Read Sumi Naga JOB 17 Bible Online

JOB 17 - Sumi Naga bible

JOB 17

¹Inguagha kubole piniyivae eno ighuloki havae, ighenguno akumoki kutope auvae.

²Kuchouno thaighakeu iphivilo anie, eno hipaqo no ixukutho akeu inhethino ju anie.

³Olikhi olau ighenguno ashoqhi lakhi shitsulo, kutami khuuno ishelo au chhosu tsuni kemi ani kya?

⁴Panonguno kiqi lukepu kukumsu nono nhavetsue, tighenguno noye panongu suqhe kevilo.

⁵Khuuno pa kusami nhemgha kijeni aye pa kusau thechu shini, keno pa tianuli nhethi kighicheve nani.

⁶Pano ikughape timiqo tichebo shivetsu eno kumtsuno ighino imsuteke.

⁷Imlo ghime launo inhethi ghi zamemeivae, eno iphia-uno yekukhu toi haukithevae.

⁸Akumzumi pichekeqo no hipau ithi keulo akichiqhive, eno panongu kumtsuno hiye Alhou phimo keu ghiliepi iphimo.

⁹Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

¹⁰Ikemu nongu kumtsu itaghi izuu ighijulo, niye nongu gholo alokutsumi lakhimu ithulumo nanike.

¹¹Itsalaye wovae, ino kughuakeu eno ipulou ghi hephovae.

¹²Ikusamino putho pesu puchou shivetsu panonguno pikeuno akuvuye akuzu kupunu anie.

¹³Kithimi yeghi[11] mineauvae. Akuzu lo zuniaye izu-a qhae.

¹⁴Ino aqokuchhuki vilo, “noye ipu ke,” pie eno itsaqhi akeu pithe vilo “noye iza eno ichelimie” ipie.

¹⁵Iwu lajupuye khile ani kya? Khuno iwu lajupu ithulu ania?

¹⁶Tiye igholo kithimi yeghilo[12] ilo mlae momu isasu kumtsa ayeghilo ilomlae.