Read Sukuma Bible 2015 – Bibilia Ilagano Lya Kale 2015 Zabuli 70 Bible Online

Zabuli 70 - Sukuma Bible 2015 – Bibilia Ilagano Lya Kale 2015 bible

Zabuli 70

¹Kūlwa ntongeeji wa bīmbi. Zabuli ya ng'wa Daūdi; ng'wikanza lya kūfunya shitambò sha kwizūkīja. Ee Mulungu, nipījage wangū, nangūhīlage ūnigune, Ee SEEBA.

²Abo bakūkoobaga kūnīngīja būpanga, bading'we minala, bazwangane; bose abo bakūyegaga ūlū napandīka makoye bashoshiwe kū numa, bagooke.

³Abo bakūnanīīlaga būhaya, “Būl'obona!” Bashoke numa bapondwe soni.

⁴Alīyo pye abo bakūkūkoobaga, basangabale na bayegele mulī bebe; bose abo babūtogilwe ū būpīji wako bahaye būlī lūshikū gīkī, “Ū Mulungu akūjiwe!”

⁵Ū nene ng'wene nalī ng'habī na ngayiwa; Ee Mulungu, nzūgū wangū ūnegeele. Ū Bebe h'ūlī ngunanhi wane na mpīja wane; Ee SEEBA, ūtizūdīīla.