Read Sukuma Bible 2015 – Bibilia Ilagano Lya Kale 2015 Balumi 4 Bible Online

Balumi 4 - Sukuma Bible 2015 – Bibilia Ilagano Lya Kale 2015 bible

Balumi 4

¹Ali lūūlū, ū mu mhayo gwenūyū tūbūhaye kinehe ū būpandīki bo ng'wa Abulahamu, ū nkūlūgenji wise ū mu mīlī?

²Ū Abulahamu ūlū akabalīlwa būtūngīlīja kūlwa shītwa, numho alī nasho ī sha kūng'winha kwikumīlīja, kwike nahene ītī kū būtongi bo ng'wa Mulungu!

³Ī shandīkwa shihayile ginehe ī gīsī? Tūhaya gīkī, “Ū Abulahamu akansanya Mulungu, hūna ūbalīlwa būtūngīlīja!”

⁴Alīyo ī mheela īyo akinhagwa ntūmami ītabalagwa gīkī shilī shakwinhwa kūlwa shigongo, ī lyenīlo igasa; ū munhū ng'wenūyo shiigelile inhwe.

⁵Lelo ūyo atī ntūmami alīyo ūbiza ansanije dūhū ūyo akabalīlaga būtūngīlīja munhū nūūlū ng'hūnga, ū kūsanya kwakwe ū munhū ūyo alī gīko, kūkūbalwa kūbiza būtūngīlīja.

⁶Gīt'ūmo na Daūdi alījihaya lubango ja ng'wa munhū wa kūbalīlwa būtūngīlīja na Mulungu mu būtūsendamīla shītwa; alīhaya gīkī,

⁷“Balī na lubango abo bakūlekejiagwa būgomi wabo, na a babo shibi shabo shikūkundīkījiagwa.

⁸Alī na lubango ūyo Seeba akūng'wisaaba gīkī atī na būbi.”

⁹Ī gīsī, ī lubango jenīji jilīho kūlwa basaalilwe dūhū, nūūlū na a babo batasaalilwe? Twamalaga kūhaya gīkī, “Ū kūsanya kwa ng'wa Abulahamu kūkabalwa kūbiza būtūngīlīja.”

¹⁰Īkaja ginehe nose kūūbalwa gīko? Ng'wikanza īlo amalile kūsaalwa, nūūlū aho ataalī kūsaalwa? Ītī ng'wikanza īlo amalile kūsaalwa, alīyo aho ataalī kūsaalwa.

¹¹Aho wasaalwa akanukūla lūmeng'ho lwa būtūngīlīja, kūlwa kūzunya ūko walī nako na a haho ataalī kūsaalwa. Ū mu gīko alī saabo na a babo bakūzunyaga nūūlū būbiza batasaalilwe; nabo bakūbalīlagwa būtūngīlīja.

¹²Na a babo basaalilwe alī saabo, abo batagelelile ha kūsaalwa dūhū; alīyo bakashimīzīlaga nū mu kūzunya ūko sīswe Abulahamu walī nako na a haho ataalī kūsaalwa.

¹³Ū kwisagījiwa ūko akinhwa Abulahamu na Myalwa wakwe, gīkī akūbiza ng'wingīji wa sī, atinhilwe kūlwa kūdima shilagīlo, alīyo kūlwa būtūngīlīja bo mu kūzunya.

¹⁴Nīyo ū wingīji ūlū būbiza bo banhū ba shilagīlo dūhū, ū kūzunya kūkūbiza kūtī na solobo, numho nū kwisagījiwa kūtī na ngofyoolo.

¹⁵Nguno ī shilagīlo shikenhelejaga būpelanu, alīyo aho shitīho shilagīlo nū būhūbi būtīho.

¹⁶Hūna lūūlū, ū kwisagījiwa kūtūūlilwe kūlwa būbyīle bose wa ng'wa Abulahamu, gīkī kūshikanyiwe kū bose mu nzīla ya shigongo; ītī kū banhū ba shilagīlo dūhū. Alīyo nū kū ba kūzunya kwa ng'wa Abulahamu, ūyo alī sīswe pye a bose.

¹⁷H'ūmo gwandīkīlilwe; gīkī, “Naakūtūūlaga kūbiza ise wa mahanga mingī”. Ū Abulahamu alī gīko ū kū būtongi bo ng'wa Mulungu ūyo akansanya, ū Mulungu ūyo akabinhaga bafu būpanga, na kūshihaya shikolo nūūlū shitīho gītī shilīho.

¹⁸Nguno nūūlū aho shalī shitīho sha kwisagīlwa, ū Abulahamu akazunya aho wisagījiwa gīkī akūbiza ise o mahanga mingī; gīt'ūmo gūhayiwe gīkī, “Ū būbyīle wako būkūbiza gīko.”

¹⁹Atalelengetile ū mu kūzunya kwakwe, nūūlū īkī walī amanile gīkī ū mīlī gwakwe gwalī gūchile ng'wila, nguno walī na myaka hihī igana; hama walī amanile nī gīkī ī nda ya ng'wa Saala ī ya būbyīle yalī yamala kūcha.

²⁰Ū kwisagīja kwa ng'wa Mulungu atakwiganikile mu mahane hane, alīyo ū kūzunya kūkanguzunhya, ūng'winha ikūjo ū Mulungu.

²¹Nguno walī amanile gīkī, ū Mulungu adūgije kūgwīta ūyo walī wang'wisagīja;

²²h'ī nguno yene akabalīlwa būtūngīlīja.

²³Kwike gūtandīkilwe gīkī akabalīlwa wei dūhū.

²⁴Alīyo na a bise tūkūbalīlwa būtūngīlīja, a bise abo tūnzunije ūyo akanjūūcha Yesu Seeba wise kūfuma mu bafu;

²⁵ūyo akabūlagwa kūlwa būhūbi wise, alīyo ūjūūchiwa gīkī tūbalīlwe būtūngīlīja.