Read Sumi Naga YEKIKITHI ATUGHIU 7 Bible Online

YEKIKITHI ATUGHIU 7 - Sumi Naga bible

YEKIKITHI ATUGHIU 7

¹Isakhar no anu bidi shi: Tola, Pua, Jashub eno Shimron,

²Tola no anu tsugho shi: Uzzi, Refaia, Jeriel, Jahmai, Ibsam eno Shemuel. Panonguye Tola laghalo atou qo eno aghulo ajekipimi qoe. Akukau David ghulokilo panongu kughukoye timi 22,600 shive.

³Uzzi no anu lakhi shi, Izrehia. Izrehia nu bidi, Mikhael, Obadia, Joyil eno Isshia, panongu kumtsu pano laghalo atouke.

⁴Panonguye anipu anuli kutomo acheke, pano kughuko timi 36,000 no ghushimi kumlalo wulu kepushie.

⁵Akiye apasu shi phuju wokelo Isakhar lagha lono timi 87,000 kutolono ghushimi kumlalo wulu kepushie.

⁶Benjamin no anu kuthu shie: Bela, Bekher eno Jediael.

⁷Bela no anu pungu shi: Ezbon, Uzzi, Uzziel, Jerimoth eno Iri. Panonguye panongu laghalo atou eno aghulo atomie. Pano kughukoloye timi22,034 no aghushimi kumla shilu kepushie.

⁸Bekher no anu toku shie: Zemira, Joash, Eliezar, Eloenai, Omri, Jeremot, Abija, Anathot eno Alemet.

⁹Akiye apasu shi phuju wokelo panongu kughukolo timi 20,200 no ghushimi kumlalo wulu kepushie.

¹⁰Jediael no anu lakhi shi, Bilhan, eno Bilhan no anu tsuni shi: Jeus, Benjamin, Ehud, Khenaana, Zethan, Tarshis eno Ahishahar.

¹¹Panonguye panongu laghalo atou aghulo aghushimi atomiqoke; Panongu kughukolo timi 17,200 ghushimi kumlalo wulu kepushie.

¹²Shupim eno Hupim pama ghi hipano shiayeh loke. Dan no anu lakhi shi, Hushim.[3] Naftali kughuko.

¹³Naftali no anu bidi shi: Jahziel, Guni, Jezer eno Shallum, (Panonguye Bilha kughukoqoke.)[4]

¹⁴Manasse nipu amishiu Aramea limi polono anu kini shi, Asriel eno Makhir. Makhir ye Gilead papuke.

¹⁵Makhir no Hupim ngo Shupim pama nipu initsu. Pa chepu je no Maaka. Makhir nu akiniuno Zelofehad, pa poloye totimi lakhi likhike.

¹⁶Maaka Makhir nipuno anu kini punu pama je Peresh eno Sheresh kutsu. Peresh no anu kini shi Ulam eno Rakem,

¹⁷eno Ulam no anu lakhi shike pa je Bedan. Hipaqono Gilead kughuko, Makhir nu eno Manase tilinu.

¹⁸Gilead chepu Hamolekhet no anu kuthu shi: Ishod, Abiezer eno Mahla.

¹⁹(Shemida no anu bidi shi: Ahian, Shekhem, Likhi eno Aniam.)

²⁰Tiqhelino tiqheli kutolo hipaqono Efraim kughukoqo: Shuthelah, Bered, Tahath, Elezadah, Tahath,

²¹Zabad, Shuthelah Shuthelah nguno alau Efraim ye anu kutau kini a: Ezer eno Elead, pamaye Gat lo kughuna kuami atsu-aqu pukawuniye chekelono timino pama ghiqhive.

²²Pama papu Efraim ye atsala ado kushuwo pama ghenguno mlo ache, ike pama thikuzumi no ighino pa mlo vepiqi tsue.

²³Kughou pano pa nipu sasu ashiaji kuqha keno pa nipuno mishiwuve eno anu lakhi punu. Pano kibolo akupuna ighike ghenguno Pano pa je Beria[5] kutsu.

²⁴Efraim ye anga lakhi Shera ae. Lino Beth Horon ahuu eno chhiliu eno Uzzen Shera phughi shitsue.

²⁵Efraim ye anu kutau lakhi Refa ipikeu ghi ae, pa kughukoqoye hipaqo: Reshef, Telah, Tahan,

²⁶Ladan, Amihud, Elishama,

²⁷Nun, Joshua.

²⁸Panonguno pukhaluno ngoluve keu yeghiqhaye Bethel eno tipa kumxalo taun akeqolo ngo kipelau Naaran eno kulolau Gezer. Tinguno alau Shekhem ngo Ayya phughiqo eno tipau kumxalo taun akeqolo ache.

²⁹Manase kughukono aphughi hipaqo qhasupe ache. Beth Shean, Taanak Megido eno Dor eno tipau kumxalo taun akeqolo qhasupe ache. A-a hipaqo kumtsu Jakob nu Josef kughukono ngo chekeu ake.

³⁰Hipaqono Asher kughukoke. Paye anu bidi shie: Imna, Ishva, Ishvi eno Beriah; eno anga lakhi lije Sera.

³¹Beria no anu kini shi, Heber eno Malkhiel. (Malkhiel no Berzaith phughi phuphelu.)

³²Heber no anu kuthu shie: Jaflet, Shomer eno Hotham eno anga lakhi lije Shua.

³³Jaflet ghi anu kuthu shi: Pasak, Bimhal eno Ashvat.

³⁴Pa thikuzuu Shomer no anu kuthu shi: Rohga, Jehubba eno Aram.

³⁵Pa thikuzuu Hotham no anu bidi shi: Zofa, Imna, Shelesh eno Amal.

³⁶Zofa kughukoqono Suah, Harnefer, Shual Beri, Imra,

³⁷Bezer, Hod, Shamma, Shilasha, Ithran eno Beera.

³⁸Jether kughuko no Jefune, Pispa eno Ara

³⁹eno Ulla kughukono Ara, Haniel eno Rizia.

⁴⁰Hipaqo kumtsu Asher kughukoke. Panonguye panongu laghalo akutsu eno aghulo atomi, eno sakiphemike. Asher kughukolo timi 26,000 no ghushimi kumlalo mulakulupu shie.