Read Sumi Naga BOTHUBO 5 Bible Online

BOTHUBO 5 - Sumi Naga bible

BOTHUBO 5

¹Hino Adam polo kughuko kakue. Alhou no Adam lhoke tsala lono Alhou kimihi lono pa lhoe.

²Pano kiptimi eno totimi lhoke eno panongu kumghatsue eno panongu lhoke tsala lono panongu pesu “Timi” ipi kutsue.

³Adam no kughou ampe 130 shi akeno, pa likhi pa kimihi lono anu lakhi lhoe, tiye pa julho paphie, eno paje Set kutsue.

⁴Set punu kethiu Adam ye ampe 800 xu eno ati anuli kutami kutomo shie.

⁵Adam ye ampe 930 xu puzu thive.

⁶Set no ampe 105 shi akelo anu lakhi ithulu, paje Enos.

⁷Enos punu kethiu Set ye ampe 807 xu eno ati anuli kutami kutomo punu,

⁸Set ye ampe 912 xu puzu thive.

⁹Enos no ampe lhotoku shi akelono anu lakhi punu paje Keinan.

¹⁰Keinan punu kethiu Enos ye ampe 815 xue; eno ati anuli kutami kutomo lho.

¹¹Enos ye ampe 905 xu puzu thive.

¹²Keinan no ampe lhotsuni shi akelo anu lakhi punu paje Mahalalel.

¹³Tipathiuno ampe 840 xue; eno ati anuli kutami kutomo shive

¹⁴eno ampe 910 xu puzu thive.

¹⁵Mahalalel no ampe lhotsugho pungu shi akelo anu lakhi shie, paje Yared.

¹⁶Tipathiu paye ampe 830 xu, eno ati anuli kutami kutomo shie

¹⁷eno ampe 895 xu puzu thive.

¹⁸Yared no ampe 162 shi kelo anu lakhi shie, paje Enok.

¹⁹Tipathiu paye ampe 800 xu eno ati anuli kutami kutomo shie

²⁰eno ampe 962 xu puzu thive.

²¹Enok no ampe lhotsugho pungu shi akelo anu lakhi shie, paje Methusela.

²²Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

²³paye ampe 365 xu.

²⁴Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.

²⁵Methusela no ampe 187 shi akelo anu lakhi shie, paje Lamek.

²⁶Tipathiu paye ampe 782 xue eno ati anuli kutami kutomo lhoe,

²⁷eno ampe 969 xu puzu thive.

²⁸Lamek no ampe 182 shi akelo anu lakhi shie,

²⁹paje Noha kutsu puzu ishi pi: “AMPEU no ayeghi ghushove kehu tipau lono anu hipauno ni kumla ghichhe ghimelo ni ghulu lukepu sughi nani.”

³⁰Tipathiu Lamek ye ampe 595 xu eno ati anuli kutami kutomo shie

³¹eno ampe 777 xu puzu thive.

³²Noha ye ampe 500 shive eno anu kuthu ache, panongu je: Shem, Ham eno Jafet.