Read Sumi Naga IPEKULU 38 Bible Online

IPEKULU 38 - Sumi Naga bible

IPEKULU 38

¹Akumllagho pitikepu ghenguno pano akasia su pesu akiptia lakhi mla. Tiye kodibo lakhi ke, akushulau miter kinino sentimiter muku eno akije lau miter kinino sentimiter muku eno akiqhelau miter lakhino sentimiter shighi.

²Acheku ako bidilo kungu kudau pano shengulei keu shisuno tipaqoye akiptia sasu ashipa lakhi shike. Pano alazayi pesu tipau aqha kumtsu kuzuve.

³Pano akiptia lo peitha chekeu jeli kumtsu mlape qhi: ali, shokileu, chithakhu, fukepuyi eno amilo puku kepu yili. Hipaqo kumtsu alazayi pesu mla.

⁴Pano alazayi pesu akhoje lakhi mla puzu tipau pesu akiptia kichi alou kudau qholo qhi tiye akiptia akiqhelau amtalo suke.

⁵Pano xapu kepu abocho bidi mla eno tipaqo pesu acheku bidilo meda puku.

⁶Pano akasia su pesu xapu kepu khache mla eno alazayi pesu tipaqo kuzuve,

⁷eno tipaqo pesu akiptia jibolo abocho akeulo chuxusu. Akiptia huye kubokhu ghi aqa shipe mlake.

⁸Pano alazayi pesu chithakhu ngo tipau kughoa mlake, tiye totimi khunoqo AMPEU no ache keu Phiki hukikha lo mla chekeno tipaqo wu agi kujupuyi pesu mlake.

⁹AMPEU no achekeu Phiki bokutha ghenguno pano phepheyi phi akivi pesu nhaqhi phi mla. Apeu kudau nhaqhi phiye akushu lau miter lhobidi bidi,

¹⁰tiye alazayi tsukucho muku alazayino shikeu kughoa mukulo susu pesu akufu yi eno hekupta khadu ye tsandiyi no shi puzu tipau puqhepe ke.

¹¹Ahuu kudau bothasu keu ghi titoi aphiphike.

¹²Kulolau nhaqhi phiye akushu lau miter muku kini, tipaulo atsukucho chighi eno akughoa chighi eno akufuyi tsandiyino shike.

¹³Kipela kudau ikulola akeulo botha sukeu ghi miter muku kini.

¹⁴Ikulola nguno hulau hilau kudau nhaqhi phi akeuye lakhi khino miter tsughono sentimiter lhotsugho ke, tipaulo atsukucho kuthu eno akughoa kuthu shike.

¹⁶Botha sukeu nhaqhiphi ye kumtsu phepheyi phi akivi pesu vehomxa ke.

¹⁷Atsukucho ghokepua qoye alazayino shike eno akufuyi ngo hekupta khadu eno atsukucho kutsu nhakeuye kumtsu tsandiyi no shike. Botha sukeulo atsukucho akeqoye kumtsu tsandiyi hekupta khadu no shike.

¹⁸Botha sukeulo, ikulola akeulo nhaqhi phiye phepheyi phino shike, tiye tsulabiyei keu, hughai keu eno huchui keu mhino ghokeu eno aye shisue. Tiye bothasu keu nhaqhi phi toi akushu lau miter toku eno akiqhe lau miter kini ke.

¹⁹Tipau ye atsukucho bidi ghokepua alazayi no shikeu bidino choqhepe shike. Tipaqolo fukepuyi, atsukucho tsuqo eno hekupta khadu qo ye tsandiyino shike.

²⁰Aphiki ghengu yesupe fukimekeu yi eno tipau sumxa pesu bothasu keqoye alazayino shike.

²¹AMPEU no ache keu Phiki khipau lo atu pha kini qhiche keno, ti kuma shou Ahza Chighi yepuku pua, tipau mlakeulo ayi ajeli khije peitha keno tiye hike. Hiye Muse no ahza tsu puzu shikeu eno Aron achineu nu Ithamar no kughutsu keu kiqi lono Levimi tile mlache keqono shipesu qhike.

²²Uri nu eno Hur tilimi, Juda laghami Bezalel no AMPEU no ahza tsukeu kumtsu shike.

²³Pa kukuphu, Dan laghami eno Ahisamak nu Oholiab ye ayi yethapesu koghekughu shikemi lakhi eno phepheyi phi, tsulabiyei hughai eno huchui keu mhi pesu aphi ghothi kemike.

²⁴AMPEU wu akimthe Phiki ghenguno shuna ikhiphe tsu keu kumtsu akimishi mighijukelo aqha kimighi peitha chekeu kiqilo tiye kilogram 1,000.

²⁵Timi lhoxu kihi keu lono tsandiyi ithulu keuno kilogram 3,430 aqha kimighi peitha chekeu kiqi lono huke.

²⁶Pisa hipauye timi khijehi lhoxu kikihilo sukeno tipaqono tsukeu kuqhakeulo hijehi shikeuke, tiye milakhikhi vilo kiu qhemi tsulo pi keno tipau tsukeuke, aqha kimghi peitha chekeu kiqi lonoke. Timi lhoxu kihi keulo hi tsukeu kiqi lono kihiju kelo, kiptimi ampe muku shivekeu eno tinguno akichiu shivekemiqo aje sulukeuye timi 6,03,550 ke.

²⁷Aphiki kimthe shikeulo atsukucho ghokepu 100 mlakeu eno nhaqhiphi ghenguno tsandiyi gholono kilogram 3,400 peithaveke, ghokepua lakhilo kilogram shighi bidi peithake.

²⁸Tsandiyi kilogram shighi achili shi aghikeu pesu Bezalel no hekupta khadu, fulukepu ti, atsukucho eno atsukucho kutsuqa kuzunikeu lo peithake.

²⁹AMPEU lau alazayi ikhiphe tsukeuye akuchopu kelo kilogram 2,425 ke.

³⁰Pano tipaqo peitha puzu AMPEU Phiki ikulola tsukucho ghokepua ngo alazayino shikeu akiptia eno tipau alou alazayi khoje eno akiptialo peitha kepuqo,

³¹bokutha lo akughoaqo eno ikulola bokuthalo akughoaqo eno Aphiki she yekutsa shu eno bokuthalo sukepu jeli kumtsu mlatsuke.