Read Sumi Naga JOB 18 Bible Online

JOB 18 - Sumi Naga bible

JOB 18

¹Bildad Job, noye khitohi atsa mejuni kya? Kumsukuto julo eno tithiu no nino pinike.

³Kishive puzu ni kughape tughashi paphi shivetsu kya? eno ozulo ninguye anikha shi ani pe kya?

⁴Oxu kighideno olikhi oghuza anie. Oghengu ayeghi hipau phevelo pi keo? Momu asu-atu pelo oghengu no ithauvelo pi kya?

⁵Kusakughami kuvuye inheve nani, eno pa mi miliye yepuvu mlae.

⁶Pa kilo akeu kuvuye zuchiyi, pa shou akulu akeuye inheve nani.

⁷Pa pukhu kupka ghi mughughuyi eno pa likhi pawu shitsano pa kughape veqhi chenie.

⁸Pa likhi pa pukhuno pa xapuwo akhame lo kitimeve cheni, eno pa ye aqohkuchhu shou chechenie.

⁹Pa phitsu ye alichhe lono meluve eno alichhe no pa tsaluve cheni.

¹⁰Pa sala ayeghilo tsughutsha shipe puani, eno pa sala alalo alichhe shipe ani.

¹¹Aqha kumtsu lono akumsapuno pa kichi acheni eno pa thiuno pa hacheni.

¹²Pa kumtoye akhuavano tsaqhi, pukhupile puhave nikeuno pa khe anie.

¹³Akusuno pa yiko chue eno akithi nu anoghiuno pa phia-u chue.

¹⁴Pano pukhubepe achekeu ki lono pa sukholepe sawue eno akuyi ghupu akukau zulo sunhekiti sawu.

¹⁵Pano sasu ngochemo keuno pa kilo aniae, ino baras[13] pesu paki lekuxu niae.

¹⁶Pa kuhuno qhaive eno pa lokano ighuiveniae.

¹⁷Ayeghilo pa kumsu mlaveniae eno alaghi lalo pajuaje kuhaniae.

¹⁸Paye akuvu lono akuzulo tusuve eno ayeghilomi launo hapupo niae.

¹⁹Pano timi gholo pa limi alagha kuhania, momu pano kughuna chekeu-a lo pa limi lakhimu xu aghimae.

²⁰Kulolau akemino pa ghili chilu puzu apuchopungove; eno akumsano kipelau akemi shithughuyive.

²¹Kuchouno alhoksami kuxu eno Alhou kumthami ye hitoike.