Read Sumi Naga EZRA 10 Bible Online

EZRA 10 - Sumi Naga bible

EZRA 10

¹Kughou Ezra no akipimi piphe qaghi Israil Lhou zulo itsaiqi akighini shi akeno kiptimi, totimi eno itimi kumzapuno suhope pa gholo mlo qasue.

²Tilehi Elam shiyehlo Jehiel nu Shekania no ishi Ezra vilo pi, “Iye, nino ni Lhou zulo pimivae kughengu nino Alhou mtha kemi sasu kiyeshiveke, ike tishimu Israilmi ghenguye itehi ghi lajupu aphie.

³Tighenguno ninguno ni Lhou zulo tushoqhi ghi pi ani, nino ni nipu anuli pheveni, nino nono pikeu eno niLhou yehza sumsa kichemiqono pikeu kukutsu papenie. Alhou yezahlo shilo pikeu ninguno shinie.

⁴Chelo! hiye okumlapuke, ninguye opapenike kiu shive kepu keno tishivelo.”

⁵Tithiu Ezra no ithughi eno achinemi ngo Levi lagha eno Israilmi pelo atsa kiqi lono shinike tushoqhipe eno panonguno tushoqhive.

⁶Tithiu Ezra no ithuno achinekilo Eliashib nu Jehohanan kibolo ilo eno kuchukusho kumtsu miliveno puthotsu paye hakughutsuve kemi ideikighimiqo xine ghenguno mloqa ake.

⁷Asutsa lakhi pesu Jerusalem eno Juda yeghiqha kumtsulo hakughutsuve keu lono idechile ighikeqo Jerusalem lono kushonike pithi puwu

⁸tiye timi saphetomiqo zahkutsu vechewono shike. Tsala khuu khumu atsala kuthu dolono ighimlave keuye pawu tinhemgha kumtsu luvetsunikeu shi eno paye aqo-aho kihikusu chipiu puhave tsunikeu shive.

⁹Kuchouno aqhi atokuulo atsala amukuni loye atsala kuthudo lono Juda eno Benjamin ghakhu lo kuami kumtsu Jerusalem lo ighino Achineki kodibo lo hekutsupe ngolukhave. Tile ighono boboshi tsughua, ike atsala kusu eno akhoto hoho ghenguno timi kumtsu thuthushive.

¹⁰Ezra Achineuno puthughono panongu vilo pi, “Nonguye inaghalimi luveno Israil kipimi alau kughukovae.

¹¹Tishiaye itehi nonguno AMPEU nongu Lhou zulo axine piphevelo eno pa pulou shilo tipau yeghilomi launo kututa shivelo eno inaghalimi sasu ixavelo.”

¹²Tilehi kuhokuamino asutsa kije lono khochile, “Iye tishiveke, nono piketoi ninguno shini putsae.

¹³Ikemu timi kutomo anie, eno itehiye ighono tsughu anie, ninguye khalau ngoa khamlae momu hiye tsala lakhi kini kumla kumoe, kughengu nino ighono pimivae.

¹⁴Ningu shou kijemi qono timi kumtsu ghenguno puthughono phuju pelo, khunono inaghalimi lukeno kihikutha dolono aphughilo atsa kukughami eno kichimi sasu ighi pelo, lakhi khi tsa kughathaveno Alhou loghu kumsapu nilau ide ighi mphi lono hipau tsa xathave pelo.

¹⁵Asahel nu Jonathan ngo Tikra nu Jahazia pama likhino hipatsa pulomo eno Meshulam ngo Shabethai pamaghi tile pulosuve.”

¹⁶Tithiu hakughutsuve kemi ideikighimiqono tipau xakutha ikhiluvetsu. Ezra achineuno timi kisheve, pututa kilo apu ampiu je eno akumlaje kututashi phuluve eno aqhi achighiulo atsala atughuni ti phujunike ngolu.

¹⁷Panonguno aqhi kuthu dolono inaghalimi lukemi tsa phukide kudai julu khave.

¹⁸Hiye inaghalimi lukemiqo je: Achinemi alagha kiqi lono: Jehozadak nuqo, Joshua lagha eno pa thikuzumiqo - Masia, Eliezer, Jarib eno Gedalia.

¹⁹Panonguno a-u peqhepe panongu nipu qhiveni pive eno panongu xine ghenguno bheritsu lakhi pesu heqhi mllae.

²⁰Immer lagha: Hanani ngo Zebadia

²¹Harim lagha: Masia, Elija, Shemaia, Jehiel eno Uzia.

²²Pashur lagha: Elionai, Maseia, Ismail, Nethanel, Jozabad eno Elasa.

²³Levi lagha: Jozabad, Shimei, Kelaia (Kelita ghi picheni) Pethahia, Juda eno Eliezer.

²⁴Alephemi: Eliashib, Khagho khemi: Shalum, Telem eno Uri.

²⁵Israilmi kutami: Parash lagha: Ramia, Izia, Milkhija, Mijamin, Eleazer, Malkhija eno Benaia.

²⁶Elam lagha: Mathania, Zakharia, Jehiel, Abdi, Jeremot eno Elija

²⁷Zathu lagha: Elionai, Eliashib, Matania, Jeremot, Zabad eno Aziza.

²⁸Bebai lagha: Jehohanan, Hanania, Zabai eno Athlai.

²⁹Bani lagha: Meshulam, Maluk, Adaia, Jashub, Sheal eno Jeremot.

³⁰PahatMoab lagha: Adna, Chelal Benia, Masia, Matania, Benui eno Manase.

³¹Harim lagha lono: Eliezer, Ishija, Malkhija, Shemaia. Simeon, Benjamin, Maluk eno Shemaria.

³³Hashum lagha lono: Matenai, Matata, Zabad, Elifelet, Jeremai, Manase eno Shimei.

³⁴Bani lagha lono: Madai, Amram, Uel, Banaia, Cheluhi, Vania, Meremot, Eliashib, Matania, Matenai, Jasu.

³⁸Binui lagha lono: Shimei, Shelemia, Nathan, Adaia, Maknadebai, Shashai, Sharai, Azarel, Shelemia, Shemaria, Shalum, Amaria eno Josef.

⁴³Neb lagha lono: Jeiel, Matithia, Zebad, Zebina, Jadai, Joel, Benaia.

⁴⁴Hipaqo lakhikhino Alhou mthakeu nipu qhipuache, panonguno anipu tipaqo eno anuliqo kughuxa puwuve.