Read Sumi Naga JOB 23 Bible Online

JOB 23 - Sumi Naga bible

JOB 23

¹Ishighi itsapiye khumtsayi anie, kughengu ino igha ake shouno Alhou uno mishishei iqhake.

³Khileno pa phulu nani kela ithi aye pano akeu-a lo wuju nishike.

⁴Ino itsa kugha kepu pesu pa zulo pini cheke, eno ikichi kichhi shi atsa laluveni ke.

⁵Pano kiu pinani kela ino tsaqui ithini, eno paye kishi ikhochile nani kela ino ithi nishie.

⁶Alhou ye pa kumto kumtsu pephe no isasu kuxuni kesha? Moe, paye ishou tishimo nani.

⁷Alhou zulo akumzumiye pano saphuveni keu anie, itsa kughakuthau no ghuthu lakhi lono alhokuthu sala ixapheluve nani.

⁸Julo, ino kipelau wuju kemu paye tila kuha, eno kulolaumu pa phumlave.

⁹Ino ahuu pa phuwu kemu ithumlae, eno apeu ghi pa jupuhave.

¹⁰Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.

¹¹Ipukhu pa nepalo nesu ghi cheni, ino pa laghi zu cheni eno tsughuve mphie.

¹²Alhou no shilo pikeu tsalo vezuve mphike. Pano pikeu imlolo kutsu kiyipe puani.

¹³Pano kughuthaluve keulo khuno pa hachileluni kya? Pano kiu pulo kela ti shicheni.

¹⁴Ighenguno pano kiu kughupe puani keno paye shikupuni putsae, hitoikeu thime kutomo pa lolo anie.

¹⁵Tighenguno niye pa sasu kushoni keu musa anie, ino ti kumsu aye niye pa musae.

¹⁶Alhou no imlo pelo hauve peke, Tuchomujokulu Lhou no ishi kichi ke.

¹⁷Kughengu akuzuno ipelo phomo yiveape eno akuzuno igi kuzukhoi peanie.