Read Sukuma Bible 2015 – Bibilia Ilagano Lya Kale 2015 1 Mihayo ya Shikū 25 Bible Online

1 Mihayo ya Shikū 25 - Sukuma Bible 2015 – Bibilia Ilagano Lya Kale 2015 bible

1 Mihayo ya Shikū 25

¹Ū Daūdi hamò na bataale ba mabità ga bashilikale būsolanhya banhū bamò kūfuma mu shibyalīlwe sha ba Asafu, Hema, na Yedusuni gīkī babize na nīmo gwa kūfunya būhangi kūnū bakūtūlaga ndono, malimba na nzege. Abo bakasolwa kūgwīta ū nīmo gwenūyo baalī aba:

²Ū mu shibyalīlwe sha ng'wa Asafu būsolwa bitūnja bakwe: Zakuuli, Yosefu, Netania na Asalela. Ū Asafu walī ntongeeji wabo a bitūnja bakwe, nū kūhanga wahangaga wei kūlondeela kahelele ka ntemi.

³Ū Yudusuni a bitūnja bakwe baalī: Gedalia, Zeli, Yeshaya, Shimei, Hashabia, na Maatisia; a bose banhū batandatū ha sīlīlī ya būtongeeji wa ng'wa saabo Yudusuni, ūyo wahaganga na kūnkumīlīja ū Seeba kūnū akūtūlaga ndono.

⁴Ū Hemani a bitūnja bakwe baalī: Buukia, Maatania, Uzieli, Shubaeli, Yelimoti, Hanania, Hanani, Eliasa, Gidalati, na Lomamitī-eza, Yoshibekasha, Maloti, Hotili, na Mahazioti.

⁵A bose benaba baalī bitūnja ba ng'wa Hemani, ūyo walī ng'hangi wa ntemi. Ū Mulungu walī wang'wisagīja ū Hemani gīkī akūngūngūhya, na lūūlū ūng'winha bitūnja ikūmi na banè na bashīke badatū.

⁶Ū saabo walī ntongeeji wabo pye a benaba ūlū bakwīmbaga mu hekalu ya ng'wa Seeba, nūūlū ng'wikanza lya kūlamya kūnū bakūtūlaga nzege, malimba, na ndono ū mu numba ya ng'wa Mulungu. Ū Asafu nū Yudusuni nū Hemani, balondeelaga kahelele ka ntemi.

⁷Ī lisaabu lyabo a bose, ū kūbasanja na a badūgū babo, baalī banhū magana abīlī na makūmi anaane na banaane; hama pye a bose baalī balangilwe kwīmba chiza ū kū būtongi wa ng'wa Seeba.

⁸Pyī ūmo bagelelile, babize bataale nūūlū bado, balangi nūūlū balangwa; būlī ng'wene watūlīgījiagwa mbale hū wingīla ū mu nīmo ūyo wagwītaga.

⁹Ī mbale ya kwandya yalī ya ng'wa Asafu; īkangwīla Yosefu hamò na bitūnja bakwe na badūgū bakwe; banhū ikūmi na babīlī. Ī ya kabīlī yūngwīla Gedalia na bana bakwe na badūgūye; banhū ikūmi na babīlī.

¹⁰Ī ya kadatū yūngwīla Zakuuli na bana bakwe na badūgūye; banhū ikūmi na babīlī.

¹¹Ī ya kanè yūngwīla Izili na baana bakwe na badūgūye; banhū ikūmi na babīlī.

¹²Ī ya katanò yūngwīla Nesania na bana bakwe na badūgūye; banhū ikūmi na babīlī.

¹³Ī ya katandatū yūngwīla Bukia na bana bakwe na badūgūye; banhū ikūmi na babīlī.

¹⁴Ī ya mpungatī yūngwīla Yesalela na bana bakwe na badūgūye; banhū ikūmi na babīlī.

¹⁵Ī ya kanaane yūngwīla Yeshaya na bana bakwe na badūgūye; banhū ikūmi na babīlī.

¹⁶Ī ya kenda yūngwīla Matania na bana bakwe na badūgūye; banhū ikūmi na babīlī.

¹⁷Ī y'ikūmi yūngwīla Shimei na bana bakwe na badūgūye; banhū ikūmi na babīlī.

¹⁸Ī y'ikūmi na īmò yūngwīla Azaleli na baana bakwe na badūgūye; banhū ikūmi na babīlī.

¹⁹Ī y'ikūmi n'ibīlī yūngwīla Hashabia na baana bakwe na badūgūye; banhū ikūmi na babīlī.

²⁰Ī y'ikūmi n'idatū yūngwīla Shubaeli na baana bakwe na badūgūye; banhū ikūmi na babīlī.

²¹Ī y'ikūmi n'inè yūngwīla Maatisia na baana bakwe na badūgūye; banhū ikūmi na babīlī.

²²Ī y'ikūmi n'itanò yūngwīla Yelimoti na baana bakwe na badūgūye; banhū ikūmi na babīlī.

²³Ī y'ikūmi n'itandatū yūngwīla Hanania na baana bakwe na badūgūye; banhū ikūmi na babīlī.

²⁴Ī y'ikūmi na mpungatī yūngwīla Yoshibekasha na baana bakwe na badūgūye; banhū ikūmi na babīlī.

²⁵Ī y'ikūmi n'inaane yūngwīla Hanani na baana bakwe na badūgūye; banhū ikūmi na babīlī.

²⁶Ī y'ikūmi na kenda yūngwīla Maloti na baana bakwe na badūgūye; banhū ikūmi na babīlī.

²⁷Ī ya makūmi abīlī yūngwīla Eliata na baana bakwe na badūgūye; banhū ikūmi na babīlī.

²⁸Ī ya makūmi abīlī na īmò yūngwīla Hotili na baana bakwe na badūgūye; banhū ikūmi na babīlī.

²⁹Ī ya makūmi abīlī n'ibīlī yūngwīla Gidaliti na baana bakwe na badūgūye; banhū ikūmi na babīlī.

³⁰Ī ya makūmi abīlī n'idatū yūngwīla Mahazioti na baana bakwe na badūgūye; banhū ikūmi na babīlī.

³¹Ī ya makūmi abīlī n'inè yūngwīla Lomamitī na baana bakwe na badūgūye; banhū ikūmi na babīlī.