Read Sukuma Bible 2015 – Bibilia Ilagano Lya Kale 2015 Zabuli 23 Bible Online

Zabuli 23 - Sukuma Bible 2015 – Bibilia Ilagano Lya Kale 2015 bible

Zabuli 23

¹Zabuli ya ng'wa Daūdi. Ū SEEBA hū ng'wene ū Ndīīmi wane, natīko kūgayiwa shose shose.

²Akaniifuujaga ng'widīīmīlo lya maswa madoto, na kūnitongeelaga kū minzī malembeezu.

³Ū būpanga bone akabūhīmbūūchaga, wanitongeela mu nzīla ja būtūngīlīja kūlwa nguno ya lina lyakwe.

⁴Nūūlū nūbīta ng'wihululu ishimu lya nengeeji gwa lūfu, natīko kogoha būbi bose bose; nguno ū bebe ūlī hamò na nene, ū nang'ha gwako nū lūgobya lwako, shīkanilūngūjaga.

⁵Ūkanibeeja beegejaga ha kūlīīla nūūlū mu būtongi wa banishi bane. Ū ntwe gwane ūkagūbilaga maguta, nī shikombe shane shokalile pa shūseesekela.

⁶Ng'hana ū wiza nī shigongo shako shikūbiza hamò na nene shikū jose ja būlamu wane, nane nakwikala mu numba ya ng'wa SEEBA shikū ja būja na būja.