Read Sumi Naga NEHEMIA 10 Bible Online

NEHEMIA 10 - Sumi Naga bible

NEHEMIA 10

¹Atughiu shi jemchi shikeuye Hakalia nu ahng Nehemia eno pa shelo Zedekiya no jemchi shilu. Hipaqo ghi jemchi shiluke:

²Achinemiqo: Seraia, Azaria, Jeremia, Pashur, Amaria, Malkhija, Hatus,Shebania, Maluk, Harim, Meremot, Obadia, Danel, Genethon, Baruk, Meshulam, Abija, Mijamin, Maazia, Bilgai eno Shemaia.

⁹Levimiqo: Azania nu Jeshua, Henada limi Binui, Kadmiel, Shebania, Hodia, Kelita, Pelaia, Hanan, Mika, Rehob, Hashabia, Zakur, Sherebia, Shebania, Hodia, Bani eno Beninu.

¹⁴Timi gholo Sakiphemiqo: Paros, Pahat Muab, Elam, Zatu, Bani, Buni, Azgad, Bebai, Adonija, Bigvai, Adin, Ater, Hezekia, Azur, Hodia, Hashum, Bezai, Harip, Anathot, Nebai, Magpias, Meshulam, Hezir, Meshezabel, Zadok, Jadua, Pelatia, Hanan, Anaia, Hoshea, Hanania, Hashub, Halohes, Pilha, Shobek, Rehum, Hashabna, Maasia, Ahia, Hanan, Anan, Maluk, Harim eno Baana.

²⁸Ningu, Israilmi timiqo, achinemi, Levimi, Achineki khemi, Achinekilo alekiphemi, Achinekilo mlache kemi eno kutami khunonguno Alhou Yezah gholu puzu niyeghilo akemi inaghami launo kututa shiluve keno ninguno anipu nuli asuqe ithivekemi gholo kuqhano,

²⁹ni sakiphemiqo gholo tushoqhi ani, nino Alhou no pa qeu Muse vechewo tsukeu Yezah kiqi lono xuni, nino AMPEU niLhou no ahza tsukeu kumtsu aghokulu shini eno ninguno pano shilo pikeu eno ayezah kumtsu shini, ninguno hipau hephove aye angsu lakhi apeni.

³⁰Ninguye niyeghilo inaghami akeqo sasu kulakupu shimoni.

³¹Inaghamino athi momu tuxatini kiu kiumu Sabat pinye tsalalo momu kiu kiu kimthe tsala lono nivilo jesuniye sughimu ninguye panoqo launo qhulumoni. Ampe akutsuniu loye ninguye alu chimoni eno apiagha kumtsu qhikhave tsuni.

³²Ampe atsu-tsulo ningu lakhikhino tsandiyi gram pungu achineki vehupulo qhasutsuni.

³³Ninguno Achineki lo akumlla hoho ghenguno hipaqo kutotsuni: akimthe sho, tsalakipe tsulo athi kumllagho, tsala kipetsulo aghashi piti mlla kepu lhoxuqo, Sabat pinye ghenguno akimthe kumllagho, Aqhi Kithe Tiqhetini eno kutau tiqhetini, kutau akimthe kumllagho, Israilmi xine pevenikeu kumllagho eno Achineki ghenguno kiu kiumu avehupu shive keqo kumtsu tsuni.

³⁴Ningu timiqo, achinemi eno Levimino ampe ampelo khuno laghano Ayezahlo shilo pipuakeu kiqi lono AMPEU niLhou lau aghashini ke pitikepu sutsuni keno ampe ampelo asa qhibe nani.

³⁵Ninguno ampe ampelo athi kumllagho khikhi ghile hukelo ithulu tughiu keno tipau pesu Achinekilo wuni eno nisuboqolo axathi ni ipeghi tughiu ghi tishini.

³⁶Ninguno anu anoghiu sasu Achinekilo achineu lau sawuni eno tilauno Ayezahlo shilo pipuakeu toi Alhou lau ikhiphepe akimtheshi tsuni. Ninguno nimishino ati piti tughiu eno niwu bheri momu ane piti tughiu ghi pesu akimtheshi ikhiphetsuveni.

³⁷Ninguno ampe ampelo ghile hupughi keu athi atughiu lono asho kunu keu pesu Achinekilo achineu lau pewuni eno niwu kutau kumllagho, aji, oliv eno axathi jeli kumtsu ghi pewuni. Ningu alu chichekemi phulono chighi saje qhalu chekemi Levimi lau nilu lono tuxatini ipeghi keu chighi saje pesu panoqo lau wuni.

³⁸Kughou chighi saje qhani keno Aron kughukomi achinemino Levimi gholo ngoni eno Achineki lo peitha nike ghenguno panonguno qhalu keu lono saje chighilo lakhi pesu achinekilo anhemghabolo pewuni.

³⁹Israilmi ngo Levimino athi, aji eno oliv teli qhalukeu pesu Achinekilo khilehi ali nhemgha qhicheni eno khilehi achinemi akumla kishimi acheni, Achineki khemi acheni eno Achinekilo alekiphemi chebo shicheni keno tipa-alo anhemghabolo pewuni. Ninguye ni Lhou ki kughuchovemo nani.