Read Sumi Naga JOB 19 Bible Online

JOB 19 - Sumi Naga bible

JOB 19

¹Nonguye khitohi ipitipuzaqhi anani kya? Khitohi atsa pesu itsughupho piniyi anani kya?

³Hi ghuthu chighi kutolo nonguno ithake, eno ilau titoi akumou shikeghi nonguye akukujo ghi kuhamitheyi ke.

⁴Tsala ino kuqu puaghi namu tino kiu oghuza ani kya?

⁵Nonguno inguno akiviu pi kumsu, eno iwu shiluksa pesu ipimi aghi pimu;

⁶Nonguno ithikepu shikeuno, Alhou no ikughape akumoulo qhi anie, pano imeniye alichhe shipe qhike.

⁷Pa sasu kupughu mlakeu ino igha muku piwo ikemu khunomu iniju tsumoe, achipiu lono xatha tsulepi ino pi, ikemu khumu shitsumoe.

⁸Alhou no ilaghi ghakhavetsu eno niye ti heche wumlae eno pano akuzu pesu ilaghi ghanhavetsue.

⁹Pano iwu kinikulu ikhisuwuve eno ikijivile chekeu ilauno ikhi suwuvetsue.

¹⁰Aqha kumtsu lono pano ichishiqhie eno niye cheveniae, ino lajuakeu pa no akuhu lono nhujovetsue.

¹¹Paye ishou aloghuide anie, eno ikughapesu pa ghumi toi peithae.

¹²Pawu ghushimi ile peniye puwue, tipaqono ishou panongu la ghepukue eno iki homxape anie.

¹³Alhou no ithikuzumi pelo iqhi vepeke, ikilekithimi kughape inami kughulhovetsue.

¹⁴Isholokumino ipheve eno iw shompamino ikumsumavae.

¹⁵Ikilo inami ighichekeqono iku msumave eno iqelimino ipesu inami paphi shiuvae.

¹⁶Ino iqeu ku aye ikhochilemoe, ikimiyetsu lepi qhuiniju puhae.

¹⁷Inipu no ijuno amti-pu auve eno izapolo kiqimino ijuno apumqhue.

¹⁸Itimi thotsu ijukuchhubeuve, ino puthugho aye panonguno ijunu wuve.

¹⁹Iposhuu noqono ijupe apumqhu wuve, eno ino shishe kimiye chekeqo no ishou vimo auve.

²⁰Iyiko ngo ishiye ighilo ikhudai ilovae. Ihu likhi xijo pesu auvae.

²¹Ikimiye tsulo, nongu ishounoqo, kughengu Alhou no pa-u pesu ikuo ke.

²²Kushiye nonguye Alhou hutoi ipishipuju ania? Nonguye ighimeqhi keu aghaqi mphi kesha?

²³O itsa yepe qhilu keaye! eno tipaqo kaku lakhilo yepe pualu keaye!

²⁴Akiyepuno shisayizu pesu atuqulo pulhapuju ghenguno yepukupe pualu keaye!

²⁵Ikemu ino ithi ani, ixakuluuye xuanie, eno ashekhalo pano ayeghi shou[14] puthugho nani.

²⁶Iyiko tsaphe pinive kethiumu, iphi hipau lono no Alhou ithulu nanie.

²⁷Inhethi ampino pa ithulu nani eno paye tusumi shiaghimo nani. Ilolo ikumto ghi hauvae, eno thime hipau ghu ye pa launo phunie.

²⁸Kughengu nonguno pi, “Ninguye kishieno pa shikimighi luni kya? Eno pa mujo kepu jekujeli pa lolono phuluni kya?”

²⁹Azuta msalo. Azuta no axine shou Alhou loghu sughi cheni, tishianguno xakutha akeu nonguno ithi nani.