Read Sukuma Bible 2015 – Bibilia Ilagano Lya Kale 2015 Yoshwa 12 Bible Online

Yoshwa 12 - Sukuma Bible 2015 – Bibilia Ilagano Lya Kale 2015 bible

Yoshwa 12

¹Na lūūlū aba hū bene a batemi ba sī abo bakapyenwa na Baisilaeli kū kīya ya mongo gwa Yolodani, būjisola ī sī jabo, kwandīja kū mongo gwa Alinoni, kūshisha kū lūgūlū lwa Helimoni; kūlīsangīja pyī nī libbaala lya Alaba ya kīya.

²Sī ya ntemi Sihoni wa Baamooli, ūyo ikūlū lyakwe lyalī Heshiboni. Ū būtemi wakwe walī wandīgije Aloe, ha lūgegu lwa mongo gwa Alinoni; kwandīja a ha gatī gatī ya ntubīlo gwa mongo gwenūyo, kūshisha kū mongo gwa Yaboki, kū lūbīmbī lwa Baamoni, nusu ya Gileadi yūsolwa.

³Walī asugile nī kīya ya Alaba, kūfuma kū nyanza ya Gineleji, kūīlīīla kū Nyanza ya Alaba, (h'ī Nyanza ya Munhu), kūshika Beti-jeshimoti; hūna būlola dakama kū ntulumenho gwa lūgūlū lwa Pisiga.

⁴Na sī ya ntemi Ogi wa Bashani, ūyo walī ūmò wa Balefai abo baalī baashiigīīla; ū wei walī n'ikūlū Ashitalooti na Edilei.

⁵Ū būtemi wakwe walī būkūbanīgije mapandī ga, lūgūlū lwa Helimoni, Saleka, Bashani ī yose kūjūbīmbīkanwa na banhū ba Geshuli na Maaka, nī nusu ya Gileadi īyo īlīsaagīīla, kūbīmbīkanwa nū Sihoni ū ntemi wa Heshiboni.

⁶A batemi benaba Musa ntūmami o ng'wa SEEBA akabapyena alī hamò na Basilaeli; ū Musa ū ntūmami o ng'wa SEEBA, ī sī yenīyo ūbinha banhū ba lūganda lwa Lubeni, na lwa ng'wa Gadi na ba nusu ya lūganda lwa Manase; ūbinha kūbiza ya wingīji wabo.

⁷Aba bene batemi ba mu sī ījo Yoshwa akajipyena kū ng'weli ya mongo gwa Yolodani alī hamò na Baisilaeli, kwandīja Baali-gadi kū ntubīlo gwa Lebanoni, kūshika kū lūgūlū lwa Halaki, ūlo lwandīgije mapandī ga Seili. (Ī sī jabo ū Yoshwa ūbagabanhya banhū ba ng'anda ja Baisilaeli kūbiza wingīji wabo; ūbagabanhya kūlenganīla nū mūmo baalī baagabanhījiwa.

⁸Jalīho sī ja magūlya, ja manyalala ga nyabūga, itogolo lya mbūga ya Alaba, mitulumenho ya kūfuma mu ngūlū, na sī ja ng'witogolo lyaape lītī na shose shose, nī lipandī lya Negevu. Ī joi jalī sī ja Bahītī, Baamooli, Bakanaani, Bapelizi, Bahīvī, na Bayebusi.) A batemi benekīlī baalī aba:

⁹Ntemi wa Yeliko ūmò Ntemi wa Ai ūmò

¹⁰Ntemi wa Yelusalemu ūmò Ntemi wa Hebuloni ūmò

¹¹Ntemi wa Yalimuti ūmò Ntemi wa Laishi ūmò

¹²Ntemi wa Eguloni ūmò Ntemi wa Geza ūmò

¹³Ntemi wa Debili ūmò Ntemi wa Geedeli ūmò

¹⁴Ntemi wa Holima ūmò Ntemi wa Aladi ūmò

¹⁵Ntemi wa Libna ūmò Ntemi wa Adulamu ūmò

¹⁶Ntemi wa Makeda ūmò Ntemi wa Beeteli ūmò

¹⁷Ntemi wa Tapua ūmò Ntemi wa Hefa ūmò

¹⁸Ntemi wa Afeki ūmò Ntemi wa Lashaloni ūmò

¹⁹Ntemi wa Madoni ūmò Ntemi wa Hazooli ūmò

²⁰Ntemi wa Shimuloni-meloni ūmò Ntemi wa Akshafu ūmò

²¹Ntemi wa Taanaki ūmò Ntemi wa Megido ūmò

²²Ntemi wa Kadeeshi ūmò Ntemi wa Yokineamu ya Kalimeli ūmò

²³Ntemi wa Dooli, ya Nafoti-dooli ūmò Ntemi wa Goyimu ya Giligaali ūmò

²⁴Ntemi wa Tiliza ūmò A bose baalī batemi makūmi adatū n'ūmò.