Read Sukuma Bible 2015 – Bibilia Ilagano Lya Kale 2015 Ezila 1 Bible Online

Ezila 1 - Sukuma Bible 2015 – Bibilia Ilagano Lya Kale 2015 bible

Ezila 1

¹Mu ng'waka go ng'wa Koleshi kwandya kūbiza ntemi wa Būajemi, ū mhayo go ng'wa SEEBA gūkashikīlījiwa, ūyo gwalī gwahayiwa na Yelemia. Ū SEEBA wīyīta ī ng'holò ya ng'wa Koleshi, ū ntemi wa Būajemi kūbiza na ng'hūmbū ja kūfunya shilagīlo hose pyī ū mu būsugi bokwe; hūna ūshandīka alīhaya:

²“Ū ntemi Koleshi wa Būajemi alīyomba gīkī, ‘Ū SEEBA, ū Mulungu wa ng'wigūlū waninhile py'a mabūsugi ga mu sī, na wanisolile kwīta nīmo gwa kūnzengela hekalu ī Yelusalemu, ū mu sī ya Būyudaya.

³Hūna lūūlū ose ose ū mu banhū bakwe nalīnombela ū kūlī SEEBA Mulungu wakwe, abize hamò nang'hwe; ni ajage ī Yelusalemu, ū mu sī ya Būyudaya. Akīzenge ī hekalu ya ng'wa SEEBA, ū Mulungu wa Isilaeli; ū Mulungu ūyo alī mu Yelusalemu.

⁴Hama a banhū bakwe abo basaagīīla bafunye shakwinha, feza na zahabu na shikolo shingī shose shose, nūūlū na mitugo, na shakwinha mu nzīla ya wiyaabī, kūlwa nguno ya hekalu ya ng'wa Mulungu īyo īlī Yelusalemu.’”

⁵Hūna bīmīīla a batongeeji ba kaya ja bakūlūgenji babo, ū mu ng'anda ja mu Yuda na Benjamini, na bagabīji na a Balawī; būlī munhū ūyo moyo gwakwe gūkakuumiwa na Mulungu kūlwa kwīta nīmo gwa kwīzenga hang'ī hekalu ya ng'wa SEEBA īyo īlī Yelusalemu.

⁶Hūna pye a bazenganwa babo būyūbagunanha, būbinha shikolo sha feza na sha zahabu, na shikolo shingī, hamò na mitugo na shakwinha shingī sha mpango ntaale, a higūlya ya shose īsho shikafunyiwa mu nzīla ya wiyaabī.

⁷Nīyo ū ntemi Koleshi ūshifunya nī shiseme sha mu hekalu ya ng'wa SEEBA īsho ntemi Nebukadineza walī washibūūcha kūfuma Yelusalemu, wiza ūshitūūla mu hekalu ya bamulungu bakwe.

⁸Ū ntemi Koleshi wa Būajemi ūnagīla Misiledasi, ūyo walī nang'hani wa sabo ja sī, ūshifunya ī shiseme shenīsho na kūshibala kū būtongi bo ng'wa Sheshibazali ūyo walī ntemi nsolwa wa Būyudaya.

⁹Ī lisaabu lya shiseme ī shose lyalī īlī: A masinia ga zahabu gaalī makūmi adatū, a masinia ga feza gaalī shihūmbī shimò; masabūlīlo[1] ga feza makūmi abīlī na kenda,

¹⁰mabbakuli makūmi adatū ga zahabu, mabbakuli mataale magana anè na'ikūmi; na shiseme shingī na shingī shihūmbī shimò.

¹¹Ī shiseme ī shose ī sha zahabu nī sha feza shalī shihūmbī shitanò na magana anè na makūmi atandatū na kenda. Ī shose shenīshi ū Sheshibazali akashibūūcha ūja nasho Yelusalemu, aho bīngaga ī Babuloni a banhū abo baalī bading'wa nding'wa.