Read Sukuma Bible 2015 – Bibilia Ilagano Lya Kale 2015 Baefeso 5 Bible Online

Baefeso 5 - Sukuma Bible 2015 – Bibilia Ilagano Lya Kale 2015 bible

Baefeso 5

¹Kūlwa yose yenīyo, bizagi balondeeji ba ng'wa Mulungu, nguno amutogilwe īkī mulī baana bakwe.

²Mushimīzīle mu būtogwa gīt'ūmo Kilisito atūtogelilwe a bise, kūshisha wifunya kūlwa nguno yise kūbiza shakwinha, na shitambo sha ng'waso gwawiza kūlī Mulungu.

³Alīyo ū būjingi na būsoso bose bose, nūūlū kwikūmva; shitizūhayiwa gete ū mu bing'we. A bing'we shimīzagi gīt'ūmo shibigelile beela.

⁴Yaya ū kūgaya ikūjo nūūlū kwimanīlīja mihayo ya maneene ga nyachilū chilū nūūlū wimeji, nguno ī mihayo yenīyī ītagunanhaga; īlī hambū hambū bizagi banhū ba kūlūmba.

⁵Managi gīkī būlī njingi nūūlū munhū nsoso mu nhūngwa, nūūlū ng'wikūmvi, (ūyo alī namya wa mashikolo), ū munhū ūyo alī gīko atī na wingīji ū mu būtemi bo ng'wa Kilisito na Mulungu.

⁶Yaya ū kūnzunīlīja munhū nūūlū ūmò amulemba lembe mu nzīla ya mihayo midūhū, nguno ū būpelanu bo ng'wa Mulungu būkabikīīlaga a bashitiigwa kūlwa mihayo gītī yenīyī.

⁷Hūna lūūlū, yaya ū kūbiza na būsangī nabo.

⁸Nguno ī kwandya ng'walī giiti, alīyo ī haha mulī isana ū mulī Seeba; hū kūhaya shimīzagi gītī baana ba ng'wisana.

⁹(Ūkī ī litwajo lya ng'wisana līlī mu wiza bose na būtūngīlīja na ng'hana).

¹⁰Ng'ūyitegeleja īyo ayīyegelile ū Seeba.

¹¹Yaya ū kwisangīja mu milīmo ya mu giiti īyo ītī na matwajo, īlī hambū hambū kwīhama.

¹²Nguno ī mihayo īyo bakīītaga mu mbisīla īlī ya minala nūūlū kwīhaya.

¹³Alīyo pye ī mihayo īyo īkahūgūlagwa ng'wisana, īkafunījiagwa ha ng'wape.

¹⁴Būlī gwene ūyo gūkitendaga ha ng'wape gūkabizaga isana, h'ī chene ū mhayo gūhayile gīkī, “Mishaga bebe ūyo ūlī mu tūlo; būūkaga wīnge ū mu bafu, ū Kilisito akūkūtiimīla.”

¹⁵Hūna lūūlū deebelagi chiza ū mu shimīzīle ying'we, yaya ū kūbiza gītī mutī na masala, alīyo bizagi banhū ba masala.

¹⁶Ng'ūlītūmamīla chiza ī likanza, nguno ī shikū jenīji jabūbi.

¹⁷Nose kūlwa nguno yenīyī yaya ū kūbiza bahūnga hūnga, alīyo shiigelile ng'wīmane ī mihayo īyo ayītogilwe ū Seeba.

¹⁸Na hangī yaya ū kwikala ng'ūkolwa walwa, nguno ū mu mhayo gwenūyo būlīmo būsoso; alīyo okajiagwi na Moyo.

¹⁹Hama ng'wihoyisha mu nzīla ya mīmbo ga kūgongoola, na kīmbīle ka kūtongeelwa na Moyo. A kīmbīle king'we kabize ka kūnkumīlīja Seeba ū mung'holò jing'we.

²⁰Ng'ūnūmba gwa gwa gwa ū Mulungu Sīswe kūlwa būlī mhayo, mu lina lya ng'wa Seeba wise Yesu Kilisito.

²¹Ng'wilyehela bing'we na bing'we mu logohano lwa ng'wa Kilisito.

²²A bakīma ng'widohya ū kū bagoshi bing'we gītī kūlī Seeba.

²³Nguno ū ngosha alī ntwe gwa nke wakwe, gīt'ūmo Kilisito alī Ntwe gwa kanisa, ūyo gūlī mīlī gwakwe; hama hū ng'wene ū Mpīja wayo.

²⁴Hūna lūūlū a bakīma ni babalyehelage a bagoshi babo gīt'ūmo kanisa īkīītīlaga kūlī Kilisito.

²⁵A bing'we ning'we bagosha, batogagwi a bake bing'we, gīt'ūmo Kilisito ayītogelilwe ī kanisa mu būtogwa bo kwifunya wei ng'wenekīlī kūlwa nguno yayo.

²⁶Akīīta gīko kūlwa kwīyeeja, ībize neela yejiwe na minzī mu nzīla ya mhayo,

²⁷ipandīkīle kanisa y'ikūjo, īyo ītī na kabbado nūūlū būka, nūūlū mhayo gūngī gwa mbika yenīyo, alīyo ībize neela ītī na shilingo.

²⁸H'ūmo shibigelile na a bagosha kūbatogwa a bake babo, gītī mibīlī yabo benekīlī. Ūyo antogilwe nke wakwe, itogilwe wei ng'wenekīlī.

²⁹Atīho ūyo agūkolilwe mīlī gokwe we ng'wenekīlī, alīyo būlī ng'wene akagūlishaga na kūgūgaliila chiza, gīt'ūmo nū Kilisito akayītīlaga ī kanisa,

³⁰nguno tūlī mabudīka ga mīlī gokwe.

³¹Kūlwa nguno yenīyī ū ngosha akūneka ise na nina, adimane na nke wakwe, ū mu būbīlī wabo bakūbiza mīlī gūmò.

³²Ū gwenūyū gūlī mhayo gwa mbisīla nhaale, alīyo ū nene nalīhaya mihayo ya ng'wa Kilisito na kanisa.

³³Kwike h'ūmo īlī nū kū bing'we, būlī ng'wene antogwe ū nke wakwe, nū nkīma abize na logohano ū kūlī ngoshi wakwe.