Read Sukuma Bible 2015 – Bibilia Ilagano Lya Kale 2015 Zabuli 138 Bible Online

Zabuli 138 - Sukuma Bible 2015 – Bibilia Ilagano Lya Kale 2015 bible

Zabuli 138

¹Zabuli ya ng'wa Daūdi. Nalīkūlūmba, Ee SEEBA, na ng'holò yane yose; nakwīmba mu būtongi wa bamulungu kūlwa kūkūgongoola bebe.

²Nakūkūlamya nalolelile kū hekalu yako neela, Ī lina lyako nakūlīkumīlīja, kūlwa nguno ya būtogwa na būsanyiwa wako. Nguno ī lina lyako nū mhayo gwako ūshitūūlile higūlya ya mihayo yose.

³Aho nakitana ūkaniidīka, ūninha nguzu ū mu ng'holò yane.

⁴Ee SEEBA, pye a batemi ba mu sī bakūkūkumīlīja ūlū būgwigwa ū mhayo gwa kūfuma mu nomo gwako;

⁵na bakwīmba balījikumīlīja ī nzīla ja ng'wa SEEBA, nguno ī likūjo lya ng'wa SEEBA līl'itaale no.

⁶Nūūlū īkī ū SEEBA alī ntaale kūtinda bose, alīyo nahene akabadīlīlaga a bidohya; na a badoshi ababonile dūhū.

⁷Nūūlū īkī nakūbītaga mu būluhi, ū būpanga wane ūbūlang'hanile; ūkūgoloolaga nkono gwako wabūhangīja ū būpelanu wa banishi bane; ūkūnipījaga na nkono gwako gwa būlyo.

⁸Ū SEEBA akwīshikīlīja īyo ayīhelile kūlwa nguno yane; ū būtogwa wako Ee SEEBA, būlī wa kūshinga ho shikū ja welelo na welelo. Ūtizīgumanīja ī milīmo ya makono gako.