Read Southern Sotho 1 Timothea 4 Bible Online

1 Timothea 4 - Southern Sotho bible

1 Timothea 4

¹Mme Moya o bolela ka ho hlaka hore mehleng ya morao, ba bang ba tla kwenehela tumelo, ba latele meya e thetsang, le dithuto tsa batemona;

²Ba bua leshano ka boikaketsi; ba matsoalo a bona a chesitsoeng ka tšepe e chesang;

³Ba iletsa batho ho nyala, ba re ho ilwe dijo, tseo Modimo o di entseng hore di amohelwe ka teboho ke ba dumelang, ba tsebang nnete.

⁴Hobane sebopuwa se seng le se seng sa Modimo se molemo, mme ha ho letho le ka lahlwang, ha le amohelwa ka teboho.

⁵Hobane le halaletswa ka lentswe la Modimo le thapelo.

⁶Ekare ha o hopotsa baena taba tseo, o tla be o le mosebeletsi ya molemo wa Jesu Kreste, ya otlwang ka dipolelo tsa tumelo le tsa thuto e molemo, eo o e latetseng.

⁷O mpe o hane ditshomo tse hlomphollang le tsa basadibaholo, mme o itlwaetse borapedi.

⁸Hobane ho thapisa mmele ha ho thuse letho, empa borapedi bo na le thuso nthong tsohle, bo na le pallo ya bophelo ba jwale, le ya bo tlang ho tla.

⁹Polelo ena ke ya nnete, e lokelwang ke kamohelo yohle.

¹⁰Hobane ke ka baka leo re sebetsang ka thata, mme re a hloriswa, hobane re tshepile Modimo o phelang, o leng Mopholosi wa batho bohle, haholo wa ba dumelang.

¹¹Laela dilo tse, o di rute.

¹²Ho se be motho ya nyedisang botjha ba hao; o mpe o be mohlala ho badumedi, ka dipolelo, ka metsamao, le leratong, le tumelong, le hlwekong.

¹³Ho fihlela ke fihla, o sebeletse ho bala, ho eletseng, ho ruteng.

¹⁴O se ka wa tlhokomologa neo e e mo go wena, e o e neilweng ka polelelopele ka peo ya diatla tsa bagolwane.

¹⁵Nahanisisa ka dintho tsena; u inehele ho tsona ka ho feletseng; hore katleho ya hao e bonahale ho bohle.

¹⁶Itobele wena, o hlokomele le thuto; dula ho tsona, hobane ka ho etsa hoo, o tla ipholosa, o boloke le ba o utlwang.