Read Sumi Naga IPEKULU 27 Bible Online

IPEKULU 27 - Sumi Naga bible

IPEKULU 27

¹“Akasia su pesu akiptia lakhi mlalo. Tiye kodibo mtsasaikeu shilo, akushu lau akije lau miter kini sentimiter muku shilo eno akiqhe lauye miter kini sentimiter shighi shilo.”

²Akutsuqa cheku bidilo shengulei pukulo. Tipaqoye akiptia gholo ashi lakhi shipe qhilo, eno tipau akuchopu alazayino kuzuvelo.

³Iyiyikeu yevu ghenguno ali mlape qhilo, eno akuphu ngo chithakhu, fukepu ayikuhokeu eno amilo pukukepu li mlape qhilo. Hipaqo khu-ali kumtsu alazayi pesu shilo.

⁴Alazayi khoje lakhi shipuzu alazayi bocho shekichi chekulo qhilo.

⁵Akiptia vehokeu qholo akhoje qhilo tishianguno akiptia tuxa kutolo tokeu shipelo.

⁶Akasia su pesu xapukepu khadu mlalo, tiye alazayi pesu kuzuvelo,

⁷eno akiptia xapuwu nikelo tipau jibolo ayi bocho akeulo chuxu supe wulo.

⁸Apayi pesu tipau shilo eno kubokhu qhilo, tiye naghutolo ino opiyevekeu koghe kiqi lono shilo.

⁹“Ino ngo keu Phiki ghenguno phepheyi keu phi kivi pesu nhaqhipe putukhasu ghi shilo. Apeu kudau nhaqhi keu phiye akushulau miter lhobidi shilo,

¹⁰tiye alazayi tsukucho muku ghoqhekepu alazayino shikeu mukuno choqhekeu shilo, tipaqolo pufu kepu eno akhadu qoye tsandiyino shini.

¹¹Tipa tho lono ahuu kudau putu sukeu ghi shipe qhini.

¹²Kulola kudau nhaqhi phiye akushu lau miter muku kini shilo eno tilehi atsukucho chighi eno puqhe kepu-a chighi ani.

¹³Kipelau khilehino ilokeu la ani keno tighi putusukeuye miter mukukini shikepu.

¹⁴Ikulola putoputolo nhaqhi phiye miter tsugho no sentimiter lhotsugho shilo, tipaulo atsu kucho kuthu eno puqhe kepu kuthu shilo.

¹⁶Ikulolalo ghenguno nhaqhi phi akushulau miter toku shilo: tiye amhi phi, tsulabei, hughai eno huchui keu pesu phepheyi ghokeu eno aye shisu keuno koghekughu shikeu. Tiye ghoqhe kepu bidilo atsukucho bidino choqhepe qhilo.

¹⁷Putu sukeu vehomxa puakeu tsukuchoqoye tsandiyi no shikeu khaduno chokimelo eno tipaulo pufukepu ihokeu yi ye tsandiyino shikeu eno tipaqo ghoqhe kepuqoye alazayino shilo.

¹⁸Putusukeu huye akushu lau miter lhobidibidi, akije lau miter muku kini eno akiqhe lau miter kinilo sentimiter muku shilo. Nhaqhi phiye phepheyikeu aphi kivino shilo eno ghoqhe kepu huye alazayino shilo.

¹⁹Aphikilo peithakepu jeli kumtsu eno Aphikilo ji putanikeu jeli kumtsu eno putusukeu jeli kumtsu alazayi pesu shilo.

²⁰“Israilmi pelo akulu ghenguno oliv teli sughi penike ahza tsulo, tishi anguno kijili atsu-tsu tipau kuqu penike.

²¹Aron ngo pa nuliqo ino ngochekeu Phikilo akulu kuqu pelo tiye nhaqhi phi nguno khalau Puloshoqhi Bohu gizukudau. Igizulo tilehi avelauno inaqhe kutolo iqupelo. Ahza hipauye Israilmi ngo pano tikughukomino alhokupujulo peche masake.”