Read Southern Sotho Baroma 12 Bible Online

Baroma 12 - Southern Sotho bible

Baroma 12

¹Ka baka leo, banabeso, ke a le rapela ka mehauhelo ya Modimo, hore le hlahise mebele ya lona e le sehlabelo se phelang, se halalelang, se amohelehang ho Modimo, e leng tshebeletso ya lona ya kelello.

²Le se ke la ipapisa le lefatshe lena, le mpe le fetohe ka ntjhafatso ya dikelello tsa lona, le tle le lemohe seo e leng thato ya Modimo e molemo, e kgahlisang, e phethehileng.

³Hobane ka mohau oo ke o neilweng, ke bolella e mong le e mong ya leng hara lona hore a se ke a ikgopola ho fetisa kamoo a tshwanetseng ho ikgopola kateng; empa a nahane ka kelello, kamoo Modimo a abetseng e mong le e mong tekanyo ya tumelo kateng.

⁴Hobane jwalokaha re na le ditho tse ngata mmeleng o le mong, mme ditho tsohle ha di etse mosebetsi o le mong.

⁵Jwale rona, leha re le bangata, re mmele o le mong ho Kreste, mme e mong le e mong ke ditho tsa e mong.

⁶Erekaha re ena le dineo tse fapaneng, ho ya ka mohau oo re o neilweng, leha e le boporofeta, a re porofeteng ka tekanyo ya tumelo;

⁷Leha e le tshebeletso, a re sebeletseng tshebeletso ya rona;

⁸kapa ya kgothatsang, a be a kgothatse; ya fanang a etse ka bonolo; ya busang, a a buse ka tjantjello; ya etsang mohau, a etse ka thabo.

⁹Lerato e be le se nang boikaketsi. Ilang se se bosula; khomarelang se molemo.

¹⁰le ratane ka lerato la boena; le etelle e mong pele ka tlhompho;

¹¹Le se ke la ba botsoa mosebetsing; ba chesehang moeeng; ho sebeletsa Morena;

¹²Thabang tšepong; mamello matshwenyehong; le phehelle thapelong;

¹³Abelang bahalaledi ka seo ba se hlokang; ho amohela baeti.

¹⁴Hlohonolofatsang ba le hlorisang; hlohonolofatsang, le se ke la rohaka.

¹⁵Thabang le ba thabileng, le lle le ba llang.

¹⁶Ebang le kelello e le ’ngoe e mong ho e mong. Le se ke la hlokomela tse phahameng, le mpe le ipee boemong ba batho ba tlaase. Le se ke la ipona bohlale.

¹⁷Le se ke la busetsa bobe ka bobe ho motho. Etsang lintho tse tšepahalang mahlong a batho bohle.

¹⁸Ha ho ka etswa ka ho lona, le phele ka kgotso le batho bohle.

¹⁹Baratuoa, le se ke la iphetetsa e le lōna, le mpe le fe khalefo sebaka; ke tla buseletsa, ho bolela Jehova.

²⁰Ka baka leo, ekare ha sera sa hao se lapile, se fepe; ha se nyorilwe, o se nose: hobane ka ho etsa jwalo o tla bokela mashala a mollo hloohong ya sona.

²¹U se ke ua hlōloa ke bobe, empa u hlole bobe ka botle.