Read Sukuma Bible 2015 – Bibilia Ilagano Lya Kale 2015 Zabuli 67 Bible Online

Zabuli 67 - Sukuma Bible 2015 – Bibilia Ilagano Lya Kale 2015 bible

Zabuli 67

¹Kūlwa ntongeeji wa bīmbi. Lyimbo mu Zabuli, lya kwīmvwa na ndono jikūtūlagwa. Ū Mulungu atūchīle shigongo na atwīlūkīle jakwe, nū būshū bokwe atwakīīje.

²Ī nzīla yako ī manīke ū mu sī; ū būdūla wa būpīji wako kū mahanga gose.

³Ee Mulungu, banhū bakūgongoole, banhū bose leka bakūgongoole bebe.

⁴A mahanga gayege na gīmbe mu kūsangabala, nguno ūkalamulaga banhū mu būtūngīlīja, na a mahanga ga mu sī ūkūgatongaga bebe.

⁵Ee Mulungu, banhū bakūgongoole, banhū bose ni bakūgongoolage bebe.

⁶Ī sī īkūfunyaga būponi wayo, Mulungu, ū Mulungu wise akūtwīlūkīla mbango.

⁷Ū Mulungu akūtwīlūkīla mbango, hūna ī sī īkūng'ogoha we, yose pye kūshisha kū būkalīkījo wayo.