Read Southern Sotho Bagalata 6 Bible Online

Bagalata 6 - Southern Sotho bible

Bagalata 6

¹Banab’eso, ekare ha motho a oela molatong o mong, lōna ba moea, le mo tsose ka moea o mosa; o itebele, o tle o se ke wa lekwa le wena.

²Jarelanang merwalo, mme kahoo le phethahatse molao wa Kreste.

³Hobane ha motho a itekanya hore ke letho, athe hase letho, o a ithetsa.

⁴Empa e mong le e mong a ke a leke mosebetsi wa hae, mme ke moo a tla ba le thabo ka ho yena a nnotshi, e seng ho e mong.

⁵Hobane e mong le e mong o tla jara phahlo ya hae.

⁶Ya rutwang lentswe a a abelane le ya mo rutang dinthong tsohle tse molemo.

⁷Le se ke la thetswa; Molimo ha o songoe: hobane seo motho a se jalang, ke sona seo a tla se kotula.

⁸Hobane ya jallang nama ya hae, o tla kotula nameng ho bola; empa ya jallang Moya, o tla kotula Moyeng bophelo bo sa feleng.

⁹A re se keng ra kgathala ho etsa hantle;

¹⁰Ka baka leo, ha re sa na le sebaka, a re etseng bohle hantle, haholo ba ntlo ya tumelo.

¹¹Bonang kamoo lengolo le lekaakang leo ke le ngoletseng lona ka letsoho la ka.

¹²Bohle ba ratang ho kgahlisa ka nama, ke bona ba le qobellang ho bolla; feela ba tle ba se ke ba hlorisetsoa sefapano sa Kreste.

¹³Hobane le bona ba bolotseng ha ba boloke molao; empa ba rata hore le bolotswe, ba tle ba ithorise nameng ya lona.

¹⁴Empa ho mpe ho se be teng ho ka ithorisa, haese ka sefapano sa Morena wa rona Jesu Kreste, seo ka sona lefatshe le thakgisitsweng ho nna, le nna ke thakgisitsweng ka nqeng ya lefatshe.

¹⁵Hobane ho Kreste Jesu ho bolla kapa ho se bolle ha ho thuse letho, empa e le sebopuwa se setjha.

¹⁶Mme bohle ba tsamayang ka molao oo, kgotso le mohau di be ho bona, le Iseraele wa Modimo.

¹⁷Ho tloha jwale, ho se be motho ya ntshwenyang, hobane mmeleng wa ka ke na le matshwao a Morena Jesu.

¹⁸Bana beso, mohau wa Morena wa rona Jesu Kreste o be le moya wa lona. Amen. (Ho Bagalata e ngoletsoe ho tsoa Roma.)