Read Sukuma Bible 2015 – Bibilia Ilagano Lya Kale 2015 1 Mihayo ya Shikū 2 Bible Online

1 Mihayo ya Shikū 2 - Sukuma Bible 2015 – Bibilia Ilagano Lya Kale 2015 bible

1 Mihayo ya Shikū 2

¹A bitūnja ba ng'wa Isilaeli baalī: Lubeni, Simeoni, Levi, Yuda, Isakaali, Zabuloni,

²Dani, Yosefu, Benjamini, Nafutaali, Gadi, na Asheli.

³A bitūnja ba ng'wa Yuda baalī: Eeli, Onani na Shela. A badatū benaba ū Yuda akabyalīlwa na nke Batishua muna Kanaani. Ū Eeli ū myalwa wa kwandya wa ng'wa Yuda akīīta yabūbi ū mu miso ga ng'wa Seeba, na lūūlū ū Seeba ūmūlaga.

⁴Hanuma ya henaho Tamali, ūyo walī ng'wīnga wakwe ū Yuda ūmyalīla ba Pelezi na Zeela; a bitūnja ba ng'wa Yuda a bose baalī batanò.

⁵Ū Pelezi ūpandīka bitūnja ba: Hezeloni na Hamuli.

⁶A bitūnja ba ng'wa Zeela baalī: Zimuli, Esani, Hemani, Kalikooli, na Dala; banhū batanò.

⁷Ū Akali ūyo akabeenheleja Baisilaeli kūgwa mu makoye mataale walī ng'witūnja wa ng'wa Kalīmi. Akasola shikolo īsho shaalī shilemejiwe, nguno shalī sha kūmfunīja SEEBA.

⁸Esani walī na ng'witūnja: lina lyakwe witanagwa Azalia.

⁹Ī numba ya ng'wa Hezeloni īkabyalīlwa bitūnja aba: Yelahimeeli, Lamu na Kelebu.

¹⁰Ū Lamu ūmyala Aminadabu, ūyo nang'hwe ūmyala Naashoni, ūyo kū shikū ja kū būtongi akabiza ntongeeji wa banhū ba Yuda.

¹¹Ū Nashoni ūmyala Salumoni, ū Salumoni ūmyala Boazi.

¹²Ū Boazi ūmyala Obedi, Obedi ūmyala Yese.

¹³Ū Yese walī ise wa ng'wa Eliabu myalwa wakwe wa kwandya, ū ng'witūnja wa kabīlī walī Abinadabu, ū wa kadatū Shimea,

¹⁴ū wa kanè Netaneeli, ū wa katanò Ladai,

¹⁵wa katandatū Ozemu, ū wa mpungatī Daūdi.

¹⁶Baalī na balūmbū babo: Zeluya na Abigaili. Ū Zeluya ūbyala bitūnja badatū: Abishai, Yoabu na Asaheli.

¹⁷Ū Abigaili walī nina wa ng'wa Amasa, ūyo ise walī Yeeta, munhū w'ihanga lya Baishimaeli.

¹⁸Ū Kelebu ū ng'witūnja wa ng'wa Hezeloni, a bake bakwe a ba Azuba na Yelioti, bakamyalīla baana. A bitūnja bakwe baalī: Yesha, Shobabu na Adoni,

¹⁹Ū Azuba akazumalīka, ū Kelebu ūntoola Efulati; ū ng'wenūyo ūmyalīla ng'witūnja lina lyakwe Huuli.

²⁰Ū Huuli ūmyala Uuli, ū Uuli ūmyala Bezaleli.

²¹Ū Hezeloni aho alī na myaka makūmi atandatū ūntoola nshīke wa ng'wa Makili, ūyo walī ise wa ng'wa Gileadi, ūmyalīla ng'witūnja lina lyakwe Segubu.

²²Ū Segubu ūmyala Yaili, ūyo akabiza nsugi wa mizengo makūmi abīlī ū mu Gileadi.

²³Alīyo ū kū shikū ja kū būtongi Bageshuli na a Baalamu bakagadima a mapandī ga Havoti-yaili nī Kenati, hamò na a magūngūli gamo; ī yose yalī moi mizengo makūmi atandatū. Pye a banhū ba sī jenījo baalī ba shibyalīlwe sha ng'wa Makili, ū ise wa ng'wa Gileadi.

²⁴Ū Hezeloni ūzumalīkīla Kelebu-eflata, ū nke wakwe ū Abiya ūtoolwa na ngosha ūngī, ūbyala ng'witūnja lina lyakwe Ashuli, ise wa ng'wa Tekoa.

²⁵A bitūnja ba ng'wa Yelahimeeli, ū ng'witūnja wa kwandya wa ng'wa Hezeloni baalī: Lamu, myalwa wakwe wa kwandya, ūlondeelwa na Buna, Oleni, Ozemu na Ahiya.

²⁶Ū Yelahimeeli akatoola nkīma ūngī lina lyakwe witagwa Atala; ū ng'wene ūmyala Onamu.

²⁷A bitūnja ba ng'wa Lamu, ūyo walī myalwa wa kwandya wa ng'wa Yelahimeeli baalī: Maazi, Yamini, na Ekeli.

²⁸A bitūnja ba ng'wa Onamu baalī: Shamai na Yada. A bitūnja ba ng'wa Shamai baalī: Nadabu na Abishuli.

²⁹Ū nke wa ng'wa Abishuli walī Abihaili, akamyalīla ba: Abani na Molidi.

³⁰Abitūnja ba ng'wa Nadabu baalī: Seledi na Apaimu. Ū Seledi ūcha atī na baana.

³¹A bitūnja ba ng'wa Apaimu baalī: Ishi, ūyo akamyala Sheshani; ū Sheshani ūmyala Ahilai.

³²A bitūnja ba ng'wa Yada, ūyo walī nzunaye wa ng'wa Shamai baalī: Yeeta na Yonasani. Ū Yeeta ūcha atī na baana.

³³A bitūnja ba ng'wa Yonasani baalī: Peleti na Zaza. A benaba hū beene abo baalī ba shibyalīlwe sha ng'wa Yelahimeeli.

³⁴Ū Sheshani atabyalile bitūnja, walī na bashīīke dūhū. Kwike walī na nsese wakwe muna Misili, lina lyakwe witanagwa Yaha.

³⁵Na lūūlū ū Sheshani ūntooja ūmò wa bashīke bakwe ū kūlī nsese wakwe ū Yaha, nang'hwe ūmyalīla ng'witūnja lina lyakwe Atai.

³⁶Ū Atai ūmyala Nasani. Ū Nasani ūmyala Zabadi,

³⁷Zabadi ūmyala Eflali, Eflali ūmyala Obedi,

³⁸Obedi ūmyala Yehu, Yehu ūmyala Azalia.

³⁹Azalia ūmyala Helezi, Helezi ūmyala Eleasa,

⁴⁰Eleasa ūmyala Sisimai. Sisimai ūmyala Shalumu,

⁴¹Ū Shalumu ūmyala Yekania, ū Yekania ūmyala Elishama.

⁴²A bitūnja ba ng'wa Kelebu, ū nzunaaye wa ng'wa Yelahimeeli baalī: Mesha myalwa wakwe wa kwandya; ū ng'wenūyo ūmyala Zifu, Zifu nang'hwe ūmyala Malesha; ū Malesha ūmyala Hebuloni.

⁴³A bitūnja ba ng'wa Hebuloni baalī: Koola, Tapua, Lekemu, Shema,

⁴⁴ū Shema walī ise wa ng'wa Lahamu; ū Lahamu nang'hwe ūmyala Yolikeamu. Ū Lekemu ng'wene akamyala Shamai.

⁴⁵Ū Shamai ūbyala ng'witūnja lina lyakwe Maoni, ū Maoni ūmyala Beti-zuuli.

⁴⁶Ū Kelebu walī na ke ūngī witanagwa Efa; ū ng'wene ūbabyala ba: Halani, Moza na Gazezi.

⁴⁷Bitūnja ba ng'wa Jadai baalī: Legemu, Yotamu, Geshani, Peleti, Efa na Shaafu.

⁴⁸Nke ūngī wa ng'wa Kelebu witanagwa Maaka; ū ng'wene walī nina wa ba Shebeeli na Tilihana.

⁴⁹Akamyala na Shaafu ise wa ng'wa Madimana; ū nkīma ng'wenūyo ūmyala na Sheva, ise wa ba Makibena na Gibea. Ū Kelebu walī na nshīke, lina lya kwe Akisa.

⁵⁰Na lūūlū a banhū aba hū baalī ba shibyalīlwe sha ng'wa Kelebu: A bitūnja ba ng'wa Huuli ū myalwa wa kwandya wa ng'wa Eflata baalī: Shobali, ūyo akamyala Kiliat-yealimu,

⁵¹Salima ise wa ng'wa Betelehemu, na Halefu ise wa ng'wa Beti-gada.

⁵²A banhū ba shibyalīlwe sha ng'wa Shobali ū ise wa ng'wa Kiliati-yealimu baalī: ba shibyalīlwe sha ng'wa Haloe, nusu ya banhū ba lūdūgū lwa ng'wa Manahati,

⁵³na a banhū ba ndūgū ja Kiliati-yealimu; banhū gītī Baisila, Baputi, Bashumaati na Bamishila. Ū kūfuma ū mu banhū benaba bakilonga banhū ba ndūgū ja Bazoli na Baeshatooli.

⁵⁴A banhū ba shibyalīlwe sha ng'wa Salima baalī: Bana Betelehemu, bana Netofa, bana Atiloti-beti-yoabu, na nusu ya bana Manahati, na Bazoli.

⁵⁵Nī ndūgū ja bandīki abo bikalaga Yabezi jalī: Batila, Bashimea na Basukaati. A benaba hū baalī a Bakeni abo bakiza kūfuma kūlī Hamati ū ise wa banhū ba numba ya Balekabu.