Read Sukuma Bible 2015 – Bibilia Ilagano Lya Kale 2015 Zabuli 127 Bible Online

Zabuli 127 - Sukuma Bible 2015 – Bibilia Ilagano Lya Kale 2015 bible

Zabuli 127

¹Lyīmbo lya ng'wa Solomoni, ng'wikanza lya kūlamya. Ī numba ūlū ītūzengwa na SEEBA, a bazengi bayo bakūbiza balīnogela dalali. Ū nzengo ūlū gūtalang'hanilwe na SEEBA, a balang'hani bakūkeyula būjikū pe dalali.

²Mukakoyelaga midūhū ū kwipuna kūmisha nū kūdīīla kūjūlaala, mukaminyiagwa milīmo mukūkoobaga shilīwa; ū wei akabinhaga tūlo a batogwa bakwe.

³Managi gīkī, a baana balī wingīji kūfuma kūlī SEEBA, ī litwajo lya nda lyene inong'ho kūfuma kūlī we.

⁴A baana ba kūbyalwa ng'wikanza lya ha būdinha, batikīlile na masonga mu nkono gwa ngosha apandile hasī.

⁵Alī na ū munhū ūyo ntana gwakwe gokalile gīko, atīko kūding'wa minala ng'wikanza lya kwishokeja mihayo na banishi bakwe ha mita.