Read Sumi Naga KUKAMI AKINIU 12 Bible Online

KUKAMI AKINIU 12 - Sumi Naga bible

KUKAMI AKINIU 12

¹Jehu no Israil lo kakeu mpe akutsuniu shi akelono Joas no Juda lo akukau shilu eno paye Jerusalem lo ampe lhobidi ayehpelu. Paza jeye Zibiya, Beersheba phughi lono ighike.

²Achineu Jehoiada no kishekulu mije kutsu vechewo pa kuxu kupujulo AMPEU pulou likhi mlae.

³Tishimu asu-atu kumlla-a qoye shipusamono akehu timiqoye tamono a-a tipaqolo ighino piti kumna ache.

⁴Joas no achinemi kukutsu no achinekilo aghakishi ghenguno pisa tsuchekeu eno pututa pulou kiqi lono akumllagho tsukeu kumtsu hekutsulopi ahza tsu.

⁵Achinemi lakhi khino pano khile mla anikeno tipau alo pisa qhasughi penikeu amakho betsu eno pisa sughikeu huye achineki shikithe kepu vehu lo peithalupe nikeu shitsu.

⁶Ikemu Joas no kakeu mpe muku akuthuu shiuvemu achinemiye Achineki kumu shikithemoe.

⁷Tighenguno pano Jehoiada eno achinemi kutami kuno iniju. “Nonguye kushiye Achineki shikithemono ngo aphi kya? Ishi nguno hilauye nonguno pisa ithulu chekeu pesu qhimoni ikemu hilau tsuni; tishi anguno Achineki shikithe kepu shi akeqo mlalu nani.”

⁸Achinemi ghi tishini keu shi pulo kuqhaluve eno Achineki loye shikithe kepushi akeu ghi shimo nikeu shive.

⁹Tishino Jehoiada no abohu lakhi ikhilu eno tipau kunhalo aki kighipe shephetsu puzu abohu tipau suwo Achineki kulaghilo ilocheke ajeu kudau qhivetsu. Achinemino akulaghilo ilocheke lalo abohu pesu ngono kuho ighi akemiqo no pisa tipaulo pheqhi suche pe.

¹⁰Kugho kughomu abohu pisa chhitoive aye, akukau kilo akiyeu ngo Achinetou pamano ighino abohu khaqhino tsandiqo lhokuqhano mighiju che.

¹¹Akivishi kihive kethiuno panonguno pisa tipau pesu Achinekilo akumlalo ampi shitsu akeqo ulo suvetsuno tipau pesuno aki kishimiqo,

¹²ayeghi kumlamiqo atu kukubomiqo jume tsu, tokta qhu, atu qhuno aki shikithelu, tinguno alaughi avehupu masakeqo kumtsulo peithalu.

¹³Tsandiyi jukhu, akhu, afuko momu akulu kibepu nhemghaqo ghenguno pisa tipau peithamoe.

¹⁴Ikemu akumla kishimiqo jume eno tinhemgha qhukeu lono peithae.

¹⁵Akumlalo ampi shitsu akeqo kumtsu ighono amikuchomiqo likhi, ikehu panongu launo pisa kiutoi kishi peithave kya pi kumu iniju kepu avehu shimoe.

¹⁶Akuiqu kumllagho eno axine kumllagho sughikeuye pesuno abohu lo supemoe; tiye achinemi wu shiveche.

¹⁷Tipa ghulokilo Siriya lo akukau Hazael no Gat phughi le luvetsu; tishiveno paye Jerusalem ghi lenikeu shi xathave.

¹⁸Tileno akukau Joas no pa zuu kukami Jehosafat, Jehoram eno Ahazia ishi akumllagho AMPEU tsu ighikeu gholo pawu akuka kilo akuakini kumtsu pekutsu kuqhano agho akukau Hazael tsuve, tishikeu lono pano pawu ghushimi sasu Jerusalem lemoveno idewove.

¹⁹Akukau Joas no kiu mlakeno ti kumtsu Judami Kukami Xughililo yekutsukiyipe qhipuani.

²⁰Pa qholo kijemiqono atheshino Beth Milo ipikeu-a Silla la iqichekeu lono pa yive.

²¹Pa qholo kijemi Jozakar Shimeat nu eno Jehozabad Shomer nu pamano atheshino pa heqhiveke. Joas ye David phughi kijemi kumo kuqho alo qhove eno pa nu Amazia no pa zuqhulo kaluve.