Read Sumi Naga JOB 15 Bible Online

JOB 15 - Sumi Naga bible

JOB 15

¹Elifaz Alokutsumi ye abokumsa keu kighithi pesu khochileni momu kumsakeu tsa xapu ani kesha?

³Paye ame kuhakeu tsa kutsalani, momu pa kivipu shimla keu tsa pini kesha?

⁴Noye timino Alhou msakeu shipuhave tsuanie eno Alhou vilo khuini nikeu lakha anie.

⁵Kughengu oghokulukumo no ovilo pilo pi kichi puanie eno amqukinimi mili xapu auvae.

⁶Ino kumono olikhi okichilo ipekighi no othave anie eno omutsuno onguku anie.

⁷Timi gholo opaghi punu kesha? Momu naghutoqo zu-uno olho kya?

⁸Alhou wu tuqhou kukughu chilu akesha? Ikeo,alokutsuye olikhino aghukha shipe ani kya?

⁹Ninguno mthakeu kiu nono ithi anikya? Ninguno mutsumishei mokeu kiu nono mutsuqhei ithi ani kya?

¹⁰Apunu mipelo na asakumpalo namu, opu nguno akichiu timi nimqolo anie.

¹¹Alhou no olokughunotsu keuno lukumkhake kumo kesha? Momu mutshaminhei oputsa keu lumkha mo kesha?

¹²Kiuno omlo tishi tsatsai anipe eno kushiye onhethi xukidepe anikya?

¹³Kushiye noye Alhou shou oxuide ani, eno okichilo atsa tijejehi zale ani kya?

¹⁴Timiye kiu keno paye mithelu nani kya? Momu totimino punukemi kenokuu paye Alhou zulo amikucho shiluni kya?

¹⁵Julepi, Alhou ye paw kungumi mu pukhubelu chemoe, eno atsutsu ye pa zulo mithemithei anike kumoe.

¹⁶Timiye tinguno akimkheue, paye kuthakughapue eno alhoksae, timino azuye akeshi kusakugha ye achenie.

¹⁷Ino opiyenike hi inijulo, ino kiu ithulu puani keno lhenike-

¹⁸(Alokutsumino kiu pipuani keno eno pano puasu launo kusuve mokeu;

¹⁹Panongu lau likhi ayeghi tsupe puani eno inaghaumi panongu gholo kitekungo ngomoe.)

²⁰Alhoksamiye pano kuxu kupuju alomihimuza achenie, timi neda qodakemi mipeye pekutsu pe puanie.

²¹Akumsapu sutsano pano kinilo igha acheni, alokughuno shi akelo suxakulumi pano shou ighive cheni.

²²Paye akuzu lono ideghiluve nani kepi pulo kepu kuhae, kughengu paye ghuyilo wonikeu shi ini suvae.

²³Eno paye aluqu khuna shipenike itsuauvae, pa sala akuzu tsala kutope akeu pano ithi anie.

²⁴Shiluksa eno alokimhino pa shikichie, akukau lakhino aghulo wuni ye kuto akeshi, hipaqono pashou ighie,

²⁵Kughengu pano a-u pesu Alhou kutotsu piye eno Tuchomujokutsuu phimo ke.

²⁶Pa zuto shishoyi keu pesu eno pa ku-o puko pe Alhou hae.

²⁷Pa gilo athano kuzu pusu eno pa pokhalo athano chole aghi namu;

²⁸Eno pighivekeu phulo kughunalu, timino kohave aghikeu kilo ngolu ishi namu, aghukishino aki eno aphu tipaqo kutsave nani.

²⁹Paye kinimi shimo nani pa pighiye ikomo nani, momu ayeghilo qusumo nani.

³⁰Paye akuzu launo pomla nani, Amino pa khuni ghaqhi nani, amlhuno pa kupu fukinileve nani.

³¹Pa likhi pa pishiqhi ghi abo kumsa pukhube pekevilo, kughengu abo kumsano pa sala shiluve nanike.

³²Pa do tomphi lono ighuive nani aloka ighuive keshi nani eno minimove nani.

³³Paye atsayibono alothi nimphi lono ighiveke toi nani, eno paye oliv subono akupu khilemu pumoke toi nani.

³⁴Alhou mutha kemi muqoye anuhamie eno kulugho lukeu pesu shikeu kiye amino pitive nani.

³⁵Hipaqo timiye shikupsa mishi puzu akijikusa punu cheni, eno panongu mloye pishiqhikeu no chhitoi achenie.