Read Sumi Naga JOB 20 Bible Online

JOB 20 - Sumi Naga bible

JOB 20

¹Zofar Job, ikukumsuno ihakutho auvae, kughengu ihakilhe keu ilolo anie.

³Shikithe aniepi ipiputha keu ino chilu anie, ikehu ikighithilo anguaghano ihakilhe auvae.

⁴Khaghi ayeghilo timi lhophe tughu lono wo ishi kutolo nono hi ithi ani, ike

⁵kusakughami wu tokulu ye ado ikhonheyi, eno pulotshumi lokiviye asuchedo kitila ghengu likhike kumo kesha?

⁶Pa kivino atsutsu tonikeshi eno pa kutsuno khungkusu cholu nikeshi aghi pinamu,

⁷Pa ba toi alhokuthu ghenguno hauve nani. Pa ithulupe pua keqono, “Paye khilavea kya?” ipi nani.

⁸Asamo toi paye yewuveno phumlave nani, putholo zuxou toi paye ha pupove nani.

⁹Pano kughuna achekeu alo pa ithumlave nani.

¹⁰Pa nuliqono kumlhomi wu kikimiye phu nani, eno pa uno pawu kinikulu pesu tsuchile nani.

¹¹Pa shi aji hu alhothelo toi achekeu hu pa gholo ayeghi mukhu ilhouve nani.

¹²Pa kichiloye lhoksa kughano akungou shi aghi namu, pano tipau pa mili qholo kusu anamu,

¹³Pano ti phekupu kehu pa kichilo muqa pu anamu,

¹⁴Pa polo chusupe puakeuno ide nani, tino pa polo apighi tithi paphi shive nani.

¹⁵Paye kinikulu munoqhi puzu itaghi mughulephe chenie. Pa polo nomu Alhou no ikhiphe kithe chenie.

¹⁶Pano apighi tithi mususu cheni eno apighino miki kelo hutoi pa pithive cheni.

¹⁷Paye xuaghi puzu teli zula juluni chemoe, momu akichhizu eno akhi ngozu ghoki juluni chemoe.

¹⁸Pano mulaphelukeu phevemasa nani, eno paye ti munoqhimo nani. Pano lhidhi shi kelo alla shilu keu alokiqi shi peitha mla nani.

¹⁹Kughengu pano kumlhomi qhasu eno shikighimeke eno kutamino shipuakeu ki pano suxaluve achenie.

²⁰Pa lakimine no a-a shimla kehu, pano kiu pulokeno lakhimu phemoe.

²¹Pano chuke thiu kitilamu achili shilu chemoe, tighenguno pawu kinikuluye itheno hauve nani.

²²Pano kupukuno no lukumkha shi ake lono akupuna shiuve nani. Eno shiluksano mishishei pa qaluve nani.

²³Pa po sunhei chhitsuni ke Alhou no axu kighide pa lau puwu nani, eno tino achuqupu toi ighipe nani.

²⁴Azuta angu zulono pokawulu namu alazayi pijino pa vezulive nani.

²⁵Apiji no pa phi eno pa tithi vepi live eno kumsa kimshipuno pa shou ighive.

²⁶Pano akini pekutsu puakeu kumtsu kutsave, timino fuqhimo keu mi no pa pitiqhi nani, eno pa kilo aghi keu pitive nani.

²⁷Kungughano timi tipau xine pephe piye, eno ayeghino pa shou atsa kugha nani.

²⁸Alhou loghu tsala lo sunhesawuke hutoi paw kuakini ye pepove nani.

²⁹Hiye kusakughami sala Alhou no angukusa kughuthape qhipuatsu ake.