Read Sumi Naga YEKIKITHI ATUGHIU 2 Bible Online

YEKIKITHI ATUGHIU 2 - Sumi Naga bible

YEKIKITHI ATUGHIU 2

¹Jakob no anu chighi kini shi; Ruben, Simon, Levi, Juda, Isakhar, Zebulun,

²Dan, Josef, Benjamin, Naftali, Gad eno Asher.

³Juda nu kumtsu kuqha kelo pungu ae, pa nipu Kananmi Bethshua no anu kuthu shi: Er, Onan eno Shela. Panu anoghiu Er ye ighono alhoksami kehu AMPEU no pa pithive.

⁴pa mukishiu Tamar launo Juda ye anu kini ghi shi, Perez eno Zera.

⁵Perez no anu kini shi, Hezron eno Hamul.

⁶Pathikuzu-u Zera ye anu pungu shi: Zimri, Ethan, Heman, Kalkol eno Darda.

⁷Akhan Karmi nu, Zera kughukomi, Israilmi Alhou sumsa chekeu lo huno pano ghichhe ghime sughi tsue.

⁸Ethan ye anu lakhi ache, paje Azaria.

⁹Hezron ye anu kuthu shi: Jeremel, Ram eno Kaleb.

¹⁰Ram lono Jese kutolo: Ram, Aminadab, Nahshon (Juda laghalo akhotomi lakhike),

¹¹Salmon, Boaz,

¹²Obed eno Jese.

¹³Jese no anu tsuni shi, panongu punu mpe kiqi lono: Eliab, Abinadab, Shama,

¹⁴Nethanel, Raddai,

¹⁵Ozem eno David.

¹⁶Paye anga totimi kini ghi a, Zeruia eno Abigail. Jese nga Zeruia no anu kuthu shi: Abishai, Joab, eno Asahel.

¹⁷Pa nga lakhiu Abigail no Jether sasu anu lakhi ithuluke paje Amasa kutsu.

¹⁸Hezron nu Kaleb no Azuba sasu kulau eno anga lakhi punuke lije Jeriot kutsu. Lino anu kuthu shi Jesher, Shobab eno Ardon.

¹⁹Azuba thive kethiu, Kaleb ye Efrat sasu xu, eno pamano anu lakhi ithuluke paje Hur kutsu.

²⁰Hur nu Uri eno Uri nu ye Bezalel ke.

²¹Hezron no apunu mpe lhotsugho shive kethiu no Makhir nga sasu xu, liye Gilead chepuke. Pama nu Segub kutsu,

²²eno Segub nu je Jair kutsu. Jair no naghiphu muku kuthu kutolo Gilead lo ayehpeno paw shiluve.

²³Ikemu Geshur eno Aram ye Jair ngo Kenat eno tipa kumxalo taun kuqhakelo taun lhotsugho leluve. Tilehi xukuami kumtsu Gilead papu Makhir kughukomike.

²⁴Hezron thive kethiu panu Kaleb no papu nipu Efrat valu. Pama nu je Ashur eno pano Tekoa taun phuphelu.

²⁵Hezron nu anoghiu Jeramel no anu pungu shi: Ram no anoghiu, Buna, Oren, Ozem eno Ahija.

²⁶Ram no anu kuthu shi: Maaz, Jamin, eno Eker. Jeremel ye anipu kutau lakhi lije Atara ache; eno pama nu lakhi paje Onam ae.

²⁷

²⁸Onam no anu kini shi, Shamai eno Jada, eno Shamai ghi anu kini shi Nadab eno Abishur.

²⁹Abishur no totimi lakhi Abihayil sasu xuuve eno pamano anu kini shi, Aban eno Molid.

³⁰Abishur thikuzuu Nadab ghi anu kini a, Seled eno Apaim, ikemu Sele ye atianuli ithulu mphi lono thive.

³¹Apaim nu Yishi, Yishi nu Sheshen, Sheshen nu Alay.

³²Shamai thikuzuu Jada ghi anu kini shi Jether eno Jonathan, Jether ye atianuli shimphi lono thive.

³³Jonathan ghi anu kini shi Pelet eno Zaza. Panongu kumtsu Jeramel kughukomiqoe.

³⁴Sheshan ye anu kuhano anga lakhi likhi shi. Paye Ijipmi aqemi lakhi Jera ae,

³⁵eno pano panga sasu kulauvepe. Pamano anu lakhi shi eno paje Atai kutsu.

³⁶Atai lono Elishema kutolo alagha hipaqo: Atai, Nathan, Zabad,

⁴¹Jekamia eno Elishema.

⁴²Jeramel thikuzuu Kaleb nu anoghiu je Mesha. Mesha nu Zif, Zif nu Maresha Hebron papu,

⁴³Hebron no anu bidi shi. Qora, Tapua, Reqem eno Shema.

⁴⁴Shema ye Raham papu eno Jorqem no Shamai papu,

⁴⁵khuu Maon papu shilu, khuu Bethzur papu shilu keno pa ke.

⁴⁶Kaleb ye anipu amishiu ae, li je Efa eno lino anu kuthu punu tsu: Haran, Moza eno Gazez. Haran ghi anu lakhi ae eno paje Gazez.

⁴⁷(Timi lakhi Jahadai ipikeuno anu tsugho ache: Regem, Jotham, Geshan, Pelet, Efa eno Shaaf.)

⁴⁸Kaleb ye anipu amishiu kutau lakhi Maaka ae, lino anu kini punu. Sheber eno Tirhana.

⁴⁹Athiu ghi anu kini punu: Shaaf, pano Madmana taun phuphelu; Sheva no Makbena eno Gibea taun phuphelu. Tinguno alau, Kaleb ye anga lakh ghi ae, li jeye Akhsa.

⁵⁰Hipaqo ghi Kaleb kughuko ke. Kaleb ngo Efa pama nu anoghiu je Hur. Hur nu Shobal no Kiriat Jearim phuphelu,

⁵¹panu akiniu Selma no Bethlehem phuphelu eno anu akuthuu Haref no Bet Gader phuphelu.

⁵²Shobal, Kiriat Jearim phuphelu keuno Haroemi puasu shi eno Menuhot loghi khami ngove,

⁵³eno Kiriat Jearim lo ngoluvekemi laghaqoye: Itraimi, Putaimi, Shumetaimi eno Mishraimi. (Zora eno Eshtaol phughilo timi qoye alagha hipaqolo amipimiqoke.)

⁵⁴Salma, Bethlehem phuphelu keuno Netofami Atrot Beth Joabmi pasu eno Zoraimi ye Manahat lo alagha kini gholo lakhi ke.

⁵⁵(Alagha hipaqoye akiyelo eno pekikishe kaku yekide keulo shitsamiqoke eno panonguye Jabez taun lo ngoche: Tirathaimi, Shimeathaimi eno Sukathaimi, panonguye Kenaimi eno Rekhabaimi sasu kulakupu shikile chekemi qoke.)