Read Sumi Naga YEKIKITHI ATUGHIU 5 Bible Online

YEKIKITHI ATUGHIU 5 - Sumi Naga bible

YEKIKITHI ATUGHIU 5

¹Hipaqono Ruben kughukoke, Ruben ye Jakob nu anoghiu. (kughengu pano papu nipu amishiu lakhi sasu zuvekeu ghenguno anu anoghiu mheghi puhave eno tipau mheghi pesu Josef tsuve.

²Juda laghano ighono akumtou eno pa lagha lono alagha kumtsu shou ayehkipeu shivepeke.)

³Ruben, Jakob nu anoghiu no, anu bidi shi; Hanok, Palu, Hezron eno Karmi.

⁴Tiqhelino tiqheli kutolo hipaqono Joyil kughuko ke: Shemaia, Gog, Shimei, Mika, Reaia, Baal eno Bera. Asriyami kukau Tiglat Pilaser no Bera khathaluveno Ashiayehqo gholo sakipheu kughasasu wuve.

⁷Ruben laghalo sakiphemi akibolomi yekithipe qhi keu loji hipaqo: Jeiel, Zekharia

⁸eno Bela, Azaz nu eno Shima nu, Joyil lagha. Hipano laghaye Aroer eno Nebo to eno Baal Meon qhalo kughuno che.

⁹Panonguye Gilead lo asutsuni kupukuno shi ake ghenguno ayeghi tipau pukhalu eno kipelau asaye yeghiqha eno Eufrati ghoki laghi kutolo pukhaluve.

¹⁰Akukau Saul ghuloki lono Ruben laghano Hagritmi lewu eno panongu sasu aghushi eno Gilead kipelau panongu yeghi leluve.

¹¹Gadmiye Rubenmi nguno ahuu Bashan yeghi lono kipelau Saleka kutolo ache.

¹²Joyil no pa laghalo atou eno Shafam no akiniu, Janai ngo Shefat pamano Bashan lo alagha kutau huthu phelu.

¹³Kutami shiayeh qoye hi alagha tsuni qholomi ke: Mikhael, Mishulam, Sheba, Jorai, Jakan, Zia eno Eber.

¹⁴Panonguye Huri nu Abihail kughukoke, khunoqo pasu pikibe wo puani keno: Abihail, Huri, Jeroa, Gilead, Mikhael, Jeshishai, Jahdo, Buz.

¹⁵Ahi, Abidiel nu eno Guni pasu, pano hipa qo lagha shou atou ke.

¹⁶Panonguye Bashan eno Gilead yeghi tipa kumxalo eno asutsuni kua yeghi Sharon qhalo ache.

¹⁷(Yekikithi hipaqoye Akukau Jotham no Juda lo eno Akukau Jeroboam no Israil lo kacheke ghuloki lono yepheluke.)

¹⁸Ruben, Gad eno kipelau Manasse shiyeh qolo ghushimi 44,760 ache, akivishi azuto, azuta eno asuzu peitha nikeu qokiphe luvekemi ae.

¹⁹Panonguye Jetur lo Hagritmi, Nafishmi eno Nodabmi sasu aghushinike wuve.

²⁰Panonguye Alhou lau pukhube eno panongu kuphu tsulopi inikhu eno Alhou no panongu kighini chilutsu puzu panonguno Hagritmi eno pano kuphu akeqo shou tokulu shilupe.

²¹Panonguno aghumi wu kemel 50,000, bheri 250,000 eno gadaha 2,000 eno aghulo akughumi 100,000 khatha luvetsu.

²²Panonguno aghumi kutomo ghiqhivetsu, kughengu aghukishi tipauye Alhou pulou lono shiluke. Panonguye tipau-a lono haphevemoke kutolo tile acheuve.[1]

²³Kipelau Manasse timiqoye Bashan yeghi lono wo ahuu Baal Hermon, Senir, eno Hermon to qhalo ngolu, panonguye lhoxu alau ikowove.

²⁴Timi hipaqono alagha hipaqo shou atou ke: Efer, Yishi, Eliel, Azriel, Jeremia, Hodavia eno Jakiel. Panongu kumtsu aghulo sakiphemi eno pututa laghalo atomi kishekiphe qoke.

²⁵Ikemu timi qono Alhou eno apuasu ghobide su kutami shiyeh toi alhouqo mlla wuveke ghenguno Alhou no panongu yeghi lono hapheve.

²⁶Tighenguno Alhou no Asiriyami kukau Pul (Tiglat Pilaser ghi picheni)pelo pano yeghi suxaluve pe. Pano Ruben, Gad eno kipelau Manasse shiyeh kughusasu wo Hala, Habor, Hara eno Gozan ghoki qhalo alhokuthu kughuna cheuvepe.