Read Sukuma Bible 2015 – Bibilia Ilagano Lya Kale 2015 Wandijo 36 Bible Online

Wandijo 36 - Sukuma Bible 2015 – Bibilia Ilagano Lya Kale 2015 bible

Wandijo 36

¹Īyī yene mihayo ya shibyalīlwe sha ng'wa Esau, (hū ng'wene ū Edomu).

²Ū Esau akatoola a bake bakwe kūfuma mu bakīma ba Kanaani, Ada, nshīke wa ng'wa Eloni Ng'hītī, na Oholibama, nshīke wa ng'wa Ana, ng'witūnja wa ng'wa Zibeoni, ūmò wa Bahīvī.

³Nke ūngī wa ng'wa Esau walī Basemati, nshīke wa ng'wa Ishimaeli, n'ilūmbūye wa ng'wa Nebaioti.

⁴Ū Ada akamyalīla ū Esau Elifazi, ū Basemati ūmyala Leueli;

⁵Ū Oholibama ūmyala Jeushi, Jalamu, na Koola. A benaba hū baalī bitūnja ba ng'wa Esau abo akabyalīlwa mu Kanaani.

⁶Ū Esau akabosola a bake bakwe na a bitūnja bakwe na a bashīke bakwe, ī kaya yakwe ī yose; nī mitugo jakwe, nī ndimu ī jingī ījo walī ajisugile. Ūjisola nī sabo jakwe pyī ī jose ījo walī wapandīka aho alī Kanaani; hūna wisunda ūng'wīngīla ū nzunaye ū Yakobo, ūsaamīla kūle.

⁷Ū būsabi wabo būkakwīla no, yūbiza shilambu ū kwikala hamò; ī sī īyo bikalaga īkabagehela, yūbiza shilambu ū kūbigela būbīlī wabo, nguno ya būsabi wabo.

⁸Na lūūlū ū Esau (hū ū Edomu) ūja kwikala Seili, sī ya magūlya.

⁹Īyī yene mihayo ya shibyalīlwe sha ng'wa Esau, ū nkūlūgenji wa Baedomu, abo baalī bikaji ba mu sī ya magūlya ga Seili.

¹⁰Aya galī mina ga bitūnja ba ng'wa Esau: Elifazi, ng'witūnja wa ng'wa Esau mulī nke Ada; na Leueli, ng'wana Basemati, nke wa ng'wa Esau.

¹¹A bitūnja ba ng'wa Elifazi bene: Temani, Omali, Zefo, Gatamu, na Kenazi.

¹²Ū Elifazi ng'witūnja wa ng'wa Esau walī na nkīma ūngī, witanagwa Timuna; Ū ng'wene akamyalīla ng'witūnja lina lyakwe Amaleki. A benaba baalī bizūkūlū Esau, kūfuma mulī nke wakwe Ada.

¹³A bitūnja ba ng'wa Leueli bene: Nahati, Zeela, Shama, Miza. A benaba baalī bizūkūlū Esau, kūfuma mulī nke wakwe Basemati.

¹⁴Ū nke wa ng'wa Esau, ū Oholibama nshīke wa ng'wa Ana, ng'witūnja wa ng'wa Zibeoni, akabyala baana bagosha ba: Yeushi, Yalamu, na Koola. A benaba h'abo Oholibama akamyalīla ū Esau.

¹⁵Ū mu banangwa ba Edomu a ba shibyalīlwe sha ng'wa Esau, baalīho na bahilya Elifazi, ū tangī wa ng'wa Esau. Ū mu benaba a banangwa baalī: Temani, Omali, Zefo, Kenazi,

¹⁶Koola, Gatamu, na Amaleki. A benaba baalī bahilya Elifazi, bizūkūlū[69] ba ng'wa Ada.

¹⁷Baalīho na bahilya Leueli, ng'witūnja ūngī wa ng'wa Esau; ū mu benabo, a banangwa baalī: Zeela, Shama, Miza; h'a bahilya Leueli, bizūkūlū Esau, mulī nke wakwe Basemati. Nabo baalī banangwa ū mu Edomu.

¹⁸A bitūnja ba nke wa ng'wa Esau Ū Oholibama, abo baalī banangwa ba: Yeushi, Yalamu na Koola. A benaba hū baalī banangwa, ba kūfuma mulī Oholibama, Ū nshīke wa ng'wa Ana.

¹⁹Pye a benaba baalī ba būbyīle bo ng'wa Esau (h'ū Edomu); hama a benaba hū baalī banangwa babo.

²⁰A bitūnja ba ng'wa Seili, Ū muna Hooli, abo baalī benīkīlī sī yenīyo, baalī: Lotani, Shobali, Zibeoni, Ana,

²¹Dishoni, Ezeli, na Dishani. A bitūnja ba ng'wa Seili benaba, hū baalī banangwa ba Bahooli Ū mu Edomu.

²²A bitūnja ba ng'wa Lotani baalī: Hooli na Homamu, ū Lotani walī n'ilūmbūye witanagwa Timuna.

²³A bitūnja ba ng'wa Shobali baalī: Alivani, Manahati, Ebali, Shefo na Onamu.

²⁴A bitūnja ba ng'wa Zibeoni baalī ba Aia na Ana. Ū ng'wenūyū h'ū Ana ūyo akabona lūzwīlo lwa minzī masebu kū matogolo ikanza ilebe wadīīmaga nzobe ja ng'wa ise Zibeoni.

²⁵A baana ba ng'wa Ana baalī: Dishoni na Oholibama, ūyo walī nshīke ntogwa wa ng'wa Ana.

²⁶A bitūnja ba ng'wa Dishoni baalī: Hemudani, Eshibani, Itilani na Kelani.

²⁷A bitūnja ba ng'wa Ezeli baalī: Bilihani, Zaavani na Akani.

²⁸A bitūnja ba ng'wa Dishani baalī: Uzi na Alani.

²⁹Aba beene baalī banangwa ba Bahooli: Lotani, Shobali, Zibeoni, Ana,

³⁰Dishoni, Ezeli na Dishani. A banangwa ba Bahooli benaba, būlī ng'wene walī n'igūngūli lyakwe Ū mu sī ya Seili.

³¹Aba bene batemi abo baalī basugi mu Edomu kwīngīīla kale, kūūko ataalī kwandya kūsuga ntemi ose ose mu Baisilaeli.

³²Bela ng'witūnja wa ng'wa Beoli, walī ntemi wa Edomu. Ū nzengo gwakwe gwitanagwa Dīnhaba.

³³Aho waacha ū Bela, Jobabu ng'witūnja wa ng'wa Zela, munhū wa Bozila, ūgūsola ū nīmo gwa būtemi.

³⁴Aho waacha ū Jobabu, Hushamu wa kūfuma sī ya Batemani ūgūsola ū nīmo gwa būtemi.

³⁵Ū Hushamu aho waacha, Hadadi ng'witūnja wa ng'wa Bedadi, ūgūsola ū nīmo gwa būtemi. Ū munhū ng'wenūyo walī wabapyena Bamidiani mu sī ya Moabu. Ū nzengo gwakwe gūkinhwa lina lya Aviti.

³⁶Ū Hadadi aho waacha, Samula wa kūfuma sī ya Masileka, ūgūsola ū nīmo gwa būtemi.

³⁷Aho waacha ū Samula, Shauli wa kūfuma Lehoboti, sī ya kū līmongo, nang'hwe ūgūsola Ū nīmo gwa būtemi.

³⁸Ū Shauli aho waacha, Baali-hanani ng'witūnja wa ng'wa Akiboli ūgūsola ū nīmo gwa būtemi.

³⁹Ū Baali-hanani ū ng'witūnja wa ng'wa Akiboli aho waacha, Hadadi ūgūsola ū nīmo gwa būtemi. Ū nzengo gwakwe gūkinhwa lina lya Pau; Ū nke wakwe witanagwa Mehetabeli, nshīke wa ng'wa Matiledi. Ū Matiledi walī nshīke wa ng'wa Mezahabu.

⁴⁰Aba h'a banangwa ba kūfuma mu shibyalīlwe sha ng'wa Esau; būlī ng'wene na lina lyakwe, kūlenganīla nī sī jabo: Timuna, Aliva, Yeteti,

⁴¹Oholibama, Ela, Pinoni,

⁴²Kenazi, Temani, Mibuzaali,

⁴³Magidieli na Ilamu. A benaba hū baalī banangwa ba mu Edomu kūlenganīla nī chalo shabo ū mu sī īyo baalī bayīdima. Ū ng'wenūyū hū walī Esau, Ū nkūlūgenji wa Baedomu.