Read Sumi Naga YEKIKITHI ATUGHIU 25 Bible Online

YEKIKITHI ATUGHIU 25 - Sumi Naga bible

YEKIKITHI ATUGHIU 25

¹Akukau David ngo Levimi sakiphemino akumlla hoholo saphe penike ghenguno Levimi laghalo timi hipaqo kishephelue: Asaf, Heman eno Jeduthun. Panonguye aheo eno ayi kugha kelo ighakeu gholono Alhou tsa vekuphani keu shie. Timi hipaqo no akumlla hoholo ahoho jeli kututa lono amqo shino mlla saphe penike kishelue:

²Asaf nu pano bidi: Zakur, Josef, Nethania eno Asharala. Panonguye Asaf no kichepiye keu gholono kughou akukauno ahza kutsu shikeno tileno Alhou shepe shiche.

³Jeduthun nu pano tsugho: Gedalia, Zeri, Jeshaia, Shimei, Hashabia eno Matithia. Panonguye panongu papu no kichepiye keu kiqi lono aheo lono alephekeu eno AMPEU shipili keu lono Alhou shepe shie.

⁴Heman nu pano chighi bidi: Bukkia, Mattania, Uzziel, Shebuel, Jerimot, Hanania, Hanani, Eliatha, Giddalti, Romamti Ezer, Joshbekasha, Mallothi, Hothir eno Mahaziot.

⁵Alhou no Heman pelo akukau wu tungkupu shipe pa nu pano chighi bidi eno anga pano kuthu no Heman pelo akumto shilupe.

⁶Pa nuliqo kumtsu panongu papu no kichepiye keu kiqi lono ayi kughakeu ghugha eno aheo ighakeu achinekilo akumlla hoho shikelo ighae. Eno Asaf, Jeduthan eno Heman ishiye akukau no ahza tsukelono shie.

⁷Pano muku bidi kumtsu shitsamie; eno pano kusami Levimiye alekiphelo qokiphe luvekemi, panongu kumtsu kelo 288 ke.

⁸Panongu kumtsu pututa kumlapu ikhiluni kelo itimi shi aghimu, kichimi shive aghimu, shitsamimu huthu tughumi mu kumtsu asaqhibe juno shicheke.

⁹Timi hi 288 ye chighikini-ni no akibo lono muku bidi shi kijeve eno amqo lakhi khilo sakipheu lakhi khi qhie. Panongu kumla kiqi lono akikithi hitoi shipe puani: 1. Jesof, Asaf kibolomi 2. Gedalia 3. Zakur 4. Zari 5. Nethanial 6. Bukkia 7. Asharela 8. Jeshaia 9. Mattania 10. Shimei 11. Uzziel 12. Hashabia 13. Shebuel 14. Matithia 15. Jerimot 16. Hanania 17. Joshbekasha 18. Hanani 19. Mallothi 20 Eliatha 21. Hothir 22. Giddalti 23. Mahaziot 24. Romamti Ezer