Read Sukuma Bible 2015 – Bibilia Ilagano Lya Kale 2015 Zabuli 137 Bible Online

Zabuli 137 - Sukuma Bible 2015 – Bibilia Ilagano Lya Kale 2015 bible

Zabuli 137

¹Twalī twigashije kū ng'hilimvwa ya myongoya Babuloni, aho twayizūkwa ī Sayuni tūyūlīla ng'hūngū.

²Yalīho mitī ya magobeko tūūjisunga ng'wenūmo ī ndono jise.

³Nguno aho tūlī kwenūko abo baalī baatūtwala nding'wa bakatūwīla kūbīmbīla mīmbo; a baluhya bise būtūhadīkīja kūbayeja. Būtūwīla, “Twīmbīlagi līmò lya mīmbo ga Sayuni!”

⁴Ū mu sī ya būgeni ng'wenūmu, tūkūdūla kinehe ū kūgīmba a mīmbo ga ng'wa SEEBA?

⁵Ee Yelusalemu, ūlū nūkwība, ū nkono gwane gwa būlyo gūjimīīje ū būdūla wago.

⁶Hama ūlū nooya ū kūkwīzūkwa, nū lūlīmi lwane lūdamīīle kwilangū lya nomo gwane, ūlū nooya kwīyinha ī Yelūsalemu ikūjo lya higūlya kūtinda kwiyeja kwane kose kose.

⁷Ee SEEBA, ūtizīība ūmo bakīītīla a bana Edomu ū mu lūshikū lwa kūding'wa kwa Yelusalemu. Bakayūhaya, “Kambagūlagi, nīyo kambagūlagi gete, kūshisha nū nsingi!”

⁸Ee Babuloni, bebe ūyo ūtūūlilwe ho kūlwa kūkenaagūlwa, alī na ūyo alakūmalīle shiilī ū kū yose Īyo watwītīla a bise,

⁹ūyo akūyūbasola a baana bako wabataalīcha ha mawe.