Read Southern Sotho 2 Bakorinthe 7 Bible Online

2 Bakorinthe 7 - Southern Sotho bible

2 Bakorinthe 7

¹Baratuwa, kaha re na le ditshepiso tsena, a re itlhwekiseng ditshila tsohle tsa nama le tsa moya, re ntse re phethahatsa khalalelo ka ho tshaba Modimo.

²Re amohele; ha re a sitelwa motho, ha rea ka ra senya motho, ha re a ka ra etsetsa motho bolotsana.

³Ha ke bue sena ho le ahlola;

⁴Ke na le sebete se seholo ho lona, ke ithorisa haholo ka lona;

⁵Hobane eitse ha re fihla Masedonia, nama ya rona ya se ke ya phomola, ra hloriswa ka nqa tsohle; ka ntle ho ne ho e-na le lintoa, ka hare ho le tšabo.

⁶Empa Modimo, ya tshedisang ba nyahameng, o re tshedisitse ka ho tla ha Tite;

⁷E seng ka ho tla ha hae feela, empa e le ka matshediso ao a tshedisitsweng ka wona ka baka la lona, ha a re bolella tjantjello ya lona, sello sa lona, le tjheseho ya lona bakeng sa ka; hoo ke ileng ka thaba haholo.

⁸Hobane leha ke le swabisitse ka lengolo, ha ke bake, leha ke bakile;

⁹Jwale ke thabela, e seng kahobane le ile la swaba, empa ke thabela hore le ile la swaba hoo le ileng la baka;

¹⁰Hobane ho swaba ka tsela ya Modimo ho hlahisa pako e isang pholohong, e sa bakeleng;

¹¹Hobane bonang, taba eo le ile la hlomoha ka yona ka mokgwa wa bomodimo, e ne e le tshwenyeho e kakang ho lona, e, boitlhaloso bo kakang, e, kgalefo e kakang, e, tshabo e kakang, e, takatso e matla, e, tjheseho e kakang, e, boiphetetso bo bo kakang! Dinthong tsohle le ipontshitse hore ha le a hlaka tabeng ena.

¹²Ka baka leo, le hoja ke le ngoletse, ha ke a ka ka etsa hoo ka baka la ya neng a fositse, leha e le ka baka la ya otsitsweng, empa e le hore ho le hlokomela ka baka la lona pela Modimo.

¹³Ke ka baka leo re tshedisitsweng matshedisong a lona, mme ra thabela thabo ya Tite ka ho fetisisa, kahobane moya wa hae o ile wa kgathollwa ke lona bohle.

¹⁴Hobane leha ke ile ka ithorisa ho yena ka letho ka lona, ha ke a ka ka hlajwa ke dihlong; empa jwalokaha re le boleletse tsohle ka nnete, ka mokgwa o jwalo boithoriso ba rona, boo ke bo entseng ka pel’a Tite, e bile nnete.

¹⁵Mme lerato la hae ho lona le atile haholo, ha a ntse a hopola kutlo ya lona bohle, kamoo le ileng la mo amohela ka tshabo le thothomelo.

¹⁶Ka hona ke thabela hore linthong tsohle ke le tšepa.