Read Sukuma Bible 2015 – Bibilia Ilagano Lya Kale 2015 Zabuli 111 Bible Online

Zabuli 111 - Sukuma Bible 2015 – Bibilia Ilagano Lya Kale 2015 bible

Zabuli 111

¹Nkumīlījagi SEEBA, nakūngongoola ū SEEBA na ng'holò yane yose, mu kwibilinga kwa batūngīlīja, ng'wibità lya banhū bakwe.

²Ī shītīle sha ng'wa SEEBA shilī shitaale no, bose abo bashiyegelile bakashiideedeng'hanyaga.

³Īyo akīītaga īlī y'ikūjo na magaka, ū būtūngīlaja wakwe būlī wa kūshinga ho welelo bose.

⁴Ī milīmo yakwe ya kūkumya no, akīyītaga ībize ya kwizūkīlwa; ū SEEBA alī wa shigongo na nsaatwa wa banhū,

⁵Abo bang'ogohile akabinhaga shilīwa, Ī lilagane lyakwe alizūkilwe kūshisha welelo bose.

⁶A banhū bakwe waboolekeja ū būdūla wa milīmo yakwe, ūbinha wingīji wa mahanga.

⁷Ī milīmo ya makono gakwe ītūngīlīgije na ya ng'hana, pyī ī shilagīlo shakwe shilī sha kūsanyiwa.

⁸Kūshisha welelo bose shitī sha magalū galū, shitūūlilwe ho mu būsanyiwa na wīma.

⁹A banhū bakwe akabatūmīla būkomooji, ūlagīja n'ilagane lyakwe lya welelo bose, ī lina lyakwe līlī lyeela na lya kogohya.

¹⁰Ū kūng'ogoha SEEBA hū wandījo wa masala, pye abo shītīle shabo shilī mu katongeelele kakwe balī na witegeleja būsoga. Ū we alī nkumīlījiwa wa welelo bose!