Read Sumi Naga NEHEMIA 7 Bible Online

NEHEMIA 7 - Sumi Naga bible

NEHEMIA 7

¹Itehi Jerusalem kupuwuqo mlakitheluve, khaghoqo kumtsu thosu alo mlasuluve, eno achineki khemi, akimthe lekiphemiqo eno Levimi kutami kumtsu pututa kumlalo suve.

²Ino ithikuzumi Hanani ngo Hanania akuka kilo ayehpeu Jerusalem phughilo ayehpe penike qhitsu. Kughengu paye kutami nguno Alhou sukumsamike.

³Atsala ipeghi mphilo ye pama vilo Jerusalem khagho khaqhi kevilopive eno tsukinhe ilomphi eno aghukhemi ngo aphi lono khagho khavelo pi pive. Ino pama pelo Jerusalem lo xu achekemi dolo aghukhemi kisheluveno panongu pelo panongu ki hokumxalo iqhoiqi aghu khe apenike kisheluve lopi pive.

⁴Jerusalem ye aphughi kije lakhi ikemu tilehi timi kutomo kughuna mphike eno aki kutomo shisumono ake.

⁵Alhou no timiqo panongu sakiphemi eno hiyam mi kukutsuno pano limi laghaqo kughuko yekithikeu pasu lheju penike ilolo muzusutsuke. Ino khunoqono akughu lono ideighi keno panongu je paghi yelu eno hitoi ino phuphelu:

⁶Hakughutsuve kemi kutomono Babilon ghakhu qhiveno Jerusalem ngo Juda lo pututa phughilo ideighive. Pano bolomiqoye akukau Nebukadnezer no panongu akughushi sasu Babilon lo wuveke kutolo akughumi shi acheke.

⁷Panoqo shou sakiphemi: Zerubabel, Joshua, Nehemia, Azaria, Ramia, Nahamani, Mordekai, Bilshan, Misperet, Bigvai, Nehum eno Bana.

⁸Hino Israil laghalo khunoqo alagha lakhikhilo akughu lono ideighi kemi laghaqo: Paros - 2,172 Shefatia - 372 Ara - 652 Pahat Muab (Jeshua ngo Joab kughuko) - 2,818 Elam - 1,254 Zatu - 845 Zakai - 760 Binui - 648 Bebai - 628 Azgad - 2,322 Adonikam - 667 Bigvai - 2,067 Adin - 655 Ater (Hezekia ghi picheni) - lhotoku tache Hashum - 328 Bezai - 324 Harip - 112 Gobeom - lhotoku tsugho

²⁶Timi khunoqo puasuno taun hipaqolo achekeno panongu ghi ideighi: Bethlehem ngo Netofa ideighi - 188 Anathot - 128 Bet Azmavet - lhobidi kini Kiriat Jerim, Khefira eno Berot - 743 Rama ngo Geba - 621 Mikmas - 122 Bethel ngo Ai - 123 Nebo lakhiu - lhopungu kini Elam lakhiu - 1,254 Harim - 320 Jerikho - 345 Lod, Hadid ngo Ono - 721 Sena - 3,930

³⁹Hiye achinemi laghami akughu lono ide ighikemi: Jedaia (Jeshua kughokomi) - 973 Imer - 1,052 Pashur - 1,247 Harim - 1,017

⁴³Aje hipaqono Levi limi akughu lono ideghi kemiqo ke: Jeshua ngo Kadmiel (Hodavia kughukoqo) - lhotsuni bidi Achinekilo alephemi (Asap kughukomi) - 148 Achineki ghukhemi (Shalum, Ater, Talmon Akub, Hatita eno Shobai kughukomi) - 138

⁴⁶Achinekilo kumlami laghaqo akughu lono ideighi kemiqo: Ziha, Hasufa, Tobaot, Keros Sia, Padon, Lebana, Hagaba, Shalmai, Hanan, Gidel, Gahar, Reaia, Rezin, Nekoda, Gazam, Uza, Pasea, Besai, Meunium, Nefushesim, Bakbuk, Hakufa, Harhur, Bazlit, Mehida, Harsha, Bakos, Sisera, Tema, Nezia eno Hatifa.

⁵⁷Solomon qemi khunoqono akughu lono ideighi keno tipaqo limi: Sotai, Soferet, Perida,Jaala, Darkon, Gidel, Shefatia, Hatil, Pocheret, Hazebaim eno Amun.

⁶⁰Achineki kumlami kughuko ngo Solomon qemi akughu lono ideighikemi kuqhakelo 392.

⁶¹Timi 642 ye, Delaia, Tobia eno Nekoda laghalo Tel Mela, Tel Harsha, Kerub, Adon ngo Imer taunqo lono ideighi keqoke, ikemu panonguye Israilmi kughuko kepi pimlave.

⁶³Achinemi lagha hipaqoye pano puasu kughuko phumlave: Hobaia, Hakoz eno Barzilai. (Barzilai achinemi laghami puasuye Gilead lo Barzilai no laghalo totimi lakhi sasu kulauve eno panongu lagha jeku luveke.) Panonguye pano puasu phumlave.

⁶⁵Panonguye achuqupu pesu Alhou tsukeu hu achinemi lakhino Urim ngo Thumim phujumo kelo chulumo nani kepi Judami no panongu vilo pive.

⁶⁶Akughu lono ideighikemi kihi kuqhakelo - 42,360 Panoqo qemi kiptimi ngo totimi kuqha kelo - 7,337 Alekiphemi kiptimi ngo totimi kuqha kelo - 245 Khurshi - 736 Khurshigha - 245 Kemel - 435 Gadaha - 6,720

⁷⁰Timi kutomono Achineki kumlapulo qhasutsu eno kuphutsu: Ahng no shuna kilogram tache, chinikelo peitha kepu khu lhopungu, achinemi phimini 530, Alaghalo akutsu shi akeuno shuna kilogram 168, Tsandiyi kilogram 1,250 Timi kutamiqono shuna kilogram 168 Tsandiyi kilogram 140 Achinemi phimini lhotsugho tsuni.

⁷³Achinemi, Levimi, achineki khemi, alekiphemi, inapughami kutomo, achinekilo mlachekemi - hi Israilmi kumtsu Juda phughi eno taunqolo kughunaluve.