Read Sukuma Bible 2015 – Bibilia Ilagano Lya Kale 2015 Ezekia 19 Bible Online

Ezekia 19 - Sukuma Bible 2015 – Bibilia Ilagano Lya Kale 2015 bible

Ezekia 19

¹Līlaga ng'hūngū ūbalīle a basugi ba Isilaeli,

²ūhaye gīkī, “Ū mu shimba na shimba ū noko walī shimba ng'hīma ya kogohwa! Yabundaalaga ng'widaale lya shimba njondo īkūlang'hanaga mamunda gayo.

³Ū mu mamunda gayo īkakūja līmò, lyūkūla yūbiza shimba mūūga. Aho yilanga kūdima ndimu yūyūlya na banhū.”

⁴A mahanga ga banhū gūng'wigwa, ūtegwa ūpujiwa mu ntego gwichongo. Ūgwashiwa malobo ūdutanjiwa kūtwalwa kū sī ya Misili.

⁵Ī shimba ī ng'hīma aho yabona yajimīīja, ū kwisagīlwa kwayo kwachabagīla, yūkoma ng'wana ūngī; nang'hwe yūnkūja, ūbiza shimba ng'hosha ya nguzu.

⁶Yandya kūyūzuumīīla, nguno īkibona īlī na nguzu; yilanga kūdima ndimu; alīyo na a banhū yūyūbalya.

⁷Yūyūdumīla masanzagūtū ga banhū, na kūkenaagūla mizengo yabo. Pyī ī sī na a bikaji baamo būyikala bogohaga kūlwa kūzuumīīla kwayo.

⁸A mahanga ayo gaalī hihī hihī gikobya gūnsanga kūndumīla. Būngoloolela ntego gw'ikila, ūnyamanījiwa ng'wichongo lyago.

⁹Ūgwashiwa malobo būndutanja bantwalile kūlī ntemi wa Babuloni; ūūkaponyiwa mu gatī ūlugalīlwa, Ī lilaka lya kūzuumīīla kwakwe lyooya ū kwigwiwa ū kū ngūlū ja Isilaeli.

¹⁰Ū noko walī gītī nzabibu mu ngūnda gwako, gūhambilwe hihī na minzī; kūlwa nguno gwalī ha minzī mingī, gwalī na matwajo na madūūtū mingī.

¹¹A matambī gago gaalī ga nguzu, gigeleelilwe kūlwa nang'ha gwa ntemi, gūkiponya no gūlīha kūgaheeba a mapoolu; gūyūbonekana kūle kūlwa būlīhu wago, na būdiitu wa matambī gago.

¹²Alīyo gūkadubbūlwa mu būpelanu, gūponyiwa hasī. Lūyaga lwa kīya lūgūnyaaja, gūhūlūlūka a matwajo gago; na a matambī gago a ga nguzu gūūma, nīyo gūūpya moto.

¹³Ī haha gūhambilwe kwitogolo, kū sī ng'halamuku ya notà.

¹⁴Alīyo gūkapumūka moto mu līmò lya matambī a mataale, gūūgamalīja a matwajo. Na lītalekeelilwe itambī lya nguzu lya kwigeleelwa kūlwa nang'ha gwa ntemi. Ī yenīyī mihayo ya būpīna, ītūmamīlwe ng'wikanza lya ng'hūngū.