Read Sukuma Bible 2015 – Bibilia Ilagano Lya Kale 2015 Isaya 28 Bible Online

Isaya 28 - Sukuma Bible 2015 – Bibilia Ilagano Lya Kale 2015 bible

Isaya 28

¹Ī ngikili yenīyo īlī mu kwihīga, ū nzengo ūyo bakikumīlīgījaga banwaagi ba mu Efulaimu, ū bonji ūbo būkūnyaalaga, Ī likūjo isoga lya sī yenīyo; ū nzengo ūyo gūlembeelile higūlya ya mbūga mhoni, ja banhū baheebilwe ing'wa lya shikoji.

²Managi gīkī ū Seeba alī nang'hwe ūyo alī na nguzu na būdūla. Hū ng'wene ūyo akūgūdumīla ū nzengo agūtaalīke hasī; akwiza gītī mbulà ya mawe na nyaga nkenaagūji, gītī ng'hūūmo gwa minzī mingī.

³Ī ngikili īyo bakikumīlīgījaga banwaagi ba mu Efulaimu yenīyo, īkūpandagīlwa hasī.

⁴Ū bonji ūbo būkūnyaalaga wenūbo, Ī likūjo ī lisoga ī lya sī yenīyo, īlo līlī higūlya ya mbūga mhoni, būkūbiza gītī shisuumo sha ntiini, īsho shikakomeelaga na kūpya wangū ikanza lya kūpya lītaalī kūshika, īlo munhū akalībonagà walītonola, walīponeja mu nomo haho na haho.

⁵Ū mu lūshikū lwenūlo, ū SEEBA wa mabità akūbiza ngikili y'ikūjo, n'isaki lya būlabo lya būbeeleji kūlwa būshiigo wa banhū bakwe.

⁶Hama akūbiza moyo gwa kalamulīle ka wīmà ū kūlī namuji, ū kū bachaami ba būlūgū ha mibita akūbiza nguzu.

⁷Aba nabo bakashimīzaga būlelengeta kūlwa sha kūng'wa shikoji, bakadīīlaga balīdeedeebuka nguno ya kūkolwa walwa, a bagabīji na a bahangi hū bene būkabalelengetyaga ū walwa, ī divai īkabalyūngūmyaga a masala, bayūlemeelwa kūbona shakoolechiwa, nū mu kalamulīle ka mihayo bakipamaga no.

⁸Nguno pyī ī meza jabo jikikalaga jokalaga malūki, ndūhū ipandī īlo lītī na būsoso.

⁹“Ī gete nani ūyo alīnanga masala? Nani ūyo akūng'wīlaga a mamihayo gakwe genaya? Kola hamo shi banīgīnī abo baagijiwe haha, abo bīnjiwe ha lūbeele haha īyī?

¹⁰Hama īkī ng'hana shilagīlo higūlya ya shilagīlo dūhū, shilagīlo higūlya ya shilagīlo; būlī lūhīlīlī higūlya ya lūhīlīlī, lūhīlīlī higūlya ya lūhīlīlī; aha tūgehu na a haha tūgehu!”

¹¹Alilūūlū, ū SEEBA akūlūngalūnga nabo a banhū benaba bo milomo migeni na ndīmi jingī.

¹²Nguno wabītile kūbawīla gīkī, “Ū wenūbū wifuulīlo, bifuujagi abo banogile;” na gīkī, “A henaha halembeezu;” alīyo batatogilwe ū kūdegeleka.

¹³Alilūūlū, ū mhayo go ng'wa SEEBA ū kū banhū benaba gūkūbiza, Shilagīlo higūlya ya shilagīlo, shilagīlo higūlya ya shilagīlo; lūhīlīlī higūlya ya lūhīlīlī, lūhīlīlī higūlya ya lūhīlīlī; aha tūgehu na a haha tūgehu! Ū kūng'halīlo bakūja bakagwe sagaalī biminye, bagwashiwe lūtu, bajanwe.

¹⁴Hūna lūūlū bing'we badalahi, bing'we abo mubasugile mu Yelusalemu a banhū benaba, gwigwagi ū mhayo go ng'wa SEEBA.

¹⁵Nguno mukwiwīlaga gīkī, “A bise angū twamala kūlagana nako ū kūcha, nī shigila twamala kūlomana nasho twiyigwa. Ī liyanga h'ūmo lizīle līkūkūmbaga nhalange, yaya ū kūtūkuumya a bise. Nguno ū būlomolomo twawīta kūbiza ipīlīlo lise.”

¹⁶Alilūūlū, ū Seeba MULUNGU alīhaya gīkī, “Lolagi nalīntūūla ū mu Sayuni, ūyo alī Iwe līsanyiwe, iwe lya mpango ntaale lya nsingi gūsanyiwe; ūyo ūnsanya atūding'wa minala na hado yaya.”

¹⁷Kalamulīle ka wīmà nakūkīīta lūbize lūgoye lwane lwa kūgoloolela, ū būtūngīlīja būkūbiza lūgoye lwa kūgoloolela ndugu; mbulà ya mawe īkūbūpyagūla ū būlomolomo ūbo mubūgemile ipīlīlo ling'we, Ī ng'hambī ying'we ya kūbūngīlà īkūtubījiwa ihūūma lya minzī.

¹⁸Ī lilagane ling'we īlo ng'walagana na kūcha līkwīnjiwa; nī long'we ying'we ūmo ng'wiyigwīla na shigila ītikala ho; Ī liyanga ūlū liza līlīkūmba nhalange, na a bing'we līkūmukūmbanīgīja.

¹⁹Būlī gwa ūlū līlībīta līkūyūmukūmbanīgīja, nguno ntondo na ntondo līkūbīta, Ī dilū nī līīmi, nī būjikū; līkūbīta līkūkūmbaga nhalange. Ū mhayo gwenūyū ū kūgūmana gūlī na lyogohya itaale no.

²⁰Nguno ū būlīīlī būguhi no ū kūtambīlīja, nū būlengeeti būdo ū munhū ū kwikundīkīla.

²¹Ū SEEBA akwīmīīla īīte Ī milīmo yakwe, ī milīmo yakwe ya kūkumya, gīt'ūmo akīītīla kū lūgūlū lwa Pelazimu; akwidudumūlīla ūmo īkaīla mu mbūga ya Gibeoni, akwīshikīlīja īyo ayīhelile, īyo ayīhelile ī ya kūgekemaja,

²²Alilūūlū, lekanagi nalyo Ī libengwe ling'we, ūlū ītī chene ī nhendele jing'we jikongejiwa; Seeba MULUNGU wa mabità waniwīlile Ī ya būkenaagūji ūbo būhelilwe kwīyizīīla pyī ī sī.

²³Tegagi matū muliigwe ī lilaka lyane, degelekagi muyigwe īyo nalīyīhaya.

²⁴Ū nīmi ūlū akūlīmaga gīkī ahambe mbīyū, akwikala akūlīmaga dūhū pye a makanza? Akwikala akūgūndagūlaga dūhū na kūponanja magengeli?

²⁵Ūlū ūmala kūgatūlagūla a magengeli atīko kūhamba mo shisanjo sha mu shilīwa nūūlū na kūmizagūlīla mo mbīyū ja makūbī? Atūhamba mo shilīwa sha mbika na mbika gītī, ngano, būsīga, nūūlū būlegi?

²⁶Nguno ū Mulungu wakwe hū ng'wene akanangaga na kūg'olekeja ī yenīyo.

²⁷Ī shisanjo sha mu shilīwa shitatūlagwa gītī būsīga, pyī nūūlū a makūbī; Ī shisanjo sha mu shilīwa shikashiginagwa, a makūbī nago gakapūūlagwa ng'witūlī.

²⁸Ū būsīga būkashiagwa wabiza būsu hū shabeejiwa ī shilīwa, ndūhū ū munhū ūyo akatūlaga būsīga ilalī. Nūūlū alībūtūla atabūnyinyagūlaga gīkī abūshe mu gīko.

²⁹Ī yenīyī nayo īkizaga kūfuma kūlī SEEBA wa mabità, ūyo alī nganikīji wa kūkumya, hama wawiza no nū mu masala.