Read Southern Sotho 2 Timothea 4 Bible Online

2 Timothea 4 - Southern Sotho bible

2 Timothea 4

¹Ke o laela ke hona pela Modimo, le pela Morena Jesu Kreste, ya tla ahlola ba phelang le ba shweleng mohla a hlahang le ka mmuso wa hae;

²U bolele lentsoe; o phakise ka nako, leha e sa tshwanele; o laye, o kgalemele, o kgothatse ka mamello yohle le ka thuto.

³Hobane nako e tla tla eo ba ke keng ba mamella thuto ya pholoho; empa ka ho hlohlona ha ditsebe tsa bona, ba tla ipokellela baruti ka ditakatso tsa bona;

⁴Mme ba tla kgelosa ditsebe tsa bona nneteng, ba kgelohele ditshomong.

⁵Empa wena, fadimeha nthong tsohle, o mamelle bohloko, o etse mosebetsi wa mmoledi wa Evangeli, o phethe tshebeletso ya hao ka botlalo.

⁶Hobane jwale, ke se ke tla nyeheloa, mme nako ya ho tloha ha ka e atametse.

⁷Ke loanne ntoa e ntle, ke qetile leeto la ka, ke bolokile tumelo.

⁸Ho tloha jwale, ke beetswe moqhaka wa ho loka, oo Morena, moahlodi ya lokileng, a tla nnea wona ka tsatsi leo, mme e seng nna feela, empa le bohle ba ratang ponahalo ya hae.

⁹Etsa ka mafolo-folo a hao hore o tle ho nna kapele.

¹⁰Hobane Demase o ntahlile, ka ho rata lefatshe la jwale, mme o ile Thesalonika; Keresense o ea Galatia, Tite o ea Dalmatia.

¹¹Ke Luka a le mong feela ea nang le ’na. Nka Mareka, u tle le eena, hobane o na le thuso ho ’na tšebeletsong.

¹²Ke mo rometse Tikikase Efese.

¹³Kobo eo ke e siileng Troase ho Karpase, ha o etla, o tle le wena, le dibuka, haholo tsa matlalo.

¹⁴Alexandere setei sa koporo o nkentse bobe bo boholo; Jehova a mo busetse ho ea ka mesebetsi ea hae.

¹⁵Le wena o mo hlokomele; hobane o hanyeditse mantswe a rona haholo.

¹⁶Ha ke araba pele, ha ho a ka ha eba motho ya emang le nna, empa bohle ba ntahlile;

¹⁷Leha ho le jwalo, Morena o ile a ema le nna, mme a mpha matla; e le hore ka ’na molaetsa o ka tsebahatsoa ka botlalo, le hore lichaba tsohle li utloe: ’me ka lopolloa molomong oa tau.

¹⁸Morena o tla ntopolla mesebetsing yohle e mebe, mme o tla mpolokela ho isa mmusong wa hae wa lehodimo: ho yena e be kganya ka ho sa feleng! Amen.

¹⁹Dumedisa Perisika le Akuila, le ba ntlo ya Onesiforase.

²⁰Erastase o ile a sala Korinthe, empa Trofimase yena ke mo siile Miletame a kula.

²¹Etsa sohle se matleng a hao ho tla pele ho mariha. Eubulose o a o dumedisa, le Pudene, le Linase, le Klaudia, le baena bohle.

²²Morena Jesu Kreste a be le moya wa hao! Mohau o be le lona. Amen. (Lengolo la bobedi le yang ho Timothea, le neng le beilwe mobishopo wa pele wa kereke ya Baefese, le ne le ngotswe ho tswa Roma, ha Paulose a ne a tliswa ka pela Nero kgetlo la bobedi.)