Read Sumi Naga YEKIKITHI ATUGHIU 11 Bible Online

YEKIKITHI ATUGHIU 11 - Sumi Naga bible

YEKIKITHI ATUGHIU 11

¹Israilmi kumtsu Hebron lo David lau wuno pa vilo pi, “Ninguye oshi-oji shivae.

²Khaghi wovekeulo, Saul no ni kukau shi aphilo thotsu, nono aghukishilo Israilmi saphe eno AMPEU oLhou no olau piqhi puakeu toi nono paw timi saphe eno panongu shou ayeh pe nani.”

³Ike Israilmi sakiphemi kumtsu Hebron lo Akukau David lau wue. Pano panongu sasu akimthe shoqhi shie, panonguno teli pe pa nukisheluno paye Israilmi kukau shive, tiye Samuel vechewo AMPEU no tushoqhi puakehu toi ke.

⁴Akukau David ngo Israilmi kumtsu Jerusalem phughi lewue. Tipa ghulokilo hiye Jebus ipi kuche eno Jebusimi no ayeghi tipaulo kughuna che, panonguye itehi kutolo tile achephi.

⁵Jebusimino David vilo paye khilemu aphughi alou iloghi mlae ipi, ikemu David no Zion ghukhua khatha luvetsu eno tipa-a pesu “David Phughi” ipi kuluve.

⁶David no pi “Timi khuu paghino Jebusimi ghiqhi tughiu shini keno pano ghushimi shou Zahtsuu shini!” ipi. Joab paza jeye Zeruia, pano timiqo saphe eno Zahtsuu shiluve.

⁷Kughengu David no aghukhua lo ngoniye cheve, tighenguno hipau pesu “David Phughi” ipi kutsu.

⁸Pano aphughi hu shikithe, kipelau kudau toghi khile ayeghino chhitoi vekeno tileno huthu eno Joab no aphu ghi shipusavekeqo xakide sughilue.

⁹David ye alau akumto shi thuwuve, kughengu Akughushuu MPEU no pa gholo ake.

¹⁰Hipaqono David ghushimi ajekipimiqoe, Israilmi kutami gholo sukuqha ghi panonguno pa pelo akukau shipeke, AMPEU no pagi juake toi eno panonguno pa kukaqha alau akumto shitsue.

¹¹Atughiuno Jashobeam Hakhmon lagha, pano “Kuthu”[9] shou sakipheu shi. Pano pangu pesu timi 300 sasu aghushie eno panongu kumtsu aghukishi lakhi lono ghiqhikhave.

¹²Ajekipimi “Kuthu” gholo akiniuye Eleazar paye Dodo nu eno Ahohi lagha.

¹³Pano David saphu ghi Filistiyami sasu Pas Dammim lono aghu shie. Israilmino kohasu poveniye akelo paye barli lu lo ngoae,

¹⁴ike pano paw timiqo sasu alumta lono ipe puthughono Filistiyami sasu aghushi. AMPEU no tokuluu kije pa tsue.

¹⁵Ghulo lakhilo sakiphemi ghushimi shighi gholo kuthuye David no Adullam tukisheqho phivilo itshu akeu alo wu, ike tilehi Filistiyami aqo lakhiye Refaim bokhu lo apusho shino ngoa.

¹⁶Tipa ghulokilo David ye naghutolo aghukhua shi no tile ngoa, eno Filistiyami aqo khamino Bethlehem pukhaluve.

¹⁷David ye aki kumsuwuve eno pi, “Timi khamino Bethlehem ghutukikha lono ilono azukikhelo azu pesu ighino ipiye aye kiutoi ilokiqipu kelae!”

¹⁸Ghushimi kuthu aghulo ajekipimi qono Filistiyami ghazu katha susu wu eno azu kikhe lono azu pesu ighino David lau sughi. Ikemu paye tipau hu yemoe; tishinike zuqhulo pesu AMPEU kumlla alo pelepukuveno

¹⁹hitoi pi, “Niye hipau zu khilemu shomoe! Hiye timi khunoqo panongu kuxu kupumono sughi keno panongu jih ye akeu paphi shivae!” Tighenguno paye tipau shomono tuchileve. Akumla hipaqono aghutomi ghushimi kuthu qono shikeuke.

²⁰Joab thikuzuu Abishai no “Ajekipimi Shighi”[10] shou sakipheu. Pano panongu pesu timi 300 sasu aghushi eno panongu kumtsu ghiqhi pithive, eno “Shighi” shou ajekipi shiluve.

²¹Paye “Shighi” shou ighono ajekipi eno panongu sakipheu shie, ikemu paye “Kuthu” qo toi ighono ajekipi kutuye kumoe.

²²Benaia ye Jehoiada nu Kabzeelmi, paye aghulo ighono ajekipimi; pano Muabmi aghutomi kini ghiqhikeu sukuqhano amlo kumto kumla kutomo shie. Ghuthu lakhi paye aqoh lo ngo puzu avukiqi tsala lono abongushu lakhi ghiqhi.

²³Paye Ijipmi lakhi subosughi eno akiqhe lau miter kini shou qhekeu eno angu pakutakeu kipeu ghi ghiqhive. Ike Benaia no asulu pesu pa le, Ijipmi u lono angu hu suxaluveno tipau pesu pa qhuqhive.

²⁴Hipaqono Benaia no amlo kumto kumla shikeuqo, paye “Shighi” gholo lakhi ke.

²⁵Paye “Shighi” gholo atomie, ikemu “Kuthu” gholo kumoe. David no pa khekelo pa piche tsue.

²⁶Timi hipaqono ghushimi atomi kutami qoke: Asahel no Joab thikuzu-u Elhanan no Dodo nu Bethlehem mi Shammoth no Harodmi Helez no Peletmi Ira no Ikesh nu Tekoami Abiezer no Anathotmi Sibekai no Hushami Ilai no Ahomi Maharai no Netofami Heled no Baana nu Netofami Ithai no Ribai nu Benjamin lo Gibeami Benaya no Pirathanmi Hurai no Gaash phivilo abokhulo akemi Abiel no Arbami Azmaveth no Behurummi Eliahba no Shaalbonmi Hashem no Gizonmi Jonathan Shage nu Hararmi Ahiam no Sakhar nu Hararmi Elifal no Ur nu Hefer no Mekherami Ahija no Pelonmi Hezro no Karmelmi Naarai no Ezabi nu Joyil no Nathan thikuzuu Mibhar no Hagri nu Zelek no Ammunmi Naharai no Joab ghunanubo kipeu, paye Beerotmi Ira eno Gareb no Jattirmi Uria no Hatimi Zabad no Ahlai nu Adina no Shiza nu (Ruben shi ayeh lo akhot(...)