Read Sukuma Bible 2015 – Bibilia Ilagano Lya Kale 2015 Matayo 8 Bible Online

Matayo 8 - Sukuma Bible 2015 – Bibilia Ilagano Lya Kale 2015 bible

Matayo 8

¹Aho wika ū mu lūgūlū, mabita mataale ga banhū gūnondeela.

²Kūhayimanīla munhū ūmò wa mbiji ong'wegeela, ūgwa kū magūlū gakwe ūnamya, kūnū alīng'wīla; “Seeba ūlū ūtogwa ūdūgije kūneeja.”

³Nang'hwe ū Yesu ūgoloola nkono ūnkuumya, kūnū alīng'wīla; “Natogagwa elaga!” Haho na haho jūng'winga ī mbiji jakwe.

⁴Hūna ū Yesu ūng'wīla gīkī, “Ūtizūng'wila munhū nūūlū ūmò, alīyo jaga ūkiyooleche kūlī ngabīji, ūkafunye na shitambo gīt'ūmo Musa alagīlile; būbize ho būkaanīji kūbo.”

⁵Hūna ū wei ūja Kapelanaumu, aho washika ū mu nzengo, munhū ūmò, ntaale wi'gele lya bashilikale ung'wigela. Ūng'wikūmbīlīja

⁶alīhaya gīkī, “Seeba alīho nsese wane alaalile mu kaya, alī na makoye mataale no kūlwa būsaatu bo mangwisha!”

⁷Nang'hwe ū Yesu ūng'wīla, “Nakūja nakampīje.”

⁸Alīyo ū ntaale wi'gele lya bashilikale ng'wenūyo, ūnshokeja ūhaya gīkī, “Seeba ū nene natigeleelilwe ū bebe ūshike a ha ng'wane, hayaga mhayo dūhū, akūpīla ū nsese wane.

⁹Nguno nane nalī munhū ūyo alī ha sīlīlī ya būsugi; nū nene nalī na bashilikale a ha sīlīlī yane. Nadūngije kung'wila ūyū gīkī, ‘Jaga;’ ng'hana akūja. Nūūlū ūngī gīkī, ‘Nzūgū;’ ng'hana akwiza. Hama nūūlū nsese wane nashikile kūng'wīla, ‘Īaga gīkī, na ng'hana akwīta!”

¹⁰Ū Yesu aho wigwa gīko akankumya, u munhu ng'wenuyo, wiigalukila imbiita ya bantu iyo yanondeelaga wīwila gīkī, “Nalīmuwīla gwa ng'hana gīkī, nataalī kūbona kūzunya kwa mbika gītī īyī na hado yaya pye a hose ū mu Isiraeli.

¹¹Nīyo nalīmuwīla bingī bakwiza, kūfuma kīya na ng'weli, bigashe ū mu būtemi bo ng'wigūlū hamò na Abulahamu na Isaka na Yakobo.

¹²Alīyo a baana ba ng'wikūlū bakūponyiwa hanze kū giiti, bakalīle na kūshelanya mino kwenūko!”

¹³Hūna ū Yesu ūng'wīla ū ntaale wi'gele lya bashilikale igana ng'wenūyo gīkī, “Jaga n'ībizage gīt'ūmo kūsanya kwako kūlī.” Ī likanza lyenīlo ūpīla ū ntūmami wakwe.

¹⁴Hūna ū Yesu ūūkingīla mu numba ya ng'wa Petelo, ūnsanga nina būko wa ng'wa Petelo alī mu ndīlī walalaga alena nswiza ntale.

¹⁵Ūshika ūnkuumya ha nkono gūnekela ū nswiza ntale, ūbūūka ūmeegeja shilīwa.

¹⁶I mhindi yeneyo a banhū bandya kūng'wenhela bingī abo bakoyiagwa masamva, nang'hwe ūyūgapeeja bo gūhaya mhayo dūhū; na a babo basaataga ūbapīja pye.

¹⁷Ū mu kwīta gīko akagūshikīlīja ūyo gūhayiwe na ng'hangi Isaya gīkī, “Ū būgokolo wise akabūbūūcha wei; nī ndwala jise ūjīnja we.”

¹⁸Ha numa ya yenīyo ū Yesu aho wabona gīkī ī libita lya banhū lyayūng'okalīīla na kūmpīndya hose hose, ūlagīla baje kū nkīlo.

¹⁹Hūna lūūlū ū nangi wa shilagīlo; ūshika ūng'wīla gīkī, “Nangi nakūkūlondeela būlī kwene ūko ūlaje.”

²⁰Nang'hwe ū Yesu ūnshokeja ūhaya gīkī, “Ī nyamhawa jilī na myobo, nī noni ja kūlala jilī na chanjo; alīyo ū Ng'wana wa Munhū atī na ha kūlaaja nūūlū ntwe gokwe!”

²¹Ūmò wa bahemba bakwe nang'hwe ūng'wīla gīkī, “Seeba nizunīlījage naje tame nakanjīke baba.”

²²Alīyo ū Yesu ūng'wīla, “Bebe ng'wene nilondeelage dūhū, balekage a bafu babajīke a bafu babo.”

²³Hūna wingīla mu lyato, na a bahemba bakwe būnondeela mo.

²⁴Kūhayimanīla gwabūūka nyaga ntaale, yūbipa no ī nyanza, gūyūbūūka mahuuli gashikile kūlītubīja ī lyato. Alīyo ū wei walī walaala tūlo.

²⁵A bahemba bakwe būmisha balīhaya; “Tupijage Seeba, twashila!”

²⁶Nang'hwe ūbawīla gīkī, “Bing'we ba kūzunya kūdo, nibūlī mulogoha gīko?” Hūna ūbūūka ūgūhama ū nyaga nī nyanza, hūbiza sele sele!

²⁷A banhū benabo bakakumya nū kunū baliwila kīngī, “Ū ng'wenūyū ī gete ni munhū kī, wakwigwiwa na miyaga na nyanza pye shang'wigwa?”

²⁸Bahayūshika mu sī ya Gagadalena ū kū nkīlo gwa nyanza, banhū babīlī baalī na masamva būmanhya nang'hwe balīng'wizīīla kūfuma kū mashigila. Baalī bakalī kībi no; nose ī nzīla yenīyo yalī shilambu kūbītīlwa na munhū ose ose.

²⁹Kūhayimanīla a banhū benabo bandya kūlīla balīhaya gīkī, “Ng'wana wa ng'wa Mulungu ūlī na mhayo kī na a bise? Nibūlī wiza kūtūluhya, alīyo ī likanza lyano lītaalī?”

³⁰Līkasangwa lyalīho idale lya ngulubī ningī jadīīmaga katanaalo ū kwīnga aho baalī henaho.

³¹Hūna a masamva gūndayīīla galīhaya gīkī, “Ūlū ūlītūpeeja tūtwalage ū ng'widale lya ngulubī ījo.”

³²Nang'hwe ūgawīla, “Jagi.” Ng'hana gūfuma gūkingīla ū mu ngulubī jenījo. Pyī ī lidale lūpeela n'hambo kūjīlīīla kū lūgegu lo nyanza, jūkagwīla mu minzī jūng'wa nhuli, jūcha!

³³A badīīmi bajo būpeela n'hambo, būja būūkīkumūcha ū mu nzengo ī mihayo yenīyo, nī ya banhū abo baalī na masamva.

³⁴Pye a banhū būfuma ū mu nzengo kūja kūnola ū Yesu; aho bamona būng'wikūmbīlīja īnge ū mu sī yabo!