalla, di etswa mpeng ya hae, jwalokaha Lengolo le boletse.

³⁹(Empa o ne a bua ka Moya oo ba dumelang ho yena ba neng ba tla o amohela, hobane Moya o Halalelang o ne o eso ho newe, hobane Jesu o ne a eso tlotliswe.)

⁴⁰Ba bangata hara letshwele, ha ba utlwa polelo eo, ba re: Kannete enwa ke moporofeta.

⁴¹Ba bang ba re: Enwa ke Kreste. Empa ba bang ba re: Na Kreste a ka tswa Galelea na?

⁴²A Lengolo ha le a bolela hore Kreste o tla tswa lelokong la Davida, le motseng wa Bethlehema, moo Davida a neng a le teng?

⁴³Mme ha eba le karohano hara letshwele ka baka la hae.

⁴⁴Mme ba bang ho bona ba ne ba rata ho mo tshwara; empa ha ho a ka ha eba motho ya mo isang matsoho.

⁴⁵Jwale bahlanka ba tla ho baprista ba baholo le ho Bafarisi; ba re ho bona: Ha le a ka la mo tlisa keng?

⁴⁶Bahlanka ba araba, ba re: Ha ho eso be motho ya kileng a bua jwaloka motho eo.

⁴⁷Bafarisi ba ba araba, ba re: Hleka le lona le thetsitswe na?

⁴⁸Na ho na le e mong wa babusi kapa ho Bafarisi ya dumetseng ho yena?

⁴⁹Empa setjhaba sena se sa tsebeng molao se rohakilwe.

⁵⁰Nikodemase, ya neng a tlile ho Jesu bosiu, e le e mong wa bona, a re ho bona.

⁵¹Na molao wa rona o ahlola motho, o eso ho utlwe seo a se etsang?

⁵²Ba araba, ba re ho yena: Na le wena o tswa Galelea na? Batlisisa, mme o bone: hobane ha ho moporofeta ya hlahang Galelea.

⁵³E mong le e mong a ikela tlung ya hae.