Read Sukuma Bible 2015 – Bibilia Ilagano Lya Kale 2015 Yoshwa 15 Bible Online

Yoshwa 15 - Sukuma Bible 2015 – Bibilia Ilagano Lya Kale 2015 bible

Yoshwa 15

¹Ī sī īyo bakahelelwa banhū ba lūganda lwa ng'wa Yuda, gīt'ūmo būdūgū wabo waalī būlī; yalī īshikile kwitogolo lya Zini. Ū lūbīmbī lwayo ū kū būkaalīkījo gete ī dakama lūūshika kū sī ya Edomu.

²Ū lūbīmbī lwa sī yabo ū kū dakama lwalī lwandīgije kū dakama y'ikondo lya Nyanza ya Munhu;

³hūna lūūtūja lūjile lūūkashika kū nzīla ya ng'homi, hama lūūgoloola kūja Zini, lūūshika dakama ya Kadeeshi-balinea. Hanuma ya henaho lūūlola kūja Hezeloni, kūshisha lūūshika Ada, lūūtūla kuluba kūja Kalika.

⁴Hanuma hangī lūūlola Azimoni kūjūlumana na longa lwa Misili, hūna lūūsīngīja kūja kū Nyanza, lūūkagadya ho. Ū lwenūlū hū ū lūbīmbī lwa sī yabo ū kū lwandī lwa dakama.

⁵Ū lūbīmbī lwabo ū kū kīya, yalī ī Nyanza ya Munhu, kūshika aho mongo gwa Yolodani gwingīlīlile. Ū kū sukuma lwalī lwandīgije kwikondo lya Nyanza ya Munhu, aho mongo gwa Yolodani gwingīlīlile,

⁶hūna lūja kūshisha Bet-hogila, lūūgoloola lūjile, lwītūla sukuma ī Beti-alaba, kūja kwiwe lya ng'wa Bohani, ng'witūnja o ng'wa Lubeni.

⁷Ū lūbīmbī lūūlinha lūjile Debili kūfuma ū kū sī ya ntubīlo gwa Akoli, hūna lūūgalūka lūlolile sukuma kūja Giligaali, īyo yilolile na nzīla ya Adumimu kū dakama ya sī ya ntubīlo. Hūna lūūgolola lūjile dūhū, kūshisha kū minzī ga Enishemeshi, lūūkagelela ha Enilogeeli.

⁸Hūna lūja lūūkabīta ū mu longa lwa Hinomu, lūkūsīngījaga ntulumenho gwa kū dakama ya nzengo gwa Bayebusi (h'ī Yelusalemu). Ū kūfuma a henaho lūūlinha kwigūlya ya ngūngūli gwa kū ng'weli ya longa lwa Hinomu, kū sukuma ya būgelelo wa longa lwa Lefaimu.

⁹Hūna lwīngīīla ū kwigūlya ya lūgūlū lūūgoloola kūja kū nzwinzī ja minzī ga Nefutoa, lūūkapulukīla kū mizengo ya kū lūgūlū lwa Efuloni, lwika sīlīlī kūja Baala (h'ī Kiliati-yelimu).

¹⁰Hanuma lūūtūja ū kūfuma ī Baala, lūūlola ng'weli kū lūgūlū lwa Seili. Lūja lūlikilimbīja sukuma ya lūgūlū lwa Yealimu (nūūlū Kesaloni), lwika sīlīlī kūja Beeti-shemeshi, lūūkashika Timuna.

¹¹Hūna lūja lūlīsīngīja ntulumenho gwa sukuma ya Ekuloni, lūūkatūja kūja Shikeloni, hama lūūgoloola lūjile kū lūgūlū lwa Baala, kūshisha lūūshika Yabūeli. Lūūkashilīla ha Nyanza ī Nhaale.

¹²Ū kū lwandī ū lwa ng'welī ū lūbīmbī lūlī h'ī Nyanza ī Nhaale. Ī jenīji h'ī mbīmbī ja sī ya banhū ba lūganda lwa Yuda, gīt'ūmo jilī ndūgū jabo.

¹³Ū Yoshwa akashikīlīja ūmo SEEBA walī wanagīīlīla, ūng'winha ū Kelebu ng'wana Yafune sī ya helegeeko ū mu sī ya wingīji wa lūganda lwa Yuda; ī sī yene yalī ya Kiliati-alaba, nūūlū Hebuloni (ū Alaba walī nkūlūgenji wa Baanaki.)

¹⁴Hūna ū Kelebu ūbapeeja baalīho bing'wana badatū ba shibyalīlwe sha ng'wa Anaki; ba Sheshai, Ahimani, na Talimai.

¹⁵Aho wīnga a henaho ūbasanga bana Debili (ī kwandya yitanagwa Kiliati-shefeli).

¹⁶Ū Kelebu ūhaya gīkī, “Ūyo alagūdumīle ū nzengo gwa Kiliati-shefeli agūdiime, nakūng'winha ū nshīke wane ū Akisa abize nke wakwe.”

¹⁷Osinieli ng'witūnja o ng'wa Kenazi ūyo walī ng'wana wa ng'wawe na Kelebu ūgūdima ū nzengo gwenūyo; na lūūlū ū Kelebu ūnfūnya ū nshīke wakwe ū Akisa atoolwe nū Osinieli.

¹⁸Aho wiza ho ū Akisa bandya kwikala hamò, lūshikū lūmò ūnkomiga ū ngoshi akanombe ilaale ū ise. Aho wika a ha nzobe yakwe, ū Kelebu ūmūūja, “Ūlītogwa nakwītīle mhayo kī?”

¹⁹Nshīke nang'hwe ūhaya, “Baba nigunanhage; waninhile ilaale mu Negevu, ninhage na malambo ga minzī.” Ū Kelebu ūng'winha malambo abīlī, līmò kū ngūlya, līngī kū ntulumenho.

²⁰Ūbū hū wingīji wa banhū ba lūganda lwa ng'wa Yuda, gīt'ūmo jalī ndūgū jabo.

²¹Ū kū lwandī lwa dakama ū kwitogolo lya Negevu ūko yalī īgelelile sī yabo, būbīmbīng'hanwa na Edomu, yalīko mizengo ya Kabuzeeli, Edeeli, Yaguli,

²²Kina, Dimona, Ada,

²³Kedeshi, Hazooli, Itinani,

²⁴Zifu, Telemu, Beloti,

²⁵Hazooli-hadata, Kelioti-heziloni (nūūlū Hazooli),

²⁶Amamu, Shema, Molada,

²⁷Hazaali-gada, Heshimoni, Beeti-pelesi,

²⁸Hazaali-shuali, Beelisheba, Biziotia,

²⁹Baala, Iyimu, Ezemu,

³⁰Elitoladi, Kesili, Holima,

³¹Zikilagi, Madimana, Sansana,

³²Lebaoti, Shilihimu, Aini na Limoni. Ī mizengo ī yose yalī makūmi abīlī na kenda, hamò na magūngūli gaamo.

³³Ū kū sī ja mitubīlo yaalīko mizengo ya Eshitaoli, Zola, Ashina,

³⁴Zanoa, Enganimu, Tapua, Enamu,

³⁵Yalimuti, Adulamu, Soko, Azeka,

³⁶Shalaimu, Adisaimu, na Gedela (h'ī Gedelosaimu). Ī mizengo ī yose yalī ikūmi na īnè hamò na magūngūli gaamo.

³⁷Zenani, Hadasha, Migidaligadi,

³⁸Dileani, Mizipa, Yokiteeli,

³⁹Lakishi, Bozikati, Eguloni,

⁴⁰Kaboni, Lahima, Kitilishi,

⁴¹Gedeloti, Betidagoni, Naama, na Makeda; mizengo ikūmi na ītandatū hamò na magūngūli gayo.

⁴²Libuna, Esa, Ashani,

⁴³Ifata, Ashina, Nezibu,

⁴⁴Keila, Akizibu na Malesha; mizengo kenda hamò na a magūngūli gayo.

⁴⁵Ekuloni na mizengo yaamo hamò na magūngūli gayo,

⁴⁶nī mizengo ī yose hamò na a magūngūli ayo gaalī hihī hihī na Ashidodi, kūfuma ī Ekuloni kūshisha kū Nyanza Nhaale,

⁴⁷Ashidodi hamò nī mizengo yaho na a magūngūli gaamo; Gaza nī mizengo yaamo na a magūngūli gayo; kūshisha kū Mongo wa Misili, na kū Nyanza Nhaale, nī mbalama yaho pyī ī yose.

⁴⁸Ū kū sī ja magūlya yaalīho mizengo ya Shamili, Yatili, Soko,

⁴⁹Dana, Kiliati-sana (nūūlū Debili),

⁵⁰Anabu, Eshitemo, Animu,

⁵¹Gosheni, Holoni na Gilo; mizengo ikūmi na gūmò na magūngūli gaamo.

⁵²Alaba, Duma, Eshani,

⁵³Yanimu, Beti-tapua, Afeka,

⁵⁴Humuta, Kiliati-alaba (nūūlū Hebuloni), na Zioli; mizengo kenda hamò na magūngūli gayo.

⁵⁵Maoni, Kalimeli, Zifu, Juta,

⁵⁶Yezileeli, Yokidemu, Zanoa,

⁵⁷Kaini, Gibea na Timuna; mizengo ikūmi hamò na magūngūli gayo.

⁵⁸Halīhūlī, Benzuli, Gedooli,

⁵⁹Maalati, Benanoti na Elitekoni; mizengo ītandatū na magūngūli gayo.

⁶⁰Kiliati-baali (nūūlū Kiliati-yelimu) na Laba; mizengo ībīlī na magūngūli gayo.

⁶¹Ū kwitogolo yaalīko mizengo ya, Beti-alaba, Midini, Sekaka,

⁶²Nibushani, Nzengo gwa Munhu na Engedi; mizengo ītandatū na magūngūli gayo.

⁶³Kwike a banhū ba lūganda lwa ng'wa Yuda baalī baalemeelwa ū kūbapeeja a Bayebusi, abo biikalaga ū mu Yelusalemu; na lūūlū kūshisha lelo īyī, a Bayebusi bakikalaga hamò na a banhū ba Yuda.