Read Sumi Naga JOB 12 Bible Online

JOB 12 - Sumi Naga bible

JOB 12

¹Imapi, nonguye timiqoke, eno nongu mtsa alokutsu ghi ithivenike.

³Nighi nongu toi amlo pu anie, kiu lonomu niye nongu nguno akimkheu kumoe, khuno hikithipu mthano ani kya?

⁴Ikeghi, niye ishounoqo zukutunupu shi auvae, puzuuye Alhou vilo inikhu kelo ikhochiletsu chekehu! Niye atiche kuha eno amikucho shi anamu azukutunupu kughulhovae.

⁵Ililaikemi kukumsuye angukusa sholuve kemi thaigha keu acheni. Panoye kutopesu nekipheveni kemi khe acheni.

⁶Kupuka kupughami kiye iqunei acheni, eno Alhou phimo kemiye pukhube kulupu acheni, pano kumto no pano lhou shi anamu.[10]

⁷Ikemu tughashi ngo kungu ghauqo vilo iniju lo, panonguno oshika nani ke,

⁸Momu ayeghilo kua eno azulo kua lhoxu vilo inijulo, panonguno opithi nanike.

⁹Hipaqo kumtsu gholo khuuno AMPEU no hitoi shi chenie pi muthano ani kya?

¹⁰Lhoxu kumtsu xuthi eno timi kumtsu tuthu pa-u lo anie.

¹¹Atahano achuqupu micheluke toi akinino atsa michimlani kesha?

¹²Alokutsuye muchomino puanie, axukushumi gholo tsaqutsalei keu anie.

¹³Ikemu alokutsu ngo akuka ye Alhou wuke, tsaqutsalei keu ngo shitsashikeu anie.

¹⁴Pano xaqhive aye khumu shikithemlae, pano khuala kughape akughushive aye, khunomu pa khaqhiphe mlae.

¹⁵Pano azu khathaluve aye, tiye qhaive cheni, pano pheve aye tino ayeghi yimuve chenie.

¹⁶Akumto tokulu ye pawu ke, pishi vekemi ngo pishikiqhimi kumtsu pa ghoe.

¹⁷Pano shitsami ayehkipemi lokutsu kutsavetsu cheni eno sakiphemi pelo mbomzumi toivepe cheni.

¹⁸Kukami wu akichhe kighi pano kuqhovetsu cheni, akichhe kighi pesu panongu chitalo khatsuno akughulo sawuvepe cheni.

¹⁹Pano achinemi pelo mbomzumi toivepe cheni eno akuka peitha akemi hasuve cheni.

²⁰Pukhube kulumi tsapi ikhi suwuve cheni, eno muchomi wu michikulu ikhisuwuve cheni.

²¹Pano thaighakeu pesu ayehkipemi shou be cheni eno akumtomino tshupuaghi keu kughuchovetsu.

²²Pano akuzu kutho lono lhaphevetsu cheni eno akithi kuzuqa lono akuvulo sapeghi cheni.

²³Pano shiayehqo pelo mutotoi eno kishekulu shilu chenipe, ikemu tishi eno panongu sakughuzu sawu kutsave cheni.

²⁴Pano ayeghilo atomi launo michilu keu kuka ikhisuwuve cheni, eno panongu pelo izuvulai itsu susu puhave chenipe.

²⁵Panonguye akuvu kuhano akuzulo ghaju cheni; eno pano panongu pelo shokumzumi toi hezuvulai chenipe.