Read Southern Sotho Tshenolo 2 Bible Online

Tshenolo 2 - Southern Sotho bible

Tshenolo 2

¹Ngolla lengeloi la kereke e Efese; Ke tsena tse bolelwang ke ya tshwereng dinaledi tse supileng ka letsohong la hae le letona, ya tsamayang hara dikandelare tse supileng tsa kgauta;

²Ke tseba mesebetsi ya hao, le mokgathala wa hao, le mamello ya hao, le kamoo o sitwang ho mamella ba babe;

³O mameletse, mme o na le mamello, mme ka baka la lebitso la ka o sebeditse ka thata, mme ha o a ka wa kgathala.

⁴Leha ho le jwalo, ke na le seo ke se nyatsang ho wena, ke hobane o lahlile lerato la hao la pele.

⁵Hopola moo o weleng, mme o bake, mme o etse mesebetsi ya pele; ho seng jwalo, ke tla tla ho wena, ke tlose kandelare ya hao tulong ya yona, ha o sa bake.

⁶Empa o na le sena, ke hore o hloile diketso tsa Banikola, tseo le nna ke di hloileng.

⁷Ya nang le ditsebe a utlwe seo Moya o se bolellang dikereke; Ya hlolang ke tla mo fa ho ja sefate sa bophelo, se kahara paradeise ya Modimo.

⁸Ngolla lengeloi la kereke ya Smyrna; Ke tsena tse bolelwang ke wa pele le wa morao, ya neng a shwe, mme a phela;

⁹Ke tseba mesebetsi ya hao, le matshwenyeho a hao, le bofutsana ba hao, (empa o ruile), mme ke tseba le dinyefolo tsa ba ipitsang Bajuda, athe hase bona, empa e le sinagoge ya Satane.

¹⁰O se ka wa boifa dilo tse o tla di bogang; bonang, Diabolo o tla latlhela bangwe ba lona mo ntlong ya kgolegelo gore lo lekwe; mme le tla ba le matshwenyeho ka matsatsi a leshome: o tshepahale ho isa lefung, mme ke tla o nea moqhaka wa bophelo.

¹¹Ya nang le tsebe a utlwe seo Moya o se bolellang dikereke; Ya hlolang a ke ke a etswa hampe ke lefu la bobedi.

¹²Ngolla lengeloi la kereke e Pergame; Ke tsena tse bolelwang ke ya tshwereng sabole e leoditsweng ka nqa tse pedi;

¹³Ke tseba mesebetsi ya hao, le moo o ahileng teng, e leng moo terone ya Satane e leng teng; mme o tiiseditse lebitso la ka, mme ha o a ka wa latola tumelo ya ka, mehleng eo Antipase e neng e le paki ya ka e tshepehang, ya ileng a bolawa hara lona, moo Satane a ahileng teng.

¹⁴Empa ke na le ditaba tse seng kae tseo ke di nyatsang ho wena, ke hobane o na le ba kgomaretseng thuto ya Balaame, ya rutileng Balake ho bea kgopiso pela bana ba Iseraele, hore ba je tse hlabetsweng medimo ya bohata, mme ba etse bohlola.

¹⁵Le wena o na le ba kgomaretseng thuto ya Banikola, e leng ntho eo ke e hloileng.

¹⁶Bakang; ho seng joalo, ke tla tla ho uena kapele, ’me ke tla ba loantša ka sabole ea molomo oa ka.

¹⁷Ya nang le tsebe a utlwe seo Moya o se bolellang dikereke; Ya hlolang ke tla mo fa ho ja manna a patilweng, mme ke tla mo fa lejwe le lesweu, mme lejweng leo ho ngotswe lebitso le letjha, le sa tsejweng ke motho, haese ya le amohelang.

¹⁸Ngolla lengeloi la kereke ya Thiatire; Ke tsena tse bolelwang ke Mora wa Modimo, eo mahlo a hae a leng jwaloka kgabo ya mollo, le maoto a hae a leng jwaloka koporo e benyang;

¹⁹Ke tseba mesebetsi ya hao, le lerato la hao, le tshebeletso ya hao, le tumelo ya hao, le mamello ya hao, le mesebetsi ya hao; mme ba morao ba tla feta ba pele.

²⁰Leha ho le jwalo, ke na le ditaba tse seng kae tseo ke di nyatsang ho wena, ke hobane o dumella mosadi eo Jesebele, ya ipitsang moporofeta wa mosadi, ho ruta le ho kgelosa bahlanka ba ka, hore ba etse bohlola, le ho ja tse hlabetsweng medimo ya bohata.

²¹Ke mo file sebaka sa ho baka bohloleng ba hae; mme ha a ka a baka.

²²Bona, ke tla mo lahlela diphateng, mme ba febang le yena ke ba dihele mahlomoleng a maholo, ha ba sa bake diketsong tsa bona.

²³Bana ba hae ke tla ba bolaya ka lefu; mme dikereke tsohle di tla tseba hobane ke nna ya lekolang matheka le dipelo, mme ke tla nea e mong le e mong wa lona ho ya ka mesebetsi ya hae.

²⁴Empa ke re ho lona, le ba bang ba Thiatire, ba se nang thuto eo, ba sa kang ba tseba matebo a Satane, kamoo ba a bolelang kateng; nke ke ka le bea mojaro o mong.

²⁵Empa seo le nang le sona le se kgomaretse ho fihlela ke fihla.

²⁶Ya hlolang, mme a boloka mesebetsi ya ka ho isa qetellong, ke tla mo nea matla hodima ditjhaba.

²⁷O tla di busa ka lere la tshepe; jwaloka dijana tsa mmopi wa dipitsa di tla thujwa, jwalokaha le nna ke amohetse ho Ntate.

²⁸Ke tla mo fa naledi ya meso.

²⁹Ya nang le tsebe a utlwe seo Moya o se bolellang dikereke.