Read Southern Sotho Tshenolo 21 Bible Online

Tshenolo 21 - Southern Sotho bible

Tshenolo 21

¹Yaba ke bona lehodimo le letjha le lefatshe le letjha, hobane lehodimo la pele le lefatshe la pele di ne di fetile; mme lewatle le ne le se le le siyo.

²Yaba ke bona motse o halalelang, Jerusalema e motjha, o theoha lehodimong ho Modimo, o itokisitse jwaloka monyaduwa ya itlhophiseditseng monna wa hae.

³Yaba ke utlwa lentswe le leholo le tswang lehodimong, le re: Bonang, tabernakele ya Modimo e hara batho;

⁴Mme Modimo o tla hlakola meokgo yohle mahlong a bona; mme lefu ha le sa tla hlola le eba teng, mme ha ho sa tla ba masoabi, leha e le ho bokolla, kapa bohloko: hobane tsa pele di fetile.

⁵Ya dutseng teroneng a re: Bonang, ntho tsohle ke di etsa tse ntjha. A re ho nna: Ngola, hobane dipolelo tsena ke tsa nnete, di a tshepeha.

⁶A re ho nna: Ho etsahetse. Ke ’na Alfa le Omega, qalo le qetello. Ea nyoriloeng ke tla mo fa feela seliba sa metsi a bophelo.

⁷Ya hlolang o tla rua tsohle; mme ke tla ba Modimo wa hae, yena e be mora wa ka.

⁸Empa ba boi, le ba sa lumeleng, le ba manyala, le babolai, le lihlola, le baloi, le barapeli ba litšoantšo, le bohle ba leshano, kabelo ea bona e tla ba letšeng le tukang mollo le sebabole: e leng lefu la bobeli.

⁹Mme ha tla ho nna e mong wa mangeloi a supileng a tshwereng dinkgo tse supileng tse tletseng dikotsi tse supileng tsa ho qetela, a bua le nna, a re: Tloo kwano, ke tla o bontsha monyaduwa, mosadi wa Konyana.

¹⁰La nkisa ka moya thabeng e kgolo, e telele, mme la mpontsha motse o moholo, Jerusalema o halalelang, o theoha lehodimong ho Modimo.

¹¹O na le kganya ya Modimo, mme lesedi la wona le ne le le jwaloka lejwe la bohlokwa ka ho fetisisa, le ka kang lejwe la jaspere le benyang jwaloka lehakwe;

¹²O na le lerako le leholo le le phahameng, o na le menyako e leshome le metso e mmedi, mme menyakong ya teng ho na le mangeloi a leshome le metso e mmedi, mme ho wona ho ngodilwe mabitso a meloko e leshome le metso e mmedi ya bana ba Iseraele.

¹³Ka bochabela ho na le liheke tse tharo; ka leboea liheke tse tharo; ka nqa borwa dikgoro tse tharo; le ka bophirimela liheke tse tharo.

¹⁴Lerako la motse le ne le na le metheo e leshome le metso e mmedi, eo ho yona e leng mabitso a baapostola ba Konyana ba leshome le metso e mmedi.

¹⁵Ya neng a bua le nna o ne a ena le lehlaka la kgauta ho lekanya motse, le dikgoro tsa wona, le lerako la wona.

¹⁶Motse o na le mahlakore a mane a lekanang, bolelele ba wona bo lekana le bophara; mme a lekanya motse ka lehlaka, distadia tse dikete tse leshome le metso e mmedi. bolelele le bophara le bophahamo ba yona di a lekana.

¹⁷A lekanya lerako la wona, ditswe tse lekgolo le nang le mashome a mane a metso e mene, ka tekanyo ya motho, e leng ya lengeloi.

¹⁸Mohaho wa lerako la wona e ne e le wa jaspere, mme motse e ne e le kgauta e hlwekileng, e kang seipone se hlwekileng.

¹⁹Metheo ya lerako la motse e ne e kgabisitswe ka mefuta yohle ya majwe a bohlokwa. Motheo wa pele e ne e le jaspere; wa bobedi ke safire; wa boraro ke kalkedoni; wa bone ke emeralde;

²⁰Ya bohlano ke sardonika; ea botšelela ke sarda; ea bosupa ke krysolite; ea borobeli ke beryl; ea borobong e le topaze; ea leshome ke krisopraso; ea leshome le motso o mong e le jacinthe; ea leshome le metso e ’meli ke amethiste.

²¹Mme dikgoro tse leshome le metso e mmedi e ne e le diperela tse leshome le metso e mmedi; monyako o mong le o mong e ne e le wa perela e le nngwe, le mmila wa motse e le wa kgauta e hlwekileng, jwaloka kgalase e bonaletsang.

²²Mme ha ke a ka ka bona tempele teng, hobane Morena Modimo ya matla wohle le Konyana ke tempele ya wona.

²³Motse o ne o sa hloke letsatsi, leha e le kgwedi ho o bonesetsa, hobane kganya ya Modimo e ne e o bonesa, mme lesedi la wona ke Konyana.

²⁴Ditjhaba tsa ba pholoswang di tla tsamaya leseding la wona, mme marena a lefatshe a tla tlisa kganya ya wona ho wona.

²⁵Mme dikgoro tsa teng di ke ke tsa kwalwa ho hang motshehare, hobane bosiu ha bo sa tla ba teng.

²⁶Mme ba tla tlisa kganya le hlompho ya ditjhaba ho wona.

²⁷Ho ke ke ha kena teng letho le ditshila, leha e le mang le mang ya etsang manyala, le leshano, haese ba ngodilweng bukeng ya bophelo ya Konyana.