Read Sukuma Bible 2015 – Bibilia Ilagano Lya Kale 2015 Zabuli 112 Bible Online

Zabuli 112 - Sukuma Bible 2015 – Bibilia Ilagano Lya Kale 2015 bible

Zabuli 112

¹Nkumīlījagi SEEBA, alī na ū munhū ūyo ang'ogohile SEEBA, ūyo ayejiwe na shilagilo shakwe.

²Ū būbyīle wakwe būkūbiza na nguzu ū mu sī, būlī shibyalīlwe sha banhū ba nhūngwa ngololoku, shikwīlūkīlwa mbango.

³Ū mu kaya yakwe akūbiza na būsabi na sabo, nū būtūngīlīja wakwe būlī wa kūshinga ho shiku jose.

⁴Ū mu kaya ya munhū wa nhūngwa ngololoku, nūūlū shilīho giiti līkilongaga isana; ū SEEBA alī wa shigongo na nsaatwa wa banhū, hangī ntūngīlīja.

⁵Ū ng'wiza ng'holò na ng'winhani, akapandīkaga yawiza; ūyo shimīzīle yakwe ayītūūlile mu būtūngīlīja.

⁶Ū ng'wenūyo atīko kwīnjiwa nūūlū hado; ū ntūngīlīja atalīīwa welelo bose.

⁷Atī na kogoha mhayo gwabūbi gose gose, Ī ng'holò yakwe īhandatīlile, īnsanije SEEBA.

⁸Ī ng'holò yakwe īlembeelile, atabbahaga, kūshisha abone ū kūpyenwa kwa banishi bakwe.

⁹Asambaagije shakwinha hose pye, kūlwa kūbanong'ha bahabī; ū būtūngīlīja bokwe būlī wa būja na būja. Ī lipembe lyakwe līkūgūngūhiwa ng'wikūjo.

¹⁰Ū munhū wabūbi akwībona ī yenīyī, akwiluma ng'haya kūlwa būpelanu, alīyo nahene akūkamīīla dūhū nose; Ī ng'hūmbū ja nkenaagūji jikachaaga mpandagīlo.