Read Sumi Naga YEKIKITHI ATUGHIU 24 Bible Online

YEKIKITHI ATUGHIU 24 - Sumi Naga bible

YEKIKITHI ATUGHIU 24

¹Amqo hipaqono Aron kughuko lono ighi kemi timi qoke. Aron no anu bidi shie: Nadab, Abihu, Eleazar eno Ithamar.

²Nadab ngo Abihu pamaye pama papu xu aphi lono thive eno pama kughukolo kuhave, tighenguno pama thikuzuu Eleazar ngo Ithamar pamano achinemi shiluve.

³Akukau David no Aron kughukoqo pututa kumla kiqi lono amqo amqo shi kijetsu. Paye Zadok no pa kuphu khuu Eleazr kughukomi keno eno Ahimelek khuu Ithamar kughuko keno.

⁴Eleazar kughukoqono amqo chighitsugho shi huthu tsu, ikemu Ithamar kughuko qoye amqo tache shi huthutsu; hitoi shikeuye Eleazar kughuko lono kiptimi kiboqo kutomo kehue.

⁵Kughengu achinekilo ampimi eno aghungulo sakiphemi Eleazar ngo Ithamar kughukolo akehu panongu kumlapu tsunikelo asaqhibeju cheke.

⁶Ike Eleazar ngo Ithamar kughuko ghi pututa sheamzulo asaqhibeju ache. Tishipenike ghenguno panonguno Shemaia Nethanel nu, Levimi wu akiyeu qhi. Kukami, paqholo ampimi, achineu Zadok, Ahimelek Abiathar nu eno achinemi kibolo atomi eno Levimi kibolo panongu kumtsu ngono ashepe shie.

⁷Akibo muku bidi amqo kututa shikeu akikithi hitoi shi panongu kumlapu kutope qhitsue. 1. Jehoiarib 2. Jedaia 3. Harim 4. Seorim 5. Malkhija 6. Mijamim 7. Hakkoz 8. Abija 9. Jeshua 10. Shekania 11. Eliashib 12. Jakim 13. Huppa 14. Jehsebeab 15. Bilga 16. Immer 17. Hezir 18. Hapizez 19. Pethahia 20. Jehezkel 21. Jakhin 22. Gamul 23. Delaia 24. Maazia

¹⁹Timi hipaqono Achinekilo wunikelo pututa kumlapu kiqi lono aje suno panongu pasu Aron no AMPEU Israilmi Lhou no ahza tsukeu aghokulushi peketoi pututa kumla mla ithani keu shie.

²⁰Levi kughuko lono ighikemi akibo hipaqono kutau atouke: Jehdeia, Amram kughuko Shebuel vechewo ighie;

²¹Isshia, Rehabia kughuko

²²Jehat, Izhar kughuko Shelomit vechewo ighie;

²³Jeria, Amaria, Jehaziel eno Jekameam, Hebron nuliqo apunu mpe kiqi lono;

²⁴Shamir, Uzziel kughuko Mika vechewo ighie;

²⁵Zekharia, Uzziel kughuko Mika thikuzuu Isshia vechewo ighie;

²⁶Mahli, Mushi eno Jaazia, Merari kughuko ke.

²⁷Jaazia no anu kuthu shi: Shoham, Zakur eno Ibri.

²⁸Mahli no anu kini shi Eleazar eno Kish. Eleazar ye atianuli kuha, ikemu Kish ye anu lakhi ae pa je Jeramil eno.

³⁰Mushi no anu kuthu shie: Mahli, Eder eno Jeremot.

³¹Akibo lakhi khilo atou eno athikuzumi gholo ayitiu ighino panongu kumlapu ghenguno asaqhiju, panongu chinemi Aron kughuko eno abolomino shikeu hutoi. Akukau David, Zadok, Ahimelek eno panongu kiboqolo atou eno achinemi eno Levimi ighino ashepe shie.