Read Sukuma Bible 2015 – Bibilia Ilagano Lya Kale 2015 Zabuli 53 Bible Online

Zabuli 53 - Sukuma Bible 2015 – Bibilia Ilagano Lya Kale 2015 bible

Zabuli 53

¹Kūlwa ntongeeji wa bīmbi. Ng'wilaka lya Mahalasi. Lyīmbo lya ng'wa Daūdi. Ū mbūūlī akiwīlaga ū mu ng'holò yakwe gīkī, “Atīho ū Mulungu.” Bakenaagūkile, ī nzīla jabo jilī ja malofu; atīho ūyo akīītaga yawiza.

²Ū kūfuma ū ng'wigūlū, ū Mulungu akabalolaga a banhū, abone ūlū balīho bitegeleja bose bose; ūlū balīho abo bakankoobaga Mulungu.

³Pye batalile, a bose bakenaagūkile, atīho ūyo akīītaga yawiza, ndūhū nūūlū ūmò!

⁴Angū, abo bakīītaga yabūbi, pye a bose benabo batamanile? Nguno bakabalyaga a banhū bane gītī bakūlyaga migatī, nī lina lya ng'wa Mulungu batalīhayaga!

⁵Na ng'hana balīho, bakūminyiagwa boobà, nūūlū aho shalī shitīho sha kogohya. Ū Mulungu wagasalang'hanije a maguha ga banishi bako; ū bebe wabapondile soni, nguno ū Mulungu wabadalahile.

⁶Ni wilongage kūfuma Sayuni ū būpīji wa Isilaeli! Ū Mulungu ūlū alabashokeje mbango a banhū bakwe, ū Yakobo akūyega no, ū Isilaeli akūlūmba.