Read Sumi Naga YEKIKITHI ATUGHIU 23 Bible Online

YEKIKITHI ATUGHIU 23 - Sumi Naga bible

YEKIKITHI ATUGHIU 23

¹Kughou David no ighono muchomi shive keno pano panu Solomon pelo Israilmi kukau shiluvepe.

²Akukau David no Israilmi sakiphemi kumtsu eno achinetomi kukutsu eno Levimi kumtsu kukutsu sawo qhie.

³Pano Levimi kiptimi thaqhu ampe shighi nguno kunguu kumtsu kihi kutsuju. Ike kumtsu kihi kelo 38,000.

⁴Akukauno timi 24,000 pelono Achinekilo akumlami shipenikeu shi, 6,000 no mlakeu yekithi eno akupuna xathatsu penikeu shi,

⁵4,000 no aghukhe shipeni keu shi eno 4,000 no AMPEU akishe tsu nikeu shi, panonguye akukauno alephekeu bohu qo kumtsu kutope qhitsuno alebo lono phechepe.

⁶David no Levimi amqo kuthu shi kijetsu, tiye pututa alagha kiqi lono: Gershon, Kohat eno Merari.

⁷Gershon no anu kini shi: Ladan eno Shimei.

⁸Ladan no anu kuthu shi: Jehiel, Zetham eno Joyil,

⁹panonguye pututa laghalo atomi eno Ladan launo ighi keqoke. (Shimei no anu kuthu shi: Shelomoth, Haziel eno Haran.)[16]

¹⁰Shimei no anu bidi shi: Jahat, Zina, Jeus eno Beriya: Jeus eno Beriya pama kughuko qoye kutomo kumoke ghenguno alagha lakhi kiqi lono kihi cheni.

¹²Kohat no anu bidi shi: Amram, Izhar, Hebron eno Uziel.

¹³Pa nu anoghiu, Amram no Aron ngo Muse pama papu ke. (Aron ngo pa kughukoqoye panoqo kutashi qhino akimthe nhemgha peitha pe, AMPEU mlla nikelo tsungqui piti kumna keu, pa qeu shini keu eno pa jelono mllaniye ighi keqo kukumgha betsu nikeu.

¹⁴Ikemu Muse nuliqoye, Alhou timi eno Levimi gholo kihisu kuqhae.)

¹⁵Muse no anu kini shi, Gershom eno Eliezer.

¹⁶Gershom nuqo gholo sakipheuye Shebuel.

¹⁷Eliezer ye anu lakhi likhi shi Rehabia, ikemu Rehabia philono kutomo ikowove.

¹⁸Kohat nu akiniu, Izhar no anu lakhi shi, Shelomit, pano laghalo atouke.

¹⁹Kohat nu akuthu-u, Hebron pano anu kuthu shi: Jeria, Amaria, Jehaziel eno Jekameam.

²⁰Kohat nu abidiu, Uziel no anu kini shi, Mika eno Ishia.

²¹Merari no anu kini shi, Mahli eno Mushi. Mahli ghi anu kini shi, Eleazar eno Kishi,

²²ikemu Eleazar ye anu shimphi lono thive, paye anga lakhi likhi shi. Panonguno li pelimiqo Kish nuliqo sasu kulawu.

²³Merari nu akiniu, Mushi no anu kuthu shi: Mahli, Eder eno Jeremot.

²⁴Hipaqono Levi kughukoqo, alagha eno akibo kiqi lono luthu lakhikhi no aje yekithi pe qhi. Pututa kughuko kumtsu ampe muku nguno kunguuye AMPEU chineki shini keulo pututa saje sukhae.

²⁵David no pi, “Israilmi wu AMPEU Alhou no pawu timiqo alokughuno tsuvae eno pa ampi ghi alhokupuju Jerusalem lo acheuve niae.

²⁶Tighenguno Levimiye khilemu AMPEU no achekeu Aphiki kuhopesu iqho iqi keu eno akumllalo pepimhe kepu jeliqo shimae.”

²⁷David no ashekhau piqhikeu tsa lono Levimi kumtsu apunu mpe muku toveke mtsa lono akumla huthu penikeu shie,

²⁸eno akumla hipaqo kutotsue: Achinekilo akumlla shini kelo Aron kughukomi achinetomi kuphunikeu, achinekilo eno tipa kumxalo ngo aki alou kokuthaboqo mithepe qhinikeu eno akimthe nhemgha kumtsu shikuchhube mono qhini keu;

²⁹Alhou kumlla shi nikelo ashoqo ghakutsu nikeu, asho mukhu pe mllakeu lo, kholaqhi sumokeu sho, asho pugha keulo, asho mukhu pesu oliv teli kuma kunu nikeu; achinekilo qhalu keu pisa ahu shiju nikeu;

³⁰eno ina kijili AMPEU akishe tsu ani keu

³¹eno kughou Sabat tsalalo AMPEU lau akipti kumlla shini keno, Aqhi kithe pinye eno apinye jeli kutau qolo. Levimi timi khijehino kutope qhitsu keu kumla ado kumtsulo shimaye sakeno ahza shipe qhie. Levimiye tamono ado kumtsu AMPEU mlla anikeu shie.

³²Panonguye AMPEU no ache keu Phiki eno Achinekilo mla penike panongu makho shi tsu eno panongu sholokumi eno Aron kughukolo achinemi pelo achinekilo akumla shipenikeu shie.