Read Sumi Naga YEKIKITHI ATUGHIU 27 Bible Online

YEKIKITHI ATUGHIU 27 - Sumi Naga bible

YEKIKITHI ATUGHIU 27

¹Hipaqono Israilmi akibolo eno alaghalo atomi eno sakiphemi eno akuka yehkipe kumlalo ampemi ke. Ampelo aqhi atsu-tsu amqo kumtsulo timi 24,000 no pututa zahtsuu zah kutsu qholono akumla shike.

²Aqhi atsu-tsulo timi hipaqono zahtsumi shie. Aqhi atughi-ulo: Jashobeam Zabidiel nu (paye Perez laghalo kihikusumi lakhi, Juda shiyeh mqo gholo). Aqhi akiniulo: Dodai, Ahohi kughukomi (Miklot no pa shelo akiniu zahtsuu ke). Aqhi akuthuulo: Benaia achineu Jehoiada nu; paye “Shighi” gholo sakipheu (panu Amizabad no pa zuqhulo amqo hipaulo zahtsuu shilue). Aqhi abidiulo: Asahel, Joab thikuzuu (panu Zebadia no pa zuqhulo ngolue). Aqhi apunguulo: Shamhut, Izhar kughukomi. Aqhi akutsughoulo: Ira Ikkesh nu Tekoami. Aqhi akutsuniulo: Helez, Efraimmi Pelon lono ighi. Aqhi akutacheu lo: Sebbekai Hushami (paye Zera laghalo kihi kusumi lakhi, Juda shiyeh mqo gholo). Aqhi atokuulo: Abiezer, Anathot mi Benjamin shiyeh yeghi bocholo mike. Aqhi achighiu lo: Maharai Netofami (paye Zera laghalo kihi kusumi lakhi ke). Aqhi chighi qhaqhiulo: Benaia Pirathonmi Efraim shiyeh yeghi bocholomi ke. Aqhi chighi akiniulo: Heldai Netofami (paye Othniel kughukomi lakhi ke).

¹⁶Timi hipaqono Israil laghalo ayehkipemiqoke: [Alagha] — [Ayehkipeu] Ruben — Eliezer, Zikhri nu Simon — Shefatia, Maaka nu Levi — Hashabia, Kemuel nu Aron — Zadek Juda — Elihu, akukau David thikuzumi gholo lakhike Isakhar — Omri, Mikhael nu Zebulun — Ishmaia, Obadia nu Naftali — Jeremot, Azriel nu Efraim — Hoshea, Azazia nu Kulolau Manase — Joel, Pedaia nu Kipelau Manase — Iddo, Zekharia nu Benjamin — Jaasiel, Abner nu Dan — Azarel, Jeroham nu

²³Akukau David no Israilmi apunu mpe muku qhouye kihi moe, kughengu AMPEU no Israilmi atsutsulo ayepu kikihi toi ikowo peni pi piqhipuae.

²⁴Joab, paza je Zeruia, pano timiqo kihiju, ikemu paye kihi khamove. Ike akikihi shike ghenguno Alhou no Israilmi ghimeve, tighenguno ashekhau kikihiye Akukau David hiyam lo yekithipe qhike qo ithumlae.

²⁵Timi hipaqono akhoto nhemghaqo shou ayehkipeu shiche. Akhoto nhemgha kiqhi chebo: Azmavet, Adiel nu Alikhi abocholo anhemgha kiqhi cheboqolo: Jonathan, Uzzia nu Alu kumlami shou: Ezri, Khelub nu Atsayilu qolo: Shimei, Ramami Atsayiji kutsughumi shou: Zabdi Shefammi Oliv eno mubuthi xathi (kulolau naghuto qhou): Baal, Gedormi Oliv teli qhikepua shou: Joas Sharon khilalo amshiqo shou: Shirtai, Sharonmi Akhilalo amshiqo: Shafat, Adlai nu Kemel: Obil,Ishmaelmi Gadaha shou : Jehdeia, Meronotmi Bheri ngo Ane shou: Jaziz, Hagritmi

³²Akukau David pangu Jonathan no alokutsu kuphukutsuu eno akighithiu. Pa eno Jehiel, Hakhmueni nu pamano akukau nuliqo akighithi tsunikeu shike.

³³Ahithofel no akukauw kuphukutsuu eno Hushai Arkhaimi no akukau shou eno amlo vepiqi kutsuu.

³⁴Ahithofel thivekethiu, Abiathar eno Jehoiada Benania nu pamano akukau kuphukutsuu shi luve. Joab no akukau wu ghushimi shou zahtsuu shie.